ഓണം ഓഫറുമായി കെഎസ്എഫ്ഇ: സമൃദ്ധി ​ഗിഫ്റ്റ് കാർഡിലൂടെ സപ്ലൈക്കോ വഴി കൈനിറയെ സാധനം വാങ്ങാം

സംസ്ഥാനത്തിന് ഏറെ അഭിമാനകരമായ നിമിഷമായിരുന്നു കെഎസ്എഫ്ഇ ഒരു ട്രില്യണ്‍ ബിസിനസ് കൈവരിച്ചത്. സംസ്ഥാന സർക്കാരിൻ്റെ നിയന്ത്രണത്തിൽ പ്രവർത്തിക്കുന്ന ഒരു ബാങ്ക് ഇതര ധനകാര്യ സ്ഥാപനമെന്ന നിലയിൽ കെഎസ്എഫ്ഇയുടെ ഈ നേട്ടത്തിൻ്റെ സന്തോഷമെന്ന നിലയിൽ ഒരു ഓണ സമ്മാനവും കെഎസ്എഫ്ഇ വാ​ഗ്ദാനം ചെയ്യുന്നു. അതായത് ഇത്തവണ സപ്ലൈക്കോയുമായി ചേര്‍ന്ന് കെഎസ്എഫ്ഇ ഒരു ​ഗിഫ്റ്റ് കാർഡ് വാ​ഗ്ദാനം ചെയ്യുന്നു.

ആഗസ്റ്റ് 15 മുതല്‍ സെപ്റ്റംബര്‍ 3 വരേ ഓരോ ശാഖയിലും പുതിയ ചിട്ടിയില്‍ ചേര്‍ന്ന് പണമടയ്ക്കുന്ന ആളുകളിൽ നിന്ന് 2 പേരെ ദിവസവും നറുക്കിട്ട് എടുത്ത് 1000 രൂപയുടെ ഗിഫ്റ്റ് കാര്‍ഡ് നല്‍കുന്നു. ഇതുപയോഗിച്ച് ഇവർക്ക് സപ്ലൈക്കോയില്‍ നിന്ന് സാധനങ്ങള്‍ വാങ്ങാന്‍ കഴിയും. ഇതാണ് കെഎസ്എഫ്ഇയുടെ ഓണം സമൃദ്ധി ഗിഫ്റ്റ് കാര്‍ഡ്.

കെഎസ്എഫ്ഇയുടെ ഈ ഓണസമ്മാനം തികച്ചും മികച്ചതാണ്. ഈ ഓണത്തിന് സാധനങ്ങൾക്കെല്ലാം വമ്പൻ വിലക്കയറ്റമാണ്. 1,000 രൂപയുടെ ഓഫർ ഒരിക്കലും ചെറുതല്ല. സപ്ലൈക്കോ വഴി 1,000 രൂപക്കുള്ള അവശ്യ സാധനങ്ങളെല്ലാം ഈ വർഷം വാങ്ങിക്കാം.

കെഎസ്എഫ്ഇ ഓണം സമൃദ്ധി ഗിഫ്റ്റ് കാര്‍ഡ്

ഇത് കെഎസ്എഫ്ഇ ഉപഭോക്താക്കൾക്കുള്ള പ്രത്യേക ഓഫറാണ്. ഈ നേട്ടം ഉറപ്പാക്കണമെങ്കിൽ നിങ്ങൾ കെഎസ്എഫ്ഇയുടെ ഏതെങ്കിലും പുതിയ ചിട്ടിയിൽ ചേരണം. തലേദിവസം ചിട്ടിയില്‍ ചേര്‍ന്നവരില്‍ നിന്നും നറുക്കെടുത്ത് അവരുടെ പേര് വിവരങ്ങള്‍ ശാഖയില്‍ പ്രദര്‍ശിപ്പിയ്ക്കുന്നതാണ്.

പ്രത്യേകതകൾ

• ഒരു ദിവസം രണ്ട് പേര്‍ മാത്രമാണ് പണമടച്ചിട്ടുള്ളതെങ്കില്‍ രണ്ടുപേര്‍ക്കും സമ്മാനം ഉറപ്പാക്കാൻ സാധിക്കും.
• ഒരു ഉപഭോക്താവ് ചേർന്നിട്ടുള്ള എല്ലാ ചിട്ടികളും നറുക്കെടുപ്പിന് പരിഗണിയ്ക്കും. പക്ഷേ ഒരാള്‍ക്ക് ഒരു കൂപ്പൺ മാത്രമേ ലഭിക്കുകയുള്ളൂ.
• ഗിഫ്റ്റ് കാര്‍ഡ് ലഭിച്ചവര്‍ക്ക് ഒറ്റത്തവണയായി സെപ്റ്റംബര്‍ 30 വരെ സപ്ലൈക്കോയുടെ എല്ലാ ഔട്ട്ലെറ്റുകളില്‍ നിന്നും സാധനങ്ങള്‍ വാങ്ങാവുന്നതാണ്.

ശ്രദ്ധിക്കേണ്ട കാര്യങ്ങൾ

• കെ.എസ്.എഫ്.ഇ ജീവനക്കാര്‍, ഏജന്റുമാര്‍, ഗോള്‍ഡ് അപ്രൈസര്‍മാര്‍ എന്നിവര്‍ക്ക് കെഎസ്എഫ്ഇയുടെ ഈ ഗിഫ്റ്റ് കാര്‍ഡ് ലഭിക്കില്ല.
• നിങ്ങളുടെ ഈ ഗിഫ്റ്റ്കാര്‍ഡ് നഷ്ടപ്പെട്ടാല്‍ പുതിയ കാര്‍ഡ് ഒരിക്കലും ലഭിക്കില്ല.
• സപ്ലൈക്കോയുടെ നിബന്ധനകള്‍ക്ക് അനുസരിച്ച്, സബ്സിഡി ഇനങ്ങള്‍ക്കും ഗിഫ്റ്റ്കാര്‍ഡ് നല്‍കാം.

ഫ്ലിപ്കാർട്ടിൽ പർച്ചേസ് നടത്തുന്നവർക്ക് വമ്പൻ ക്യാഷ്ബാക്ക്: പുതിയ എസ്‌ബി‌ഐ കോ-ബ്രാൻഡഡ് കാർഡ് ഇതാ

നിങ്ങൾ ഈ ​ഗിഫ്റ്റ് കാർഡ് സ്വന്തമാക്കിയോ? വിലക്കറ്റത്തിൽ നിരാശപ്പെടുമ്പോൾ സർക്കാരിനൊപ്പം കെഎസ്എഫ്ഇയും സാധാരണക്കാർക്കൊപ്പം ചേരുന്നു. സപ്ലൈക്കോ വഴി ഇത്തവണത്തെ ഓണസദ്യക്കുള്ള അവശ്യ സാധനങ്ങളെല്ലാം കെഎസ്എഫ്ഇയുടെ സമൃദ്ധി ​ഗിഫ്റ്റ് കാർഡ് ഉപയോ​ഗിച്ച് പർച്ചേസ് ചെയ്യാം.

സിം​ഗപ്പൂർ യാത്ര

ഓണ സമ്മാനം പോലെ തന്നെ സിം​ഗപ്പൂർ യാത്രയും മറക്കണ്ട. പുതിയ ചിട്ടിയില്‍ ചേരുന്നവര്‍ക്ക് നിലവിലെ കെ.എസ്.എഫ്.ഇ സ്കീമായ ഹാര്‍മണി ചിട്ടീസ് സീസണ്‍ 2 പ്രകാരം പത്തില്‍ ഒരാള്‍ക്ക് 2000 രൂപയുടെ ഫ്യുവൽ കാർഡ് സ്വന്തമാക്കാം. എന്നാൽ ബമ്പർ സമ്മാനമായി ലഭിക്കുന്നത് 100 പേര്‍ക്ക് സിംഗപ്പൂര്‍ യാത്രയാണ്.