5000 നിക്ഷേപിച്ച് 8 ലക്ഷം നേടാം; പോസ്റ്റ് ഓഫീസിന്റെ കിടിലൻ പദ്ധതി

തങ്ങളുടെ വരുമാനത്തിൽ നിന്ന് എന്തെങ്കിലും മിച്ചം പിടിച്ച്, ആ പണം സുരക്ഷിതവും മികച്ച വരുമാനം ലഭിക്കുന്നതുമായ ഒരു സ്ഥലത്ത് നിക്ഷേപിക്കാൻ എല്ലാവരും ആഗ്രഹിക്കാറുണ്ട്. ഇവിടെ, പോസ്റ്റ് ഓഫീസ് ചെറുകിട സേവിംഗ്സ് സ്കീമുകൾ വളരെ മികച്ചതാണ്. ഇതിൽ പോസ്റ്റ് ഓഫീസ് റിക്കറിംഗ് ഡെപ്പോസിറ്റ്, അതായത് പോസ്റ്റ് ഓഫീസ് ആർഡിയും ഉൾപ്പെടുന്നു. ഇതിൽ എല്ലാ മാസവും 5000 രൂപ മാത്രം നിക്ഷേപിച്ച് 8 ലക്ഷം രൂപ വരെ സമാഹരിക്കാൻ കഴിയും. ഈ സ്കീമിലെ നിക്ഷേപത്തിന് എളുപ്പത്തിൽ വായ്പയും ലഭ്യമാണെന്നതാണ് പ്രത്യേകത.

500 രൂപ മാറ്റിവെക്കാനുണ്ടോ? നിങ്ങൾക്കും ലക്ഷപ്രഭുവാകാം

ഏതു പ്രായത്തിലുള്ളവർക്കുമുള്ള സേവിങ് സ്കീമുകൾ പോസ്റ്റ് ഓഫീസ് വാഗ്‌ദാനം ചെയ്യുന്നുണ്ട്. പോസ്റ്റ് ഓഫീസ് റിക്കറിംഗ് ഡെപ്പോസിറ്റ് സ്കീം നിക്ഷേപത്തിനുള്ള മികച്ച ഓപ്ഷനായി ആളുകൾക്കിടയിൽ മാറിയിട്ടുണ്ട്. അടുത്തുള്ള ഏതെങ്കിലും പോസ്റ്റ് ഓഫീസിൽ പോയി പോസ്റ്റ് ഓഫീസ് റിക്കറിംഗ് ഡെപ്പോസിറ്റ് സ്കീമിൽ ഒരു അക്കൗണ്ട് തുറക്കാവുന്നതാണ്. പോസ്റ്റ് ഓഫീസ് ആർഡിയിൽ പ്രായപൂർത്തിയാകാത്തവരുടെ പേരിലും അക്കൗണ്ട് തുടങ്ങാം. അങ്ങനെ തുടങ്ങുമ്പോൾ മാതാപിതാക്കളും അവരുടെ പേര് രേഖയോടൊപ്പം നൽകേണ്ടതുണ്ട്. ഇതിൽ 100 ​​രൂപ മുതൽ നിക്ഷേപം ആരംഭിക്കാം.

പോസ്റ്റ് ഓഫീസ് ആർഡിയുടെ കാലാവധി അഞ്ച് വർഷമാണ്. എന്നാൽ ഈ കാലാവധി പൂർത്തിയാകുന്നതിന് മുമ്പ് അക്കൗണ്ട് ക്ലോസ് ചെയ്യാനുള്ള സൗകര്യം ലഭ്യമാണ്. നിക്ഷേപകന് 3 വർഷത്തിന് ശേഷം പ്രീ-മെച്വർ ക്ലോഷർ ലഭിക്കും. ഇതിൽ ലോൺ സൗകര്യവും നൽകിയിട്ടുണ്ട്. അക്കൗണ്ട് ഒരു വർഷത്തേക്ക് സജീവമായ ശേഷം, നിക്ഷേപിച്ച തുകയുടെ 50 ശതമാനം വരെ വായ്പയെടുക്കാം. എന്നാൽ, വായ്പയുടെ പലിശ നിരക്ക് 2 ശതമാനം കൂടുതലാണ്.

ഈ പദ്ധതിയിലെ നിക്ഷേപത്തിന്റെ പലിശ നിരക്കിനെക്കുറിച്ച് പറയുകയാണെങ്കിൽ, 6.7 ശതമാനം പലിശ നിരക്ക് ലഭ്യമാണ്. പോസ്റ്റ് ഓഫീസ് ചെറുകിട സമ്പാദ്യ പദ്ധതികളുടെ പലിശ നിരക്കുകൾ സർക്കാർ ഓരോ മൂന്ന് മാസത്തിലും പരിഷ്കരിക്കാറുണ്ട്, ഈ പദ്ധതിയിലെ അവസാന പരിഷ്കരണം 2023 സെപ്റ്റംബർ 29 നാണ് നടത്തിയത്.

ജീവത ചെലവുകൾ ബാധ്യതയാകില്ല; കൂടുതൽ നേട്ടങ്ങൾ വാഗ്ദാനം ചെയ്യുന്ന 3 ക്രെഡിറ്റ് കാർഡുകൾ

5000 നിക്ഷേപിച്ച് 8 ലക്ഷം എങ്ങനെ നേടാം

പോസ്റ്റ് ഓഫീസ് ആർ‌ഡിയിലെ നിക്ഷേപവും പലിശയും കണക്കാക്കുന്നത് വളരെ എളുപ്പമാണ്. ഈ സ്കീമിൽ എല്ലാ മാസവും 5,000 രൂപ നിക്ഷേപിക്കുകയാണെങ്കിൽ, കാലാവധി പൂർത്തിയാകുമ്പോൾ, അതായത് അഞ്ച് വർഷത്തിനുള്ളിൽ, ആകെ 3 ലക്ഷം രൂപ നിക്ഷേപിക്കുകയും 56,830 രൂപ 6.7 ശതമാനം നിരക്കിൽ പലിശയായി ലഭിക്കുകയും ചെയ്യും. അതായത്, അഞ്ച് വർഷത്തിനുള്ളിൽ നിങ്ങളുടെ ഫണ്ട് 3,56,830 രൂപയാകും.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.