സാമ്പത്തികപ്രതിസന്ധി മറികടക്കുവാന്‍ വഴികളുണ്ടാകുമോ? കെ.എന്‍ ബാലഗോപാലിന്റെ കന്നി ബജറ്റിലേക്ക് ഉറ്റുനോക്കി കേരളം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

രണ്ടാം പിണറായി സര്‍ക്കാറിന്റെ ആദ്യ ബജറ്റ് ഇന്ന് സഭയില്‍ അവതരിപ്പിക്കും. ധനമന്ത്രി കെഎന്‍ ബാലഗോപാലിന്റെ കന്നി ബജറ്റ് കൂടിയാണിത്. മന്ത്രിയായി അധികാരമേറ്റ് പതിനഞ്ചാം ദിവസം ബജറ്റ് അവതരിപ്പിക്കപ്പെടുന്നതും കേരള ചരിത്രത്തില്‍ ഇതാദ്യം. അടിമുടി മാറ്റങ്ങളുമായി മന്ത്രി സഭയെ അണിനിരത്തി ജനങ്ങളെ ആശ്ചര്യപ്പെടുത്തിയ പിണറായി സര്‍ക്കാര്‍ ആതേ വിസ്മയവും പ്രതീക്ഷയും ബജറ്റിലൂടെയും തുടരുമോ എന്നാണ് ഏവരും ഉറ്റുനോക്കുന്നത്.

 
സാമ്പത്തിക പ്രതിസന്ധി മറികടക്കുവാന്‍ വഴികളുണ്ടാകുമോ?

കോവിഡ് വെല്ലുവിളിയായി തുടരുന്ന സാഹചര്യത്തില്‍ ആരോഗ്യ മേഖലയ്ക്ക് തന്നെയായിരിക്കും ബജറ്റില്‍ പ്രാധാന്യം നല്‍കുക. കേരളം കടുത്ത സാമ്പത്തിക പ്രതിസന്ധിയിലൂടെയാണ് കടന്നു പോകുന്നതെന്ന് മന്ത്രി നേരത്തെ വ്യക്തമാക്കിയിരുന്നു. ദാരിദ്ര്യ നിര്‍മാര്‍ജനം , കാര്‍ഷിക ഉത്പാദനം വര്‍ധിപ്പിക്കുക തുടങ്ങി നിരവധി ലക്ഷ്യങ്ങള്‍ സര്‍ക്കാറിന് മുന്നിലുണ്ട്.

ഡാറ്റ സുരക്ഷ; നിങ്ങളുടെ വ്യക്തിഗത, സാമ്പത്തീക വിവരങ്ങള്‍ ഓണ്‍ലൈനിലും എങ്ങനെ സുരക്ഷിതമായി ഉപയോഗിക്കാം?

ജനങ്ങള്‍ക്ക് പുതിയ വരുമാന മാര്‍ഗം സൃഷ്ടിച്ചു നല്‍കുക എന്നതാകും ധനമന്ത്രിയ്ക്ക് മുന്നിലുള്ള പ്രധാന വെല്ലുവിളികളില്‍ ഒന്ന്്. 2021 ജനുവരി 15ന് ആയിരുന്നു ധനമന്ത്രി തോമസ് ഐസക്കിന്റെ ബജറ്റ് അവതരണം. സര്‍ക്കാര്‍ തുടരുന്നതിനാല്‍ അതേ ബജറ്റിന്റെ തുടര്‍ച്ച തന്നെയായിരിക്കും അവതരിപ്പിക്കാന്‍ സാധ്യതയെന്നാണ് പ്രതീക്ഷിക്കുന്നത്.

20,000 പേര്‍ക്ക് ജോലി നല്‍കുന്ന 2500 പുതിയ സ്റ്റാര്‍ട്ട് അപ്പുകള്‍, അഞ്ച് വര്‍ഷം കൊണ്ട് സ്ത്രീകള്‍ക്കെതിരായ അതിക്രമങ്ങളില്‍ 25 ശതമാനം കുറവ് വരുത്താനുള്ള പദ്ധതി, 2021-22 ല്‍ എട്ടുലക്ഷം തൊഴില്‍ അവസരങ്ങള്‍ സൃഷ്ടിക്കും, മൂന്ന് വ്യവസായിക ഇടനാഴികള്‍ക്കായി 50,000 കോടി രൂപയുടെ പദ്ധതി, ശമ്പള പരിഷ്‌കരണം, ക്ഷേമ പെന്‍ഷനില്‍ വര്‍ദ്ധനവ്, എന്നിവയായിരുന്നു കഴിഞ്ഞ ബജറ്റിലെ പ്രധാനപ്പെട്ട പ്രഖ്യാപനങ്ങള്‍.

വായ്പ എടുത്ത വ്യക്തി മരണപ്പെട്ടാല്‍ വായ്പയ്ക്ക് എന്ത് സംഭവിക്കും? തുടര്‍ന്നുള്ള തിരിച്ചടവ് എങ്ങനെ?

കാവിഡിന്റെ തിരിച്ചടികളില്‍ നിന്നും പതിയെ സാമ്പത്തിക മേഖല ഉണര്‍വായി വരുന്ന സാഹചര്യത്തിലായിരുന്നു അത്. എന്നാല്‍ ഇപ്പോള്‍ വീണ്ടും ലോക്ക് ഡൗണും മറ്റ് നിയന്ത്രണങ്ങളും കര്‍ശനമായിരിക്കുകയാണ്. ഈ സാഹചര്യത്തില്‍ അടങ്കലില്‍ ഗണ്യമായ വര്‍ധന ആവശ്യമാണ്.വിപണിയെ ചലിപ്പിക്കാന്‍ ജനങ്ങളുടെ കൈയില്‍ പണം എത്തിക്കേണ്ടതുണ്ടെന്ന് ധനമന്ത്രിയും വ്യക്തമാക്കിയിട്ടുണ്ട്.

കടം പിരിവ് കുറക്കാനുള്ള മാര്‍ഗങ്ങള്‍ സ്വീകരിക്കേണ്ടതുണ്ട്. നികുതിയിതര വരുമാനം വര്‍ധിപ്പിക്കാനുള്ള നടപടികള്‍ വേണം. കോവിഡ് മൂലമുള്ള സാമ്പത്തിക പ്രതിസന്ധിയില്‍ ഉലഞ്ഞിരിക്കുന്ന കേരളത്തിന്റെ ചെറുകിട സംരംഭക മേഖല, കാര്‍ഷിക രംഗം തുടങ്ങിയവയ്ക്കായി പദ്ധതികള്‍ ആവശ്യമാണ്. സംസ്ഥാനത്തിന്റെ പൊതു കടം ഉയരുന്ന സാഹചര്യത്തില്‍ വരുമാന വര്‍ധനവിന് നടപടികള്‍ സ്വീകരിച്ചേക്കും. സാമ്പത്തിക പ്രതിസന്ധിയില്‍ നിന്ന് സംസ്ഥാനത്തെ കരകയറ്റുക എന്ന വലിയ ഉത്തരവാദിത്തവും പുതിയ ധനമന്ത്രിക്ക് മുന്നിലുണ്ട്.

Read more about: kerala budget 2021
English summary

Kerala budget 2021 - 2nd pinarayi government first budget live updates |സാമ്പത്തികപ്രതിസന്ധി മറികടക്കുവാന്‍ വഴികളുണ്ടാകുമോ? കെ.എന്‍ ബാലഗോപാലിന്റെ കന്നി ബജറ്റിലേക്ക് ഉറ്റുനോക്കി കേരളം

Kerala budget 2021 - 2nd pinarayi government first budget live updates
Story first published: Friday, June 4, 2021, 8:29 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X