Click it and Unblock the Notifications
അടിയന്തര സാഹച്യരങ്ങളിലെ പണ സമ്പാദനത്തിന് ഉചിതമായ മാർഗമാണ് കെഎസ്എഫ്ഇ ചിട്ടികൾ. ആവശ്യം മുൻകൂട്ടി കണ്ട് നിക്ഷേപിക്കാൻ തുടങ്ങിയാൽ സാധാരണക്കാർക്ക് ചെറിയ അടവിൽ മാന്യമായ തുക നേടിയെടുക്കാൻ ഹ്രസ്വകാല ചിട്ടികള് വഴി സാധിക്കും. 25 മാസം മുതല് 60 മാസം വരെയാണ് ഹ്രസ്വകാല ചിട്ടികളുടെ ദൈർഘ്യം. ലാഭത്തിൽ ലേലം വിളിച്ചെടുക്കാൻ സാധിക്കുന്നതിനാൽ വായ്പയിലേക്ക് പോകാതെ തന്നെ ആവശ്യം നിറവേറ്റാൻ കുഞ്ഞൻ ചിട്ടികൾ സഹായിക്കും. ഇത്തരത്തിൽ ചെറിയ തുക മാസ അടവുള്ള ഒരു ചിട്ടിയാണ് ചുവടെ വിശദീകരിക്കുന്നത്.
2500*40
2,500 രൂപ മാസ അടവുള്ള 40 മാസ കാലാവധിയുള്ള 1 ലക്ഷം രൂപയുടെ ചെറിയൊരു ചിട്ടിയാണിത്. ഈ ഹ്രസ്വകാല ചിട്ടിയില് ചേര്ന്നൊരാള്ക്ക് മാസ അടവിനായി ദിവസത്തില് കരുതേണ്ടത് 85 രൂപയോളമാണ്. 2,500 രൂപ മുതൽ 1875 രൂപ വരെയാണ് വരെയാണ് ചിട്ടിയുടെ മാസ അടവ് വരിക.
മാസത്തില് 30 ശതമാനം വരെ കിഴിവില് ചിട്ടി ലേലം വിളിക്കാന് സാധിക്കും. ഇതുപ്രകാരം 25,000 രൂപ മാസത്തില് ലാഭ വിഹിതം ഉണ്ടാകും. 40 പേരുള്ള ചിട്ടിയിൽ ഒരാൾക്ക് 625 രൂപയാണ് പരമാവധി ഒരു മാസത്തിൽ ലഭിക്കുന്ന ലാഭ വിഹിതം. 30 ശതമാനം കിഴിവില് ചിട്ടി ലേലം വിളിച്ചെടുത്താല് തൊട്ടടുത്ത മാസത്തില് 1,875 രൂപ മാത്രം അടച്ചാല് മതിയാകും.
വിളിച്ചെടുത്താലും നേട്ടം
30 ശതമാനം വരെ കിഴിവിലാണ് ചിട്ടി ലേലം വിളിച്ചെടുക്കാന് സാധിക്കുക. ഹ്രസ്വകാലമായതിനാല് പരമാവധി കിഴിവില് ലേലം വിളിക്കാന് കൂടുതല് ഉപഭോക്താക്കള് ഉണ്ടാകില്ല. ഈ സമയത്ത് മികച്ച തുകയ്ക്ക് ചിട്ടി ലേലത്തില് പിടിക്കാന് സാധിക്കും. ചിട്ടി ലേലത്തില് പിടിക്കാന് ചിട്ടിയുള്ള ബ്രാഞ്ചില് നേരിട്ട് ചെന്ന് ലേലത്തില് പങ്കെടുക്കണം. അല്ലാത്തപക്ഷം ലേലം ചെയ്യാന് പ്രോക്സിയായി മറ്റൊരു വ്യക്തിയെ ഏര്പ്പെടുത്താം. ശാഖാ മാനേജരെ തന്നെ പ്രോക്സിയായി ഏര്പ്പെടുത്താനും സാധിക്കും.
ജാമ്യം/ സ്ഥിര നിക്ഷേപം
ചിട്ടി വിളിച്ചെടുത്ത തുക ഫലപ്രദമായി ഉപയോഗിക്കാൻ രണ്ട് രീതികളാണുള്ളത്. ജാമ്യം നൽകി പണം പിൻവലിക്കുകയോ ചിട്ടി കെഎസ്എഫ്ഇയിൽ തന്നെ സ്ഥിര നിക്ഷേപമാക്കുകയോ ചെയ്യുക. ചിട്ടി ലഭിച്ചാല് പണം ലഭിക്കാന് ജാമ്യം നല്കേണ്ടതുണ്ട്. സാലറിസര്ട്ടിഫിക്കറ്റ് , ഭൂസ്വത്ത്, ഡെപ്പോസിറ്റ് രസീതുകള്, സ്വര്ണ്ണം, വിളിക്കാത്ത ചിട്ടി പാസ് ബുക്ക്, എല്ഐസി പോളിസി തുടങ്ങിയവയാണ് ജാമ്യങ്ങള്.
കൃത്യസമയത്ത് ജാമ്യം ലഭിക്കാത്ത സാഹചര്യത്തില് വിളിച്ചെടുത്ത ചിട്ടി കെഎസ്എഫ്ഇയില് തന്നെ സ്ഥിര നിക്ഷേപമിടാം. ഇതിന് 6.50 ശതമാനം പലിശ കെഎസ്എഫ്ഇ നല്കും. സ്ഥിര നിക്ഷേപത്തില് നിന്ന് ലഭിക്കുന്ന പലിശ ഉപയോഗിച്ച് ചിട്ടിയുടെ മാസ അടവ് നടത്താം. സ്ഥിര നിക്ഷേപമിട്ട ചിട്ടി ജാമ്യം ഹാജരാക്കി എപ്പോള് വേണമെങ്കിലും പിന്വലിക്കാന് സാധിക്കും.
ഇപ്പോള് ചേര്ന്നാല് ഇരട്ടി നേട്ടം
കെഎസ്എഫ്ഇ ഭദ്രതാ സ്മാര്ട്ട് ചിട്ടിയുടെ ഭാഗമായി കെഎസ്എഫ്ഇ ചിട്ടികളില് ഇപ്പോള് ചേരുന്നവര്ക്ക് സമ്മാനങ്ങള് ലഭിക്കും. ആകെ 10.5 കോടി രൂപയുടെ സമ്മാനങ്ങളാണ് ഈ ചിട്ടിയുടെ ഭാഗമായി ലഭിക്കുക. ബംബര് സമ്മാനമായി ഒരാള്ക്ക് 1 കോടി രൂപ വിലമതിക്കുന്ന ഫ്ളാറ്റോ പണമോ സമ്മാനമായി ലഭിക്കും.
മേഖലാ തലത്തില് 70 പേര്ക്കാണ് സമ്മാനം ലഭിക്കും. ഒന്നാം സമ്മാനമായി ഇലക്ട്രിക് കാറുകറോ 15.5 ലക്ഷം രൂപയോ ലഭിക്കും. രണ്ടാം സമ്മാനമായ ഇലക്ട്രിക് സ്കൂട്ടര് 100 പേര്ക്ക് ലഭിക്കും. ഇല്ലെങ്കില് 75,000 രൂപ വരെ സമ്മാനമായി ലഭിക്കും
More From GoodReturns
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
ബെംഗളൂരു മലയാളികളുടെ ശ്രദ്ധയ്ക്ക്; വന്ദേ ഭാരത് സമയക്രമത്തില് മാറ്റം, വിശദാംശങ്ങള്
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
എഫ്ഡിയ്ക്ക് കൂട്ടുപലിശ; സ്ഥിര നിക്ഷേപം തിരഞ്ഞെടുക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം
പവന് കുറഞ്ഞത് 7000 രൂപ, ജ്വല്ലറികളിൽ സ്വർണം വാങ്ങാൻ തിരക്കേറുന്നു, ആഭരണം വാങ്ങാൻ 1.5 ലക്ഷം വേണ്ട
ബെംഗളൂരു നിവാസികൾക്ക് ആശ്വാസം, കാത്തിരുന്ന് കാല് വേദനിക്കില്ല, യെല്ലോ ലൈനിൽ ട്രെയിൻ പെട്ടെന്ന് എത്തും
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
പശ്ചിമേഷ്യന് സംഘര്ഷം; ഇന്ത്യന് ഓഹരി വിപണിയ്ക്ക് എന്ത് സംഭവിക്കും, എസ്ഐപി നിര്ത്തേണ്ടതുണ്ടോ?
23ന് പകരം 47 കിലോമീറ്റർ സഞ്ചരിച്ചിട്ടും 23 മിനിട്ട് നേരത്തെയെത്തി; ബെംഗളൂരുവിലെ ട്രാഫിക് വീണ്ടും ചർച്ചയാകുന്നു
ബെംഗളൂരു: പുതിയ മദ്യനികുതി ഏപ്രില് മുതല്- ഇനി ചിയേഴ്സോ അതോ ടിയേഴ്സോ?
Sign in with Google