ബാങ്കില്‍ പോകാതെ നിങ്ങളുടെ എസ്ബിഐ അക്കൗണ്ട് ട്രാന്‍സ്ഫര്‍ ചെയ്യാം - എങ്ങനെയെന്ന് അറിയണ്ടേ?

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

നിങ്ങള്‍ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) യുടെ ഒരു ഉപഭോക്താവാണോ? നിങ്ങളുടെ എസ്ബിഐ അക്കൗണ്ട് ട്രാന്‍സ്ഫര്‍ ചെയ്യാന്‍ നിങ്ങള്‍ ആഗ്രഹിക്കുന്നുണ്ടോ? എങ്കില്‍ ഇനി അത് എളുപ്പം സാധിക്കും. എസ്ബഐയുടെ സേവിംഗ്‌സ് അക്കൗണ്ട് ഒരു ശാഖയില്‍ നിന്നും മറ്റൊരു ശാഖയിലേക്ക് മാറ്റുന്നതിനുള്ള നടപടികള്‍ ലഘൂകരിച്ചിരിക്കുകയാണ് ബാങ്ക്.

 

ബാങ്കില്‍ പോകാതെ നിങ്ങളുടെ എസ്ബിഐ അക്കൗണ്ട് ട്രാന്‍സ്ഫര്‍ ചെയ്യാം - എങ്ങനെയെന്ന് അറിയണ്ടേ?

ഇപ്പോള്‍ അക്കൗണ്ട് ട്രാന്‍സ്ഫര്‍ ചെയ്യുന്നതിനായി നിങ്ങളുടെ ശാഖയിലേക്ക് നേരിട്ട് ചെല്ലേണ്ട കാര്യമില്ല. വീട്ടിലിരുന്ന് ഓണ്‍ലൈനായി ഇക്കാര്യം നിങ്ങള്‍ക്ക് ചെയ്യാവുന്നതേയുള്ളൂ. കൊറോണ വ്യാപനത്തിന്റെ പശ്ചാത്തലത്തില്‍ ഡിജിറ്റല്‍ രീതിയില്‍ ഇടപാടുകള്‍ പൂര്‍ത്തിയാക്കുന്നതിനാണ് ബാങ്കുകള്‍ പ്രാധാന്യം നല്‍കുന്നത്.

1 ലക്ഷം രൂപ സമ്പാദ്യം 10 ലക്ഷം രൂപയാക്കി മാറ്റാം, വെറും 6 വര്‍ഷം കൊണ്ട് — അറിയേണ്ടതെല്ലാം

നിങ്ങള്‍ അക്കൗണ്ട് ട്രാന്‍സ്ഫര്‍ ചെയ്യാന്‍ ആഗ്രഹിക്കുന്നുവോ? എസ്ബിഐ നിങ്ങളുടെ സഹായത്തിനുണ്ട്. യോനോ എസ്ബിഐ, യോനോ ലൈറ്റ്, ഓണ്‍ലൈന്‍ എസ്ബിഐ എന്നിവ ഉപയോഗിത്ത് വീട്ടിലിരുന്ന് സുരക്ഷിതമായി നിങ്ങള്‍ക്ക് ബാങ്കിംഗ് ചെയ്യാം - എസ്ബിഐയുടെ ഔദ്യോഗിക ട്വീറ്റില്‍ പറയുന്നു.

എസ്ബിഐയുടെ ഒരു ശാഖയില്‍ നിന്നും മറ്റൊരു ശാഖയിലേക്ക് സേവിംഗ്‌സ് അക്കൗണ്ട് ട്രാന്‍സ്ഫര്‍ ചെയ്യുന്നതിന്റെ ഘട്ടം ഘട്ടമായുള്ള പ്രവര്‍ത്തനങ്ങള്‍ എന്തൊക്കെയാണെന്ന് നമുക്ക് നോക്കാം.

ഉറ്റവര്‍ മരണപ്പെട്ടോ ? പിന്തുടര്‍ച്ചാ അവകാശ കൈമാറ്റത്തിനായി ചെയ്യേണ്ടതെന്തെല്ലാം?

  • എസ്ബിഐയുടെ ഔദ്യോഗിക വെബ്‌സൈറ്റായ www.onlinesbi.com ലോഗ് ഇന്‍ ചെയ്യുക.
  • യൂസര്‍ നെയിം പാസ്വേഡ് എന്നിവ നല്‍കിയതിനൊപ്പം പേഴ്‌സണല്‍ ബാങ്കിംഗ് തെരഞ്ഞെടുക്കുക.
  • മെനു ബാറില്‍ ഏറ്റവും മുകളില്‍ കാണുന്ന ഇ- സര്‍വീസസ് ക്ലിക്ക് ചെയ്യുക.
  • അതിന് ശേഷം ട്രാന്‍സ്ഫര്‍ ഓഫ് സേവിംഗ്‌സ് അക്കൗണ്ട് ക്ലിക്ക് ചെയ്യുക.
  • ട്രാന്‍സ്ഫര്‍ ചെയ്യേണ്ട അക്കൗണ്ട് തെരഞ്ഞെടുക്കുക. നിങ്ങളുടെ കസ്റ്റമര്‍ ഇന്‍ഫര്‍മേഷന്‍ ഫയല്‍ പ്രകാരം നിങ്ങള്‍ക്ക് ഒറ്റ അക്കൗണ്ടേ ഉള്ളൂവെങ്കില്‍ തെരഞ്ഞെടുക്കാതെ തന്നെ ആ അക്കൗണ്ട് അവിടെ കാണുവാന്‍ സാധിക്കും.
  • ഏത് ശാഖയിലേക്കാണോ അക്കൗണ്ട് ട്രാന്‍സ്ഫര്‍ ചെയ്യാന്‍ ആഗ്രഹിക്കുന്നത് ആ ശാഖയുടെ ബ്രാഞ്ച് കോഡ് നല്‍കുക. നിബന്ധനകള്‍ വായിച്ചു മനസ്സിലാക്കി ഉറപ്പുവരുത്തിയതിന് ശേഷം സബ്മിറ്റ് ക്ലിക്ക് ചെയ്യാം.
  • നിങ്ങളുടെ നിലവിലുള്ള അക്കൗണ്ട്, ശാഖാ വിവരങ്ങളും, അക്കൗണ്ട് ട്രാന്‍സഫര്‍ ചെയ്യുന്ന ശാഖാ വിവരങ്ങളും ശരിയായി തന്നെയാണ് നല്‍കിയിരിക്കുന്നതെന്ന് ഉറപ്പുവരുത്തുക. ശേഷം കണ്‍ഫേം ക്ലിക്ക് ചെയ്യാം.
  • നല്‍കിയിരിക്കുന്ന വിവരങ്ങള്‍ നിങ്ങള്‍ കണ്‍ഫേം ചെയ്ത് കഴിഞ്ഞാല്‍ രജിസ്റ്റര്‍ ചെയ്തിരിക്കുന്ന നിങ്ങളുടെ മൊബൈല്‍ നമ്പറിലേക്ക് ഒരു ഒടിപിവരും.
  • ആ ഒടിപി നമ്പര്‍ നല്‍കിയതിന് ശേഷം കണ്‍ഫേം ക്ലിക്ക് ചെയ്യുക.
  • ബാങ്ക് അക്കൗണ്ട് ട്രാന്‍സ്ഫര്‍ ചെയ്യുന്നതിനുള്ള നിങ്ങളുടെ അപേക്ഷ വിജയകരമായി രജിസ്റ്റര്‍ ചെയ്യപ്പെട്ടിരിക്കുന്ന എന്ന സന്ദേശം നിങ്ങള്‍ക്ക് അപ്പോള്‍ കാണാന്‍ സാധിക്കും.

ഓണ്‍ലൈന്‍ എസ്ബിഐയ്ക്ക് പുറമേ, യോനോ എസ്ബിഐ, യോനോ ലൈറ്റ് എന്നിവ മുഖേനയും നിങ്ങള്‍ക്ക് അക്കൗണ്ട് ട്രാന്‍സ്ഫര്‍ നടത്താം. നിങ്ങളുടെ മൊബൈല്‍ നമ്പര്‍ ബാങ്കുമായി രജിസ്റ്റര്‍ ചെയ്തിരിക്കണമെന്നാണ് ഈ ഇടപാടുകള്‍ എല്ലാം നടത്തുന്നതിനുള്ള നിബന്ധന.

Read more about: sbi
English summary

how to transfer your sbi savings account to another branch ; explained |ബാങ്കില്‍ പോകാതെ നിങ്ങളുടെ എസ്ബിഐ അക്കൗണ്ട് ട്രാന്‍സ്ഫര്‍ ചെയ്യാം — എങ്ങനെയെന്ന് അറിയണ്ടേ?

how to transfer your sbi savings account to another branch ; explained
Story first published: Sunday, May 9, 2021, 17:05 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X