ഇനി മുതൽ കൂടുതൽ നേടാം; ക്രെഡിറ്റ് കാർഡുകളിൽ കൂടുതൽ ഓഫറുകളുമായി കമ്പനി; കാർഡ് കയ്യിലുണ്ടോ?

ക്രെഡിറ്റ് കാർഡുകളെ ആകർഷകമാക്കുന്നത് ചെലവാക്കലുകൾക്ക് ലഭിക്കുന്ന ക്യാഷ്ബാക്കുകളും റിവാർഡുകളും തന്നെയാണ്. ഈയിടെ ചില എച്ച്ഡിഎഫ്സി ബാങ്ക് ചില കാർഡുകൾക്കുള്ള സൗജന്യ എയർപോർട്ട് ലോഞ്ച് ആക്സസ് നിർത്തലാക്കിയിരുന്നു. അതേസമയം ഇന്ത്യൻ ക്രെഡിറ്റ് കാർഡ് വിപണിയിലെ വിദേശ സാന്നിധ്യമായ എച്ച്എസ്ബിസി ബാങ്ക് രണ്ട് ക്രെഡിറ്റ് കാർഡുകളെ അപ്​ഗ്രേഡ് ചെയ്തത്. എച്ച്എസ്ബിസി ഇന്ത്യയുടെ എച്ച്എസ്ബിസി പ്രീമിയർ ക്രെഡിറ്റ് കാർഡ്, എച്ച്എസ്ബിസി ക്യാഷ്ബാക്ക് ക്രെഡിറ്റ് കാർഡ് എന്നിവയിലാണ് പുതിയ ഓഫറുകൾ ഉൾപ്പെടുത്തിയത്.

പുതിയ ഓഫറുകൾ

എച്ച്എസ്ബിസി പ്രീമിയർ ക്രെഡിറ്റ് കാർഡിൽ യാത്ര, ലൈഫ്സ്റ്റൈൽ ചെലവുകൾ, റിവാർഡ് പോയിന്റുകൾ എന്നിവയിലാണ് മറ്റങ്ങൾ വരുത്തിയത്. റിവാർഡ് പോയിന്റുകളിൽ റഡീം ചെയ്യുന്ന സമയത്ത് എച്ച്എസ്ബിസി പ്രീമിയർ ക്രെഡിറ്റ് കാർഡ് ഉപഭോക്താക്കൾക്ക് ഓരോ റിവാർഡ് പോയിന്റിനും 1 രൂപ ലഭിക്കും. പ്രതിവർഷം ആഭ്യന്തര, അന്താരാഷ്ട്ര ലോഞ്ചുകളിൽ അൺലിമിറ്റഡ് ആക്സസും അതിഥികൾക്കൊപ്പം എട്ട് അന്താരാഷ്ട്ര ലോഞ്ച് ആക്സസും ലഭിക്കും.

എച്ച്എസ്ബിസി ക്യാഷ്ബാക്ക് ക്രെഡിറ്റ് കാർഡിൽ ഡൈനിംഗ്, ഫുഡ് ഡെലിവറി, ഗ്രോസറി എന്നിവയ്ക്ക് 10 ശതമാനം ക്യാഷ്ബാക്ക് ഇനി മുതൽ ലഭിക്കും. ഓരോ ബിൽ സ്റ്റേറ്റ്മെന്റ് സൈക്കിളിലും 1,000 രൂപ വരെ ക്യാഷ്ബാക്ക് പ്രയോജനപ്പെടുത്താം. മറ്റ് ചെലവുകൾക്ക് പരിധിയില്ലാത്ത 1.5 ശതമാനം ക്യാഷ്ബാക്കും നേടാം.

എച്ച്എസ്ബിസി പ്രീമിയർ ക്രെഡിറ്റ് കാർഡ്

എച്ച്എസ്ബിസി പ്രീമിയർ ക്രെഡിറ്റ് കാർഡ് 12,000 രൂപയാണ് ജോയിനിം​ഗ് ഫീസുള്ള കാർഡാണ്. 20,000 രൂപയാണ് വാർഷിക ഫീസ്. ഉപഭോക്താവ് ബാങ്കിന്റെ യോഗ്യതയുള്ള പ്രീമിയർ ഉപഭോക്താവാണെങ്കിൽ വാർഷിക ഫീസ് ഒഴിവാക്കി നൽകും. മെറ്റൽ കാർഡിൽ താജ് എപ്പിക്യുവർ മെംബർഷിപ്പും 12,000 രൂപയുടെ താജ് വൗച്ചറും വെൽക്കം ഓഫറായി ലഭിക്കും. കാർഡ് ആക്ടിവേഷനോടെ ഇത് ലഭിക്കും.

എച്ച്എസ്ബിസി പ്രീമിയർ കാർഡിൽ 0.99 ശതമാനമാണ് ഫോറെക്സ് മാർക്ക്അപ്പ്. അൺലിമിറ്റഡ് ആഭ്യന്തര, ഇന്റർനാഷണൽ ലോഞ്ച് ആക്‌സസ്, ഓരോ റിവാർഡ് പോയിന്റിനും എയർ ഇന്ത്യ ഉൾപ്പെടെയുള്ള സ്റ്റാർ അലയൻസ് വഴി 20-ലധികം എയർലൈനുകളിൽ എയർ മൈൽ എന്നിവ നേടാം.

ഡൈനിം​ഗിനായി ഈസി ഡെെനറിൽ കോംപ്ലിമെന്ററി വാർഷിക അംഗത്വം കാർഡ് ഉടമകൾക്ക് ലഭിക്കും. ബുക്ക്മൈഷോയിൽ നിന്ന് ഒരു ടിക്കറ്റ് വാങ്ങുമ്പോൾ ഒരു ടിക്കറ്റ് സൗജന്യമായി നേടാം. ചെലവഴിക്കുന്ന ഓരോ 100 രൂപയ്ക്കും 3 റിവാർഡ് പോയിന്റുകൾ ലഭിക്കും. റിവാർഡ് പോയിന്റുകൾക്ക് സമയ പരിധിയില്ല.

എച്ച്എസ്ബിസി ക്യാഷ്ബാക്ക് ക്രെഡിറ്റ് കാർഡ്

എച്ച്എസ്ബിസി ക്യാഷ്ബാക്ക് ക്രെഡിറ്റ് കാർഡിന്റെ ജോയിനിം​ഗ് ഫീസ് 999 രൂപയാണ്. ഇതേ തുക വാർഷിക ഫീസായും ഈടാക്കും. വർഷത്തിൽ 2 ലക്ഷം രൂപയുടെ ചെലവാക്കൽ നടത്തിയാൽ 999 രൂപയുടെ ഫീസ് ഒഴിവാക്കാം. വെൽക്കം ഓഫറായി ക്രെഡിറ്റ് കാർഡ് ആക്ടിവേറ്റ് ചെയ്ത് ആദ്യ 30 ദിവസത്തിനുള്ളിൽ 10,000 രൂപയുടെ മിനിമം ഇടപാടിന് 1,000 രൂപയുടെ ആമസോൺ വൗച്ചർ കാർഡ് ഉടമയ്ക്ക് ലഭിക്കും.

ഡൈനിംഗ്, ഫുഡ് ഡെലിവറി, ഗ്രോസറി തുടങ്ങിയ വിഭാഗങ്ങളിലെ 10 ശതമാനം ക്യാഷ്ബാക്ക് നേടാം. ഒരു സ്റ്റേറ്റ്‌മെന്റ് സൈക്കിളിന് 1,000 രൂപ പരിധിയുണ്ട്. മറ്റു ചെലവുകളിൽ പരിധിയില്ലാത്ത 1.5 ശതമാനം ക്യാഷ്ബാക്ക് നേടാം. പ്രതിവർഷം നാല് കോംപ്ലിമെന്ററി ആഭ്യന്തര എയർപോർട്ട് ലോഞ്ച് പ്രവേശനങ്ങൾ ലഭിക്കും. ഒരു പാദത്തിൽ ഒന്ന് എന്നടിസ്ഥാനത്തിൽ ഇത് ഉപയോ​ഗിക്കാം.