കെഎസ്എഫ്ഇ ചിട്ടിയിലെ പൂഴിക്കടകൻ; പണം നേടാം പലിശയില്ലാതെ, ഒറ്റദിവസം കൊണ്ട് വിളിച്ചെടുക്കാം ലക്ഷങ്ങൾ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കെഎസ്എഫ്ഇയുടെ സാധാരണ ചിട്ടിയേയും മൾട്ടി ഡിവിഷൻ ചിട്ടിയെയും നിക്ഷേപകർ പരിചയപ്പെട്ടിട്ടുണ്ടാകും. മാസത്തവണകളടച്ച് ലേലത്തിലോ നറുക്കുകളിലൂടെയോ ആണ് ഇത്തരം ചിട്ടികളിൽ നിന്ന് പണം നേടുന്നത്. എന്നാൽ ഇതിൽ നിന്ന് വ്യത്യസ്തമായൊരു ചിട്ടിയാണ് കെഎസ്എഫ്ഇയിൽ ലഭിക്കുന്ന മുടക്ക ചിട്ടികൾ.

 

പാതിവഴിയിലെത്തിയ ചിട്ടികളിൽ ചേർന്ന് ലേലത്തിൽ പിടിച്ച് ലാഭം നേടുകയെന്നതാണ് മുടക്ക ചിട്ടികളുടെ രീതി. ഇതുവഴി വായ്പയിലേക്ക് പോകാതെ തന്നെ ആവശ്യത്തിനുള്ള പണം കണ്ടെത്താൻ സാധിക്കും. വായ്പയെടുത്ത് ഇഎംഐ അടച്ച് തീർക്കുമ്പോൾ വലിയ തുക കയ്യിൽ നിന്ന് പോകുമ്പോൾ മുടക്ക ചിട്ടിയിൽ ലാഭമായി പണം കയ്യിലേക്ക് വരികയാണ് ചെയ്യുക.

മുടക്ക ചിട്ടി

മുടക്ക ചിട്ടി

കെഎസ്എഫ്ഇയിൽ ചിറ്റാളൻ തുടർച്ചയായി മാസ അടവ് മുടക്കുമ്പോൾ ചിട്ടിയിൽ നിന്ന്  ഒഴിവാക്കാറുണ്ട്. ഈ ചിട്ടിയിൽ മറ്റൊരാളെ സബ്റ്റിറ്റ്യൂട്ട് ചെയ്യുന്ന രീതിയാണ് മുടക്ക ചിട്ടിയിൽ. ഒരു ചിട്ടി ആരംഭിച്ച് 60 ശതമാനം അടവ് പൂർത്തിയാകുന്നതിന് മുൻപ് മുടക്ക ചിട്ടിയിൽ ചേരാം. 100 മാസ ചിട്ടിയില്‍ 60 മാസം വരെ പകരക്കാർക്ക് ചേരാം. 50 മാസ ചിട്ടിയില്‍ 30ാം മാസം വരെയും മുടക്ക ചിട്ടിയില്‍ ചേരാന്‍ സാധിക്കും. 

Also Read: ചിട്ടിക്ക് എത്ര ശതമാനം ജിഎസ്ടി; ആദായ നികുതി ഈടാക്കുന്നത് എപ്പോൾ; ചിട്ടിയിലെ നികുതികളറിയാം

അടവ്

അടവ്

മുടക്ക ചിട്ടിയിൽ ചേരുന്നൊരാൾ അത്രയും നാളും ചിട്ടയിൽ മറ്റു ചിറ്റാളന്മാർ അടച്ച തുക ഒന്നിച്ച് അടയ്ക്കണം. അതായത് അത്രയും മാസത്തെ ചിട്ടി തുകയിൽ നിന്ന് വീതോഹരി കുറച്ചുള്ള തുക ചിട്ടിയിലേക്ക് അടയ്ക്കണം. ഈ തുക കുടിശ്ശിക വരുത്തിയ ചിറ്റാളന് നൽകി അദ്ദേഹത്തെ ഒഴിവാക്കും. ഇതിന് ശേഷം മാസത്തിൽ അടവ് തുടരണം. 20ാം മാസത്തെ ചിട്ടിയിൽ ചേരാൻ ലേലത്തിന് തലേ ദിവസം കെഎസ്എഫ്ഇ ശാഖയിൽ പണമടച്ചാൽ മതി.

ആവശ്യത്തിന് പകുതി തുകയും ബാക്കി വായ്പയ്ക്ക് ശ്രമിക്കുന്നവർക്ക് മുടക്ക ചിട്ടികൾ അനുയോജ്യമാണ്. കാർ വാങ്ങാനായി കയ്യിൽ പകുതി പണവും ബാക്കി വായ്പയും തേടുന്നൊരാൾക്ക് മുടക്ക ചിട്ടി ലാഭമാക്കാൻ പറ്റും. ഇത് എങ്ങനെയെന്ന് നോക്കാം. 

Also Read: എപ്പോൾ, എത്ര രൂപയ്ക്ക് ചിട്ടി വിളിക്കാം; ലേലത്തിൽ പങ്കെടുക്കുമ്പോൾ ശ്രദ്ധിക്കേണ്ട കാര്യങ്ങൾ

ലാഭം എങ്ങനെ

ലാഭം എങ്ങനെ

കെഎസ്എഫ്ഇയിൽ കാലാവധിയെത്തിയ 50 മാസത്തേക്ക് 10,000 രൂപ മാസ അടവുള്ള 5 ലക്ഷം രൂപയുടെ ചിട്ടിയുടെ ഉദാഹരണമെടുക്കാം. 25-ാം മാസത്തിൽ കുടിശ്ശികയായ ചിട്ടിയിൽ ചിട്ടിയിൽ ചേർന്ന് 26ാം മാസം മുതലുള്ള അടവാണ് പരി​ഗണിക്കുന്നത്. ചിട്ടയിൽ ചേരുമ്പോൾ 25 മാസത്തെ അടവായ 2,03,950 രൂപയാണ് അടയ്ക്കേണ്ടത്. 2.5 ലക്ഷത്തിൽ 48,550 രൂപയാണ് 25 മാസം കൊണ്ട് ചിട്ടിയിൽ നിന്ന് ലാഭ വിഹിതമായി ലഭിച്ചത്.

26ാം മാസത്തിൽ ചിട്ടിയിൽ ചേർന്ന് ലേലത്തിൽ പങ്കെടുത്ത് ചിട്ടി വിളിച്ചെടുക്കുമ്പോൾ 4,46,900 രൂപയ്ക്ക് ചിട്ടി ലഭിച്ചു. ഭാവി ബാധ്യതയ്ക്കുള്ള ജാമ്യങ്ങൾ ഹാജരാക്കിയാൽ ഉടൻ തന്നെ 4.46 ലക്ഷം രൂപ പിൻവലിക്കാൻ സാധിക്കും. ഇത് ഉപയോ​ഗിച്ച് ആവശ്യങ്ങൾ നടത്താം.

തിരിച്ചടവ്

തിരിച്ചടവ്

ചിട്ടി വിളിച്ചെടുത്താൽ മറ്റു ചിറ്റാളന്മാരെ പോലെ മാസ അടവ് മുടങ്ങാതെ അടയ്ക്കണം. ഇതുപ്രകാരം 25 മാസം കൊണ്ട് മാസത്തവണകളായി അടച്ചാൽ വീതോഹരി കുറച്ച് 2,39,248 രൂപ അടച്ചാൽ മതി. ചിറ്റാളൻ ആകെ ചിട്ടിയിലേക്ക് അടയ്ക്കുന്നത് 4,43,198 രൂപയാണ്. ചിട്ടി ലേലം വിളിച്ചെടുത്തത്. 4,46,900 രൂപയാണ്. ഒറ്റനോട്ടത്തിൽ തന്നെ 3,762 രൂപ ലാഭം ലഭിക്കും. ചിട്ടി തുക വാങ്ങുമ്പോൾ 18 ശതമാനം ജിഎസ്ടി നൽകണം. ഇത് പരി​ഗണിക്കാതെയുള്ള കണക്കാണിത്.

Also Read: ബാങ്കിലെ സ്ഥിര നിക്ഷേപത്തിന് ഇനി മുതല്‍ 8% പലിശ! റിപ്പോ നിരക്ക് വര്‍ധനവ് എങ്ങനെ സ്വാധീനിക്കും

എവിടെ കിട്ടും മുടക്ക ചിട്ടി

എവിടെ കിട്ടും മുടക്ക ചിട്ടി

ലഭ്യമായ സാധാരണ ചിട്ടികളുടെയും മൾട്ടി ഡിവിഷൻ ചിട്ടികളുടെയും വിവരങ്ങൾ കെഎസ്ഇബി വെബ്സൈറ്റിൽ ലഭിക്കുമെങ്കിലും മുടക്ക ചിട്ടികൾ ഓൺലൈനിൽ കാണില്ല. ഇതിന് കെഎസ്എഫ്ഇ ശാഖകളിൽ ചെന്ന് അന്വേഷിക്കാം. ചിട്ടി ലഭ്യമാകുന്ന മുറയ്ക്ക് പണം അടച്ച് ചിട്ടിയിൽ ചേരാം. ലേല തീയതിക്ക് തലേ ദിവസം പണമടച്ചാലും മുടക്ക ചിട്ടിയിൽ ചേർക്കും.

Read more about: ksfe chitty
English summary

If You Have Lump Sum To Pay You Can Join In KSFE Mudakka Chitty And Gain Maximum Benefit; Details

If You Have Lump Sum To Pay You Can Join In KSFE Mudakka Chitty And Gain Maximum Benefit; Details
Story first published: Friday, August 5, 2022, 22:16 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X