പോസ്റ്റ് ഓഫീസിൽ 1000 നിക്ഷേപിക്കൂ, 3 മാസത്തിനുള്ളിൽ 31000 രൂപ കയ്യിൽ കിട്ടും

ഉറപ്പുള്ള വരുമാനം നൽകുന്ന പോസ്റ്റ് ഓഫീസിന്റെ സീനിയർ സിറ്റിസൺസ് സേവിംഗ്സ് സ്കീം (എസ്‌സിഎസ്എസ്) മുതിർന്ന പൗരന്മാർക്ക് വളരെ നല്ലതാണ്. വിരമിക്കലിന് ശേഷം കയ്യിൽ കുറച്ച് ഫണ്ടുകൾ ഉണ്ടെങ്കിൽ, അതിലൂടെ സ്ഥിരമായ വരുമാനം നേടാൻ ആഗ്രഹിക്കുന്നവർക്കുള്ള മികച്ച ഓപ്ഷനാണ് ഈ സ്കീം. പ്രതിമാസ അല്ലെങ്കിൽ ത്രൈമാസ അടിസ്ഥാനത്തിൽ നിങ്ങൾക്ക് വരുമാനം നേടാം.

4 ലക്ഷത്തിന്റെ ഒരു ചിട്ടിയാണോ, 2 ലക്ഷത്തിന്റെ 2 ചിട്ടികളാണോ ലാഭം? വിശദമായി അറിയാം....

ഒറ്റത്തവണ നിക്ഷേപത്തിലൂടെ സ്‌കീമിന്റെ കാലാവധി പൂർത്തിയാകുന്നതുവരെ സ്ഥിരമായ വരുമാനം ലഭിക്കുന്നു. അതേസമയം, നിങ്ങളുടെ മുഴുവൻ നിക്ഷേപവും സുരക്ഷിതമായിരിക്കും. കാലാവധി പൂർത്തിയാകുമ്പോൾ മുഴുവൻ തുകയും തിരികെ ലഭിക്കും. നിങ്ങൾക്ക് വേണമെങ്കിൽ, അടുത്ത മെച്യൂരിറ്റി വരെ ഈ സ്കീമിൽ നിക്ഷേപിച്ച് സ്ഥിര വരുമാനം നേടുന്നത് തുടരാവുന്നതാണ്.

എന്താണ് പോസ്റ്റ് ഓഫീസിന്റെ എസ്‌സിഎസ്എസ് സ്കീം

സീനിയർ സിറ്റിസൺസ് സേവിംഗ്സ് സ്കീം (SCSS) സർക്കാർ പിന്തുണയുള്ള റിട്ടയർമെന്റ് ആനുകൂല്യ പദ്ധതിയാണ്. മുതിർന്ന പൗരന്മാർക്ക് ഈ സ്കീമിൽ വ്യക്തിഗതമായോ സംയുക്തമായോ ഒരു തുക നിക്ഷേപിക്കുകയും നികുതി ആനുകൂല്യങ്ങളോടെ സ്ഥിരമായ വരുമാനം നേടുകയും ചെയ്യാം. പോസ്റ്റ് ഓഫീസിന്റെ ഏറ്റവും ഉയർന്ന പലിശ നൽകുന്ന സേവിംഗ്സ് സ്കീമാണ്. അടുത്തുള്ള ഏതെങ്കിലും പോസ്റ്റ് ഓഫീസിലോ അല്ലെങ്കിൽ ഏതെങ്കിലും അംഗീകൃത ബാങ്കിലോ ആവശ്യമായ ചില രേഖകളുമായി എത്തി അക്കൗണ്ട് ആരംഭിക്കാവുന്നതാണ്. പോസ്റ്റ് ഓഫീസിലെ ചെറിയ സമ്പാദ്യത്തിനുശേഷം സർക്കാരിന്റെ ഗ്യാരണ്ടിയുണ്ട്, അതിനാൽ സുരക്ഷിതത്വത്തിന്റെയും വരുമാനത്തിന്റെയും കാര്യത്തിൽ ടെൻഷൻ വേണ്ട.

പോസ്റ്റ് ഓഫീസിന്റെ ഏറ്റവും കൂടിയ പലിശ നൽകുന്ന പദ്ധതി

8.2 ശതമാനം വാർഷിക പലിശ ലഭിക്കുന്ന പോസ്റ്റ് ഓഫീസിന്റെ ഏറ്റവും കൂടിയ പലിശ നൽകുന്ന പദ്ധതിയാണ് സീനിയർ സിറ്റിസൺസ് സേവിംഗ്സ് സ്കീം. ഇതിൽ പലിശ തുക ത്രൈമാസ അടിസ്ഥാനത്തിലാണ് നൽകുന്നത്. ഇത് കൂടാതെ സുകന്യ പദ്ധതിക്ക് മാത്രമാണ് ഇത്രയും പലിശ ലഭിക്കുന്നത്. അടുത്തുള്ള ഏത് പോസ്റ്റ് ഓഫീസിലും അക്കൗണ്ട് തുടങ്ങാം.

സിംഗിൾ അല്ലെങ്കിൽ ജോയിന്റ് അക്കൗണ്ട് സൗകര്യം

സീനിയർ സിറ്റിസൺസ് സേവിംഗ്സ് സ്കീമിൽ, നിങ്ങൾക്ക് ഒറ്റയ്ക്കോ ഭാര്യയുമായി ചേർന്ന് ജോയിന്റ് അക്കൗണ്ടോ തുറക്കാം. സ്കീമിന്റെ കാലാവധി 5 വർഷമാണ്. ഒരു അക്കൗണ്ടിൽ കുറഞ്ഞത് 1000 രൂപയും പരമാവധി 30,00,000 രൂപയും നിക്ഷേപിക്കാം. ആദായനികുതി നിയമത്തിലെ സെക്ഷൻ 80 സി പ്രകാരം 1.5 ലക്ഷം രൂപ വരെയുള്ള നിക്ഷേപത്തിന് നികുതി ആനുകൂല്യം ലഭിക്കും. അതേസമയം, കാലാവധി പൂർത്തിയാകുന്നതിനു മുൻപേ അക്കൗണ്ട് ക്ലോസ് ചെയ്യാനുള്ള സൗകര്യവും ലഭ്യമാണ്.

ഓരോ മൂന്നു മാസത്തിലും 31000 എങ്ങനെ നേടാം

ഈ സ്കീമിൽ പരമാവധി നിക്ഷേപം 30 ലക്ഷമാണ്. 8.2 ശതമാനമാണ് വാർഷിക പലിശ. 5 വർഷമാണ് സ്കീമിന്റെ കാലാവധി. ഓരോ മൂന്നു മാസത്തിലും പലിശയായി 30,750 രൂപ ലഭിക്കും. ഒരു വർഷത്തിൽ പലിശയായി മാത്രം കിട്ടുക 1,23,000 രൂപയാണ്. 5 വർഷം കൊണ്ട് പലിശയായി കിട്ടുന്നത് 6,15,000 രൂപയാണ്.

പദ്ധതിയിൽ ചേരുന്നതിനുള്ള യോഗ്യത

60 വയസിന് മുകളിലുള്ളവരോ അല്ലെങ്കിൽ 55-60 വയസ് പ്രായമുള്ള വിരമിച്ച ജീവനക്കാരോ, വോളണ്ടറി റിട്ടയർമെന്റ് സ്കീം (VRS) തിരഞ്ഞെടുത്തിട്ടുള്ളവർക്കോ ഒരു അക്കൗണ്ട് തുറക്കാം. കുറഞ്ഞത് 60 വയസ് പ്രായമുള്ള വിരമിച്ച പ്രതിരോധമേഖലയിലെ ജീവനക്കാർക്ക് അക്കൗണ്ട് തുറക്കാം. എച്ച്‌യുഎഫ്, എൻആർഐ എന്നിവർക്ക് ഈ സ്കീമിൽ നിക്ഷേപിക്കാൻ അർഹതയില്ല.