8.2% വരെ പലിശ ഉറപ്പ്; 6 മികച്ച ചെറുകിട സമ്പാദ്യ പദ്ധതികൾ

കേന്ദ്ര സർക്കാരിന്റെ ചെറുകിട സമ്പാദ്യ പദ്ധതികളിൽ നിരവധി പേർ നിക്ഷേപം നടത്തുന്നുണ്ട്. ഈ സ്കീമുകൾ വരുമാന കാര്യത്തിൽ വിവിധ തട്ടുകളിലായുള്ളവർക്ക് വേണ്ടി രൂപകൽപ്പന ചെയ്തതാണ്. വരുമാനം കുറഞ്ഞവർക്കും കൂടിയവർക്കും നിക്ഷേപിക്കാവുന്ന നിരവധി സ്കീമുകൾ ഉണ്ട്. സ്ത്രീകൾക്കും മുതിർന്ന പൗരന്മാർക്കും വേണ്ടി ചില പ്രത്യേക പദ്ധതികളുണ്ട്. ഇവയെല്ലാം തന്നെ മികച്ച പലിശ നിരക്ക് വാഗ്‌ദാനം ചെയ്യുന്നവയാണ്. 7.5% മുതൽ 8.2% വരെ പലിശ നിരക്കുകൾ നൽകുന്ന ചെറുകിട സമ്പാദ്യ പദ്ധതികളെക്കുറിച്ച് അറിയുക.

40 വയസാണോ? എസ്ഐപിയിൽ 4,000 നിക്ഷേപിച്ചാൽ റിട്ടയർമെന്റിൽ കോടിപതിയാകാം

1. സീനിയർ സിറ്റിസൺസ് സേവിംഗ്സ് സ്കീം (എസ്‌സിഎസ്എസ്): മുതിർന്ന പൗരന്മാർക്കും വിരമിച്ചവർക്കും സ്ഥിര വരുമാനം നൽകുന്ന ഒരു സർക്കാർ പദ്ധതിയാണിത്. ഏറ്റവും കുറഞ്ഞ നിക്ഷേപം 1000 രൂപയാണ്, പരമാവധി പരിധി 30 ലക്ഷം രൂപയാണ്. 2024 ഒക്ടോബർ-ഡിസംബർ മാസങ്ങളിൽ ഈ സ്കീം പ്രതിവർഷം 8.2% പലിശ വാഗ്‌ദാനം ചെയ്യുന്നു.

2. പോസ്റ്റ് ഓഫീസ് ടൈം ഡെപ്പോസിറ്റ് സ്കീം: 5 വർഷത്തെ പോസ്റ്റ് ഓഫീസ് ടൈം ഡെപ്പോസിറ്റ് സ്കീമിന് കീഴിലുള്ള നിക്ഷേപങ്ങൾക്ക് 1961 ലെ ആദായ നികുതി നിയമത്തിലെ സെക്ഷൻ 80C പ്രകാരം നികുതി ആനുകൂല്യങ്ങൾക്ക് അർഹതയുണ്ട്. ഏറ്റവും കുറഞ്ഞ നിക്ഷേപം 1,000 രൂപയാണ്. 2024 ഒക്ടോബർ-ഡിസംബർ പാദത്തിലെ പലിശ നിരക്ക് 7.5% ആണ്.

3. നാഷണൽ സേവിംഗ്സ് സർട്ടിഫിക്കറ്റ് (NSC): സെക്ഷൻ 80C പ്രകാരം ഉറപ്പായ റിട്ടേണുകളും നികുതി ആനുകൂല്യങ്ങളും വാഗ്ദാനം ചെയ്യുന്ന സർക്കാർ പിന്തുണയുള്ള സേവിംഗ്സ് സ്കീം ആണിത്. അഞ്ച് വർഷമാണ് നിക്ഷേപ കാലാവധി. 2024 ഒക്‌ടോബർ-ഡിസംബർ മാസങ്ങളിൽ ഈ സ്കീം 7.7% പലിശ വാഗ്‌ദാനം ചെയ്യുന്നു. വർഷം തോറും പലിശ നിരക്ക് കണക്കാക്കുകയും കാലാവധി പൂർത്തിയാകുമ്പോൾ നൽകുകയും ചെയ്യുന്നു.

333 രൂപ നിക്ഷേപിച്ച് 5 വർഷംകൊണ്ട് 7 ലക്ഷം നേടാം; പോസ്റ്റ് ഓഫീസിന്റെ കിടിലൻ പദ്ധതി

4. കിസാൻ വികാസ് പത്ര (കെവിപി): ഉറപ്പുള്ള റിട്ടേണുകളും സ്ഥിര പലിശ നിരക്കുകളും വാഗ്‌ദാനം ചെയ്യുന്ന സ്കീം ആണിത്. നിക്ഷേപിച്ച തുക 115 മാസത്തിനുള്ളിൽ (9 വർഷം, 7 മാസം) ഇരട്ടിയാകുന്നു. ഒക്ടോബർ-ഡിസംബർ പാദത്തിൽ പ്രതിവർഷം 7.5% പലിശ വാഗ്‌ദാനം ചെയ്യുന്നു.

5. മഹിളാ സമ്മാൻ സേവിംഗ്സ് സർട്ടിഫിക്കറ്റ് (MSSC): സ്ത്രീകൾക്കും പെൺകുട്ടികൾക്കും 2,00,000 രൂപ വരെ നിക്ഷേപിക്കുന്നതിനുള്ള സർക്കാർ പിന്തുണയുള്ള പദ്ധതിയാണിത്. 2025 മാർച്ച് വരെ നിക്ഷേപം നടത്താം. 7.5% ആണ് വാർഷിക പലിശ നിരക്ക്. നിക്ഷേപ കാലാവധി 2 വർഷമാണ്.

6. സുകന്യ സമൃദ്ധി യോജന (SSY): പെൺകുട്ടികളുടെ രക്ഷിതാക്കൾക്കുള്ള ഒരു സേവിംഗ്സ് സ്കീം ആണിത്. സെക്ഷൻ 80C പ്രകാരം നികുതി ആനുകൂല്യങ്ങൾ ലഭിക്കും. ലഭിക്കുന്ന പലിശ നികുതി രഹിതമാണ്. പെൺകുട്ടിക്ക് 18 വയസ്സ് തികയുന്നത് വരെ രക്ഷിതാവാണ് അക്കൗണ്ട് കൈകാര്യം ചെയ്യുന്നത്. 2024 ഒക്ടോബർ-ഡിസംബർ മാസങ്ങളിൽ ഈ സ്കീം 8.2% പലിശ വാഗ്‌ദാനം ചെയ്യുന്നു.