സ്വർണ വിലയിൽ വലിയൊരു ഇടിവ്; 3 പവന്റെ മാല വാങ്ങാൻ എത്ര രൂപ ചെലവാക്കേണ്ടി വരും; വില അറിയാം

കൂടിയും കുറഞ്ഞുമുള്ള രീതി തുടർന്ന് കേരളത്തിലെ സ്വർണ വില. ഓ​ഗസ്റ്റ് മാസാംരംഭത്തിൽ ഒന്നാം തീയതി പവന് 80 രൂപ കൂടിയെങ്കിലും കേരളത്തിൽ ബുധനാഴ്ച സ്വർണ വിലയിൽ വലിയ ഇടിവാണ് സംഭവിച്ചത്. ​ഗ്രാമിന് 30 രൂപയും പവന് 240 രൂപയും ചൊവ്വാഴ്ച കുറഞ്ഞു.

5,510 രൂപയാണ് ചൊവ്വാഴ്ച കേരള വിപണിയിൽ ഒരു ​ഗ്രാം 22 കാരറ്റ് സ്വർണത്തിന്റെ വില. പവന് 44,080 രൂപയാണ് വില. ചൊവ്വാഴ്ച ​ഗ്രാമിന് 5,540 രൂപയും പവന് 44,320 രൂപയുമായിരുന്നു കേരള വിപണിയിലെ വില. ആ​ഗോള വിപണിയിലെ ചലനങ്ങളെയാണ് സ്വർണ വില പിന്തുടരുന്നത്.

ആ​ഗോള വിപണിയിൽ ചൊവ്വാഴ്ച ഡോളർ ശക്തമായതിനെ തുടർന്ന വലിയ തോതിൽ സ്വർണ വില ഇടിഞ്ഞിരുന്നു. ഔൺസിന് 1,965.62 ഡോളറിൽ വ്യാപാരം ആരംഭിച്ച സ്വർണം 1,944.40 ഡോളറിലാണ് ക്ലോസ് ചെയ്തത്. എന്നാൽ ഫിച്ച് യുഎസിന്റെ ക്രെഡിറ്റ് റേറ്റിംഗ് താഴ്ത്തിയതിനെത്തുടർന്ന് യുഎസ് ഡോളറും ട്രഷറി യീൽഡും ഇടിഞ്ഞത് ബുധനാഴ്ച സ്വർണ വില ഉയർത്തി. സ്വർണ വില ഔൺസിന് 0.2 ശതമാനം ഉയർന്ന് 1,948.43 ഡോളറിലാണ് വ്യാപാരം നടക്കുന്നത്.

കേരളത്തിൽ പവന് എന്ത് വില വരും

പവന് 44,080 രൂപയാണ് ബുധനാഴ്ചത്തെ വില. എന്നാൽ ഈ വിലയ്ക്ക് സ്വർണം വാങ്ങാൻ കഴിയില്ലെന്നതാണ് യാഥാർഥ്യം. സ്വർണ വിലയോടൊപ്പം വാങ്ങുന്ന ആഭരണത്തിന്റെ ഭം​ഗിയും വലിപ്പവും നികുതികളും ചേർത്തൊരു തുക കൂടി അടച്ചാലാണ് സ്വർണാഭരണം വാങ്ങാൻ സാധിക്കുക.

സ്വര്‍ണത്തിന്റെ വിലയോടൊപ്പം പണിക്കൂലി, ജിഎസ്ടി, ഹാള്‍മാര്‍ക്കിംഗ് ചാര്‍ജ് തുടങ്ങിയവ ചേര്‍ത്താണ് ആഭരണ വില കണക്കാക്കുന്നത്. 22 കാരറ്റ് ഒരു ഗ്രാം സ്വര്‍ണ വിലയെ ആഭരണത്തിന്റെ ഭാരം കൊണ്ട് ഗുണിച്ചാണ് വില കണക്കാക്കുന്നത്. ഇതിനോടൊപ്പം പണിക്കൂലിയും 3 ശതമാനം ജിഎസ്ടിയും ഹാള്‍മാര്‍ക്കിംഗ് ചാര്‍ജും ഈടാക്കും.

3 പവന്റെ ഒരു മാല വാങ്ങൻ

22 കാരറ്റ് ഒരു പവന്‍ സ്വര്‍ണത്തിന് കേരളത്തില്‍ ബുധനാഴ്ച ഈടാക്കുന്ന വില 44,080 രൂപയാണ്. 5,510 രൂപയാണ് ഗ്രാമിന് ഈടാക്കുന്ന വില. 3 പവന്‍ സ്വര്‍ണാഭരണം വാങ്ങുമ്പോള്‍ സ്വർണ വില 1,32,240 രൂപ( 44,080*3) രൂപ വരും. ഇതിനോട് 5 ശതമാനം പണിക്കൂലി ചേർത്താൽ 6,612 രൂപ (1,32,240*5%) ഈ ഇനത്തിൽ നൽകണം. ഇതടക്കം 1,38,852 രൂപ ഒരു പവന് വില വരും.

ഈ തുകയുടെ 3 ശതമാനം ജിഎസ്ടി ഈടാക്കും. 4,165 രൂപയാണ് ജിഎസ്ടി. ഹാൾമാർക്കിം​ഗ് ചാർജായി 45 രൂപയും ചേർക്കുമ്പോൾ 1,43,053 രൂപയാണ് 3 പവന്റെ മാല വാങ്ങുമ്പോൾ വരുന്ന ഏകദേശ വില. പണിക്കൂലി അനുസരിച്ച് വിലയിൽ വ്യത്യാസം വരും. ഡിസൈൻ ആഭരണങ്ങൾ വാങ്ങുമ്പോൾ ഉയർന്ന പണിക്കൂലി നൽകേണ്ടി വരും.