Just In
-
-
-
-
Don't Miss
-
IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ് -
ലോക്സഭ തിരഞ്ഞെടുപ്പ്; കേരളം നാളെ ബൂത്തിലേക്ക്.. ഇന്ന് നിശബ്ദ പ്രചരണം, 4 ജില്ലകളിൽ നിരോധനാജ്ഞ -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന്‍ ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഇക്കാലത്ത് ശമ്പളത്തിനൊപ്പം നല്ലൊരു തുക മാസ വരുമാന‌മായി ലഭിക്കുന്നത് നല്ല കാര്യമാണ്. ഇതിന് പണത്തിന് സുരക്ഷയുള്ള തിരിച്ചടവ് ഉറപ്പു വരുത്തിന്നിടത്ത് നിക്ഷേപിക്കണം. കോവിഡ് പോലുള്ള സാഹചര്യങ്ങളിൽ ജോലി തടസപ്പെട്ട കാലത്ത് നിക്ഷേപത്തിൽ നിന്നുള്ള വരുമാനം വഴി പിടിച്ചു നിന്നവരുണ്ട്.
ഇത്തരത്തിൽ വരുമാനം തേടുന്നവർക്ക് തിരഞ്ഞെടുക്കാൻ പറ്റിയ പദ്ധതിയാണ് ലൈഫ് ഇൻഷൂറൻസ് പോളിസിയുടെ സരൾ പെൻഷൻ പദ്ധതി. ഇതുവഴി ഒറ്റത്തവണ അടവിൽ മാസ പെൻഷൻ പോളിസി ഉടമയ്ക്ക ലഭിക്കും. പോളിസിയിൽ ചേർന്ന ഉടനെ പെൻഷൻ ലഭിച്ചു തുടങ്ങും.
സിംഗിൽ ആന്വുറ്റി പ്ലാൻ
സരള്‍ പെന്‍ഷന്‍ പ്ലാനില്‍ രണ്ട് സ്‌കീമുകളാണ് ഉള്ളത്. സിംഗില്‍ ആന്വുറ്റി പ്ലാനും ജോയിന്റ് ലൈഫ് ആന്വുറ്റി പ്ലാനും. വാങ്ങല്‍ വിലയുടെ 100 ശതമാനം തിരികെ ലഭിക്കുന്നതാണ് സിംഗില്‍ ആന്വുറ്റി പ്ലാന്‍. പോളിസി ഉടമയുടെ ജീവിതകാലം മുഴുവന്‍ ഈ പദ്ധതി വഴി പെന്‍ഷന്‍ ലഭിക്കും. മരണ ശേഷം വാങ്ങല്‍ വിലയുടെ 100 ശതമാനം പോളിസി ഉടമയുടെ നോമിനിക്ക് തിരികെ നല്‍കും.
ജോയിന്റ് ലൈഫ് ആന്വുറ്റി പ്ലാന്‍
ജോയിന്റ് ലൈഫ് ആന്വുറ്റി പ്ലാനില്‍ ഭാര്യയ്ക്കും ഭര്‍ത്താവിനും പെന്‍ഷന്‍ ആനുകൂല്യങ്ങള്‍ നേടാം. ഒരു സമയം ഒരാള്‍ക്കാണ് പെന്‍ഷന്‍ ലഭിക്കുക. പോളിസി ഉടമയുടെ മരണ ശേഷം പങ്കാളിക്ക് തുടര്‍ന്നും പെന്‍്ഷന്‍ ലഭിക്കും. രണ്ടു പേരുടെയും മരണ ശേഷം അടച്ച തുകയുടെ 100 ശതമാനം നോമിനിക്ക് എല്‍ഐസി തിരികെ നല്‍കും.
ആർക്കൊക്കെ പദ്ധതിയിൽ ചേരാം
40 വയസ് മുതല്‍ 80 വയസുവരെ പ്രായമുള്ളവര്‍ക്കാണ് പദ്ധതിയില്‍ ചേരാന്‍ സാധിക്കുക. 2 ലക്ഷത്തിന് മുകളിലുള്ള തുകയ്ക്കാണ് പോളിസി വാങ്ങാന്‍ സാധിക്കുക. പോളിസിയില്‍ ചേര്‍ന്നയുടനെ പെന്‍ഷന്‍ ലഭിക്കുമനെന്നത് പദ്ധതിയുടെ ഗുണമാണ്. പെന്‍ഷന്‍ മാസത്തിലോ, ത്രൈമാസത്തിലോ അര്‍ധ വര്‍ഷത്തിലോ വര്‍ഷത്തിലോ ലഭിക്കുന്ന തരത്തില്‍ പോളിസി ഉടമയ്ക്ക് ഇടവേള തിരഞ്ഞെടുക്കാം.
വര്‍ഷത്തില്‍ 12,000 രൂപയാണ് കുറഞ്ഞ പെന്‍ഷനായി ലഭിക്കുക. തിരഞ്ഞെടുക്കുന്ന പെന്‍ഷന്‍ (ആന്വുറ്റി തുക), പോളിസി ഉടമയുടെ പ്രായം എന്നിവ കണക്കാക്കിയാണ് വാങ്ങല്‍ വില തീരുമാനിക്കുന്നത്. ഉയര്‍ന്ന വാങ്ങല്‍ വിലയ്ക്ക് പരിധിയില്ല.
സരൾ പെൻഷൻ യോജന കാൽക്കുലേറ്റർ
42 വയസുകാരന്‍ 3 ലക്ഷം രൂപയ്ക്ക് സരള്‍ പെന്‍ഷന്‍ പ്ലാനില്‍ ചേര്‍ന്നാല്‍ വര്‍ഷത്തില്‍ 14790 രൂപ ലഭിക്കും. 2.50 ലക്ഷം രൂപയക്ക് പോളിസിയിൽ ചേരുന്നൊരാള്‍ക്ക് വര്‍ഷത്തില്‍ ലഭിക്കുന്ന തുക 12,325 രൂപരയാണ്. അര്‍ധ വര്‍ഷത്തില്‍ 6063 രൂപ ലഭിക്കും.
മാസത്തില്‍ 1,000 രൂപ പെന്‍ഷന്‍ നേടാന്‍ 2.5 ലക്ഷം രൂപ നിക്ഷേപിക്കണം. 42 കാരന്‍ 30 ലക്ഷം നിക്ഷേപിച്ചാല്‍ മാസത്തില്‍ഡ 12,388 രൂപ ആന്വുറ്റി തുകയായി ലഭിക്കും.
വായ്പയും സറണ്ടറും
പോളിസിയില്‍ ചേര്‍ന്ന് ആറു മാസത്തിന് ശേഷം സരള്‍ പെന്‍ഷന്‍ യോജന വഴി പോളിസി ഉടമയ്ക്ക വായ്പ ലഭിക്കും. ആറു മാസത്തിന് ശേഷം പോളിസി സറണ്ടര്‍ ചെയ്യാന്‍ സാധിക്കും. ഗുരുതര രോഗങ്ങള്‍ക്കുള്ള ചികിത്സ പോലുള്ള പെട്ടന്നുള്ള ആവശ്യത്തിന് പോളിസി സറണ്ടര്‍ ചെയ്യേണ്ടി വന്നാല്‍ വാങ്ങല്‍ വിലയുടെ 95 ശതമാനം തിരികെ ലഭിക്കും. വായ്പ എടുത്തിട്ടുണ്ടെങ്കില്‍ വായ്പ തുകയും പലിശയും കിഴിച്ചുള്ള തുക മാത്രമാണ് അനുവദിക്കുന്നത്.
എവിടെ ചേരാം
അടുത്തുള്ള എല്‍ഐസി ബ്രാഞ്ച് വഴിയോ എല്‍ഐസി ഏജന്റ് വഴിയോ സരള്‍ പെന്‍ഷന്‍ പോളിസിയില്‍ ചേരം. ഓണ്‍ലൈനായും പോളിസിയില്‍ ചേരാം. കൃത്യമായ ആരോഗ്യ വിവരങ്ങളും മേല്‍വിലാസം തെളിയിക്കുന്ന രേഖകളും മറ്റു കെവൈസി രേഖകളും ഹാജരാക്കണം. പോളിസി ഉടമയുടെ വയസും തിരഞ്ഞെടുക്കുന്ന പ്ലാനും അനുസരിച്ച് മെഡിക്കല്‍ പരിശോധന വേണ്ടി വരും. ഓണ്‍ലൈനായി എല്‍ഐസി വെബ്‌സൈറ്റ് വഴിയും പോളിസിയില്‍ ചേരാം.
