കാത്തിരുന്നത് വെറുതേ, കുതിച്ചുയർന്ന് സ്വർണവില, ഇന്ന് കൂടിയത് 560 രൂപ, വർധനവിന് കാരണം ഇതാണ്

ബജറ്റിന് ശേഷം തകർന്നടിഞ്ഞ സ്വർണവില വീണ്ടും മുകളിലേക്ക് ഉയരുകയാണ്. ജൂലൈ 23-ന് കേന്ദ്രമന്ത്രി നിർമ്മല സീതാരാമൻ ബജറ്റ് അവതരിപ്പിച്ചതിന് പിന്നാലെ പവന് 2000 രൂപ കുറഞ്ഞിരുന്നു. സ്വർണത്തിന്‍റെ കസ്റ്റംസ് തീരുവ കുറയ്ക്കാനുള്ള തീരുമാനം ബജറ്റിൽ പ്രഖ്യാപിച്ചതാണ് വില ഇടിവിന് കാരണമായത്. ജൂലൈ 26-ആം തീയ്യതി പവന്‍റെ വില 50,400 രൂപ വരെ എത്തിയിരുന്നു. എന്നാൽ പിന്നീടുള്ള ദിവസങ്ങളിൽ വില മുകളിലേക്ക് ഉയർന്നു.

കുതിച്ചുയർന്ന് സ്വർണവില

50,560 രൂപ എന്ന നിരക്കിലായിരുന്നു സംസ്ഥാനത്ത് ഇന്നലെ സ്വർണവ്യാപാരം നടന്നത്. എന്നാൽ ബുധനാഴ്ച സ്വർണവില കുതിച്ചുയർന്നു. പവന് 640 രൂപയാണ് കൂടിയത്. അതോടെ ഒരു പവൻ സ്വർണ്ണത്തിന് 51,200 രൂപയും, ഗ്രാമിന് 6,400 രൂപയുമായി ഉയർന്നു.

പവൻ വാങ്ങാൻ

പവന്‍റെ വില ഉയർന്ന സാഹചര്യത്തിൽ ആഭരണം വാങ്ങുമ്പോഴും ഉയർന്ന വില നൽകേണ്ടി വരും. കാണം സ്വർണാഭരണം വാങ്ങുമ്പോൾ പവന്റെ വിലയോടൊപ്പം പണിക്കൂലി, നികുതി, ഹാൾമാർക്കിംങ് നിരക്കുകൾ തുടങ്ങിയ കൂടി നൽകണം. ശരാശരി 5 ശതമാനമാണ് പണിക്കൂലി. 3 ശതമാനം ജിഎസ്ടിയും. അങ്ങനെ കണക്ക് കൂട്ടുമ്പോൾ ഒരു പവൻ സ്വർണാഭരണം വാങ്ങാൻ ഏകദേശം 56,000 രൂപ നൽകേണ്ടി വരും.

ആഗോള സ്വർണ്ണവില

ആഗോള തലത്തിൽ, നേട്ടത്തിലാണ് ബുധനാഴ്ച്ച രാവിലെ സ്വർണ്ണ വ്യാപാരം നടക്കുന്നത്. ട്രോയ് ഔൺസിന് 7.10 ഡോളർ (0.29%) ഉയർന്ന് 2,416.57 ഡോളർ എന്നതാണ് നിരക്ക്. ആഗോള സ്വർണവിലയിലുണ്ടായ കുതിപ്പാണ് പ്രദേശിക വിപണിയിലും പ്രതിഫലിച്ചത്.

അഡ്വാന്‍സ് ബുക്കിംഗ് നല്ലതാണ്

മിഡിൽ ഈസ്റ്റ് സംഘർഷം വരും ദിവസങ്ങളിൽ രൂക്ഷമാകാനുള്ള സാധ്യതയുണ്ടെന്നാണ് വിലയിരുത്തൽ. അങ്ങനെയെങ്കിൽ അത് സ്വർണവിലയേയും ബാധിക്കും. വരും ദിവസങ്ങളിലും വില കൂടിയാൽ അത് വലിയ അളവിൽ സ്വർണം വാങ്ങുന്നവർക്ക് വലിയ നഷ്ടത്തിന് കാരണമാകും. അതുകൊണ്ടു തന്നെ വലിയ അളവിൽ സ്വർണാഭരണം വാങ്ങാൻ ഉദ്ദേശിക്കുന്നവർ അഡ്വാന്‍സ് ബുക്കിംഗ് നടത്തുന്നതാണ് നല്ലത്. കാരണം പവന്‍റെ വിലയിൽ വർധനവുണ്ടായാൽ അതുവഴി ഉണ്ടാകുന്ന സാമ്പത്തിക നഷ്ടം കുറയ്ക്കാൻ അഡ്വാന്‍സ് ബുക്കിംഗ് സഹായിക്കും

ജൂലൈ മാസത്തെ സ്വർണവില

ജൂലൈ 1-ആം തീയ്യതി പവന് 53,000 രൂപ എന്ന നിരക്കിലായിരുന്നു സംസ്ഥാനത്ത് സ്വർണവ്യാപാരം നടന്നത്. അഞ്ചാം തീയ്യതി ആകുമ്പോഴേക്കും വില 53,600 രൂപയിലേക്കെത്തി. പവന്‍റെ വില 54,000 -കടന്നത് 12-ആം തീയ്യതിയാണ്. 17-ആം തീയ്യതി ആയപ്പോഴേക്കും പവന്‍റെ വില 55,000 രൂപ തൊട്ടു. എന്നാൽ പിന്നീടുള്ള ദിവസങ്ങളിൽ സ്വർണവില നേരിയ രീതിയിൽ കുറഞ്ഞു. 23-ആം തീയ്യതി ബജറ്റ് അവതരണത്തിന് ശേഷം പവന് 2000 രൂപ കുറഞ്ഞിരുന്നു. പിന്നീടുള്ള ദിവസങ്ങളിൽ സ്വർണവില കുറഞ്ഞും കൂടിയും മുന്നോട്ട് പോയി.

റെക്കോർഡ് വില മെയ് മാസത്തിൽ

സംസ്ഥാനത്തിന്‍റെ ചരിത്രത്തിൽ സ്വർണത്തിന് ഏറ്റവും ഉയർന്ന വില രേഖപ്പെടുത്തിയ മാസം മെയ് ആണ്. മെയ് 20-ആം തീയ്യതി ഒരു പവൻ സ്വർണ്ണത്തിന് 55,120 രൂപയും ഗ്രാമിന് 6,890 രൂപയുമായിരുന്നു വില.

പവന്‍റെ വില 25,000 കടക്കുന്നത് 2019 ലാണ്. 2020 ൽ വില 30,000 രൂപയ്ക്ക് മുകളിലെത്തി. രണ്ട് വർഷത്തിന് ശേഷം പവന്‍റെ വില 40,000 രൂപ കടന്നു. 2023-ൽ 45,000 രൂപയും 2024 മാർച്ച് 29-ന് പവന്‍റെ വില അരലക്ഷം രൂപയും കടന്നു.