ജോലി ചെയ്ത കാലത്ത് പ്രശ്നങ്ങളെ നേരിട്ടത് പോലെ വിരമിക്കല് കാലത്തും ജീവിക്കണമെങ്കില് കയ്യില് കാശ് വേണം. വിരമിച്ചതിന് ശേഷം ഒരു വായ്പ ലഭിക്കുകയില്ല. മക്കളുടെ സംരക്ഷണത്തില് ജീവിക്കുകയാണ് മറ്റൊരു കാലം. പുതിയ കാലത്തിന്റെ വേഗത്തിനൊത്ത് വയസ് കാലത്ത് എത്താന് സാധിച്ചില്ലെങ്കില് അവിടെ പ്രശ്നങ്ങളുണ്ടാകാന് സാധ്യതയുണ്ട്.
ഇതിനാല് ജോലിയൊക്കെ അവസാനിപ്പിച്ചാലും ജീവിക്കാനുള്ള തുക കയ്യില് വേണം. ജോലിയിൽ നിന്ന് വിരമിക്കുന്ന സമയത്ത് ലഭിക്കുന്ന തുകയും കയ്യിലെ നിക്ഷേപങ്ങളും നല്ല രീതിയിൽ നിക്ഷേപിച്ചാൽ വിരമിക്കൽ കാലം പണത്തിന് ബുദ്ധിമുട്ടില്ലാതെ ജീവിക്കാം.
നിങ്ങളെ പോലൊരു സാധാരണക്കാരനാണ് മോഹനനും. ഇദ്ദേഹത്തിന്റെ ഉദാഹരണമെടുക്കാം. അടുത്ത വര്ഷം ജോലിയില് നിന്ന് വിരമിക്കുകയാണ്. വിരമിക്കല് സമയത്ത് 1.5 കോടി രൂപയോളം അദ്ദേഹത്തിന് ആനുകൂല്യങ്ങളായി ലഭിക്കും. ഇതിനൊപ്പം 50 ലക്ഷത്തിന്റെ നിക്ഷേപം അദ്ദേഹത്തിനുണ്ട്. മാസത്തില് 60,000 -70,000 രൂപയുടെ ചെലവ് വരുന്ന ഇദ്ദേഹത്തിന് മാസ വരുമാനം ലഭിക്കുന്നതും ദീർഘകാലത്തേക്ക് സുരക്ഷിതവുമായിരിക്കുന്ന നിക്ഷേപങ്ങൾ വേണം. ഇതിനായി നിക്ഷേപത്തെ രണ്ട് ഭാഗങ്ങളാക്കി തിരിക്കണം. സ്ഥിര വരുമാനത്തിനുള്ളതും ദീർഘകാലത്തേക്കുള്ളതും.
സ്ഥിര വരുമാനം നേടാം
സ്ഥിര വരുമാനത്തിനും അത്യാവശ്യ ചെലവുകള്ക്കും എങ്ങനെ നിക്ഷേപിക്കാം എന്ന് നോക്കാം. കയ്യിലെ 2 കോടിയുടെ 60-70 ലക്ഷം രൂപ വരെ മികച്ച പ്രകടനം നടത്തുന്ന 4-5 ഡെബ്റ്റ് ഫണ്ടുകളില് നിക്ഷേപിക്കാം. ഇതില് സിസ്റ്റമാറ്റിക്ക് വിത്ത്ഡ്രോവല് പ്ലാന് വഴി മാസ ചെലവിനുള്ള 60,000- 70,000 രൂപ മാസത്തിൽ പിന്വലിക്കാം. 9-10 മാസത്തെ ചെലവുകള് ഈ വിധത്തിൽ നിക്ഷേപം നടത്താം.
മാസം പിന്വലിക്കുന്ന തുകയുടെ വലിപ്പം അനുസരിച്ച് കാലാവധി ഉയരുകയും കുറയുകയും ചെയ്യും. ഡെബ്റ്റ് ഫണ്ടുകളായതിനാൽ ആവശ്യമുള്ളപ്പോള് പിന്വലിക്കാൻ സാധിക്കും. ഡെബ്റ്റ് ഫണ്ടുകൾക്ക് ബദലായി സര്ക്കാര് ഗ്യാരണ്ടിയുള്ള സീനിയര് സിറ്റിസണ് സേവിംഗ്സ് സ്കീമില് നിക്ഷേപിച്ചാല് ത്രൈമാസത്തില് പലിശ ലഭിക്കും.
Also Read: കൈമാറ്റം ചെയ്ത സ്വത്ത് തിരിച്ചെടുക്കാം; മുതിര്ന്ന പൗരന്മാര്ക്കുള്ള അവകാശങ്ങളറിയാം
ദീർഘകാല നിക്ഷേപം
ബാക്കിയുള്ള തുക നിക്ഷേത്തിനായാണ് മാറ്റിവെയ്ക്കേണ്ടത്. 1.3 -1.47 കോടി രൂപ ബാക്കിയുണ്ടാകും. ഇത് വ്യത്യസ്ത ഫണ്ടുകളിലേക്ക് മാറ്റുകയാണ് വേണ്ടത്. റിസ്കെടുക്കാനുള്ള ശേഷി അനുസരിച്ച് ഈ തുക ഇക്വിറ്റി ഫണ്ടുകളിലേക്ക് മാറ്റണം. 40-50 ശതമാനം വരെ നിഫ്റ്റി 50, സെന്സെക്സ് അടിസ്ഥാനമാക്കിയുള്ള ഇന്ഡക്സ് ഫണ്ടുകസില് നിക്ഷേപിക്കം.
20-30 ശതമാനം അഗ്രസീവ് ഹൈബ്രിഡ് ഫണ്ടുകളില് നിക്ഷേപിക്കാം. ബാക്കിയുള്ളവ സുരക്ഷിത നിക്ഷേപങ്ങളായ സീനിയര് സിറ്റിസണ് സേവിംഗ്സ് സ്കീം, പ്രധാനമന്ത്രി വയവന്ദന യോജന, ആര്ബിഐ ഫ്ളോട്ടിംഗ് റേറ്റ് ബോണ്ട് എന്നിവയിലും നിക്ഷേപിക്കാം.
Also Read: ഗുണങ്ങൾ ദോഷങ്ങളാകാൻ നിമിഷങ്ങൾ മതി; ജോയിന്റ് അക്കൗണ്ട് ഉടമകൾ ജാഗ്രതെെ !
സ്ഥിര വരുമാനത്തിനായി നിക്ഷേപിച്ച തുക 10 വർഷത്തേക്ക് മാസത്തിൽ പിൻവലിക്കാൻ സാധിക്കും. ഇതിന് ശേഷം മാത്രമെ ദീർഘകാല നിക്ഷേപത്തിൽ കെെ വെയ്ക്കാൻ പാടുള്ളൂ. 9 ശതമാനം ആദായം പ്രതീക്ഷിച്ചാല് നിക്ഷേപം 10 വര്ഷം കൊണ്ട് 3 കോടിയിലേക്ക് എത്തും. ഈ തുക പിന്നീടുള്ള ചെലവുകള്ക്ക് ഉപയോഗിക്കാം. ഇതിൽ നിന്ന് നിശ്ചിത ശതമാനം ചെലവുകൾക്കായുള്ള ഫണ്ടിലേക്ക് മാറ്റി ബാക്കിയുള്ള ദീർഘകാല ലക്ഷ്യങ്ങൾക്കായി വീണ്ടും നിക്ഷേപിക്കണം. ഇത് നിശ്ചിത കാലത്തേക്ക് തുടരണം.
റിയൽ എസ്റ്റേറ്റ് നിക്ഷേപം
പലരും വിരമിക്കൽ കാലത്തേക്കുള്ള വരുമാനമായി റിയൽ എസ്റ്റേറ്റ് നിക്ഷേപം പരിഗണിക്കാറുണ്ട്. ഇതിൽ ശ്രദ്ധിക്കേണ്ട ചില കാര്യങ്ങളുണ്ട്. ആദ്യത്തേക്ക് വലിയ മുതൽ മുടക്ക് ഇതിന് ആവശ്യമാണെന്നതാണ്. എപ്പോഴും ഇതിൽ നിന്ന് വരുമാനം പ്രതീക്ഷിക്കാനും സാധിക്കില്ല. ഇതോടൊപ്പം പ്രായമാകുന്ന സമയത്ത് വസ്തുവിന്റെ അറ്റകുറ്റപണി, വാടകക്കാരുടെ പ്രശ്നങ്ങൾ പരിഹരിക്കൽ തുടങ്ങിയ കാര്യങ്ങളിൽ ഇടപെടാൻ സാധിച്ചെന്നും വരില്ല.