Click it and Unblock the Notifications
വിരമിക്കൽ കാലത്ത് പെൻഷൻ മാത്രമായിരിക്കും പലരുടെയും വരുമാന മാർഗം. സർക്കാർ ജീവനക്കാരാണെങ്കിൽ ജീവിത കാലം മുഴുവൻ പെൻഷൻ ലഭിക്കും. വിരമിക്കൽ കാലത്ത് നിക്ഷേപങ്ങളിലൂടെ പെൻഷൻ നേടാൻ ശ്രമിക്കുന്നവർക്ക് മുന്നിലുള്ള വഴിയാണ് സീനിയർ സിറ്റിസൺ സേവിംഗ്സ് സ്കീം, പ്രധാനമന്ത്രി വയ വന്ദൻ യോജന എന്നിവ.
ഇവയിലൂടെ 5 വർഷത്തേക്കും 10 വർഷത്തേക്കും മാത്രമെ പെൻഷൻ ലഭിക്കുകയുള്ളൂ. ഇതിന് ബദലായി മരണം വരെ പെൻഷനും മരണ ശേഷം നിക്ഷേപിച്ച തുക നോമിനിക്കും ലഭിക്കുന്നൊരു പെൻഷൻ പ്ലാനാണ് ലൈഫ് ഇൻഷൂറൻസ് കോർപ്പറേഷന്റെ സരൾ പെൻഷൻ പ്ലാൻ.
സരൾ പെൻഷൻ പ്ലാൻ
ഒരു സിംഗില് പ്രീമിയം, ഹോൾ ലൈഫ് പെന്ഷന് പ്ലാനാണ് എൽഐസി അവതരിപ്പിക്കുന്ന സരൾ പെൻഷൻ. ഒറ്റ പ്രീമിയം അടവിലൂടെ ജീവിത കാലം മുഴുവന് പെന്ഷന് നേടാൻ സാധിക്കും. പോളിസി ആരംഭിച്ചത് മുതല് മാസ വരുമാനം ലഭിക്കുമെന്നതാണ് മറ്റൊരു ഗുണം. മാസത്തിലോ ത്രൈമാസത്തിലോ അര്ധ വര്ഷത്തിലോ വര്ഷത്തിലോ തുക അക്കൗണ്ടിലെത്തും.
പദ്ധതിയിൽ നിന്ന് ലഭിക്കുന്ന ഏറ്റവും ചുരുങ്ങിയ മാസ വരുമാനം 1,000 രൂപയാണ്. സിംഗിൽ ആന്യുറ്റി, ജോയിന്റ് ആന്യുറ്റി എന്നിങ്ങനെ 2 തരത്തിൽ മാസ വരുമാനം തിരഞ്ഞെടുക്കാം.
വിശദാംശങ്ങൾ
40 വയസ് മുതല് 80 വയസ് പ്രായമുള്ളവര്ക്ക് ചേരാവുന്ന പെന്ഷന് പദ്ധതിയാണ് സരൾ പെൻഷൻ പദ്ധതി. ഇതിൽ സിംഗില് ആന്യുറ്റി പ്ലാന് ഒരാൾക്ക് മാത്രമാണ് പോളിസിയുടെ ഗുണം ലഭിക്കുക. പോളിസി ഉടമയ്ക്ക് ജീവിതകാലം മുഴുവന് പെന്ഷന് ലഭിക്കുകയും മരണ ശേഷം പ്രീമിയം തുക പോളിസി ഉടമയുടെ നോമിനിക്ക് തിരികെ ലഭിക്കുകയും ചെയ്യും.
ജോയിന്റ് ലൈഫ് ആന്യുറ്റി പ്ലാനില് പോളിസി ഉടയമക്കൊപ്പം പങ്കാളിക്കും മാസ വരുമാനം ലഭിക്കും. പോളിസി ഉടമയുടെ മരണ ശേഷമാണ് പങ്കാളിക്ക് മാസ വരുമാനം ലഭിക്കുക. രണ്ടു പേരുടെയും മരണ ശേഷം അടച്ച തുക നോമിനിക്ക് തിരികെ നല്കും. പോളിസിയിൽ ഏകദേശം 5 ശതമാനം നിരക്കിലാണ് ആന്യുറ്റി വിതരണം ചെയ്യുന്നത്.
കുറഞ്ഞ പെൻഷൻ
മാസം വരുമാനം കണ്ടെത്താം ജീവിത കാലം മുഴുവൻ മാസ വരുമാനം കണ്ടെത്താനുള്ളൊരു മാർഗമാണ് സരൾ പെൻഷൻ പോളിസി. പോളിസി ഉടമയുടെ പ്രായത്തെയും ആവശ്യമായ പെൻഷനെയും തിരഞ്ഞെടുക്കുന്ന ആന്യുറ്റി പ്ലാനിനെയും അടിസ്ഥാനമാക്കിയാണ് പ്രീമിയം തീരുമാക്കിക്കുന്നത്.
സരൾ പെൻഷൻ പ്ലാനിൽ നിന്ന് ഏറ്റവും കുറഞ്ഞ മാസ പെൻഷൻ 1,000 രൂപയും വാർഷിക പെൻഷൻ 12,000 രൂപയുമാണ്. ഇതിനായി സിംഗിൽ പ്രീമിയമായി 2.50 ലക്ഷം രൂപ അടയ്ക്കണം. എന്നാൽ പരമാവധി നിക്ഷേപിക്കാവുന്ന തുകയ്ക്ക് പരിധിയില്ല.
പോളിസി സറണ്ടർ
സരൾ പെൻഷൻ പോളിസിയുമായി മുന്നോട്ട് പോകാൻ സാധിക്കാത്തവരാണെങ്കിൽ 15 ദിവസത്തിനകം പോളിസി തിരികെ നൽകാനുള്ള സൗകര്യമുണ്ട്. ഓൺലൈനായി വാങ്ങിയ പോളിസിയിൽ 30 ദിവസം സമയം നൽകുന്നു. അടച്ച പ്രീമിയം തുക സ്റ്റാമ്പ് ഡ്യൂട്ടിയും ആന്വിറ്റി ലഭിച്ചിട്ടുണ്ടെങ്കിൽ അതും കിഴിച്ചാണ് ലഭിക്കുക. ആറു മാസത്തിന് ശേഷം പോളിസി സറണ്ടര് ചെയ്യാന് സാധിക്കും. പോളിസി സറണ്ടര് ചെയ്യേണ്ടി വന്നാല് വാങ്ങല് വിലയുടെ 95 ശതമാനം തിരികെ ലഭിക്കും.
പോളിസി കാൽക്കുലേറ്റർ
എൽഐസി സരൾ പെൻഷൻ പോളിസിയിൽ നിന്ന് 60 വയസുകാരന് മാസത്തിൽ 20,000 രൂപ പെൻഷൻ വാങ്ങാൻ 50 ലക്ഷ രൂപയുടെ പോളിസി വാങ്ങണം. ഇതിന് ഒറ്റത്തവണ പ്രീമിയമായി 50, 90,000 രൂപ അടയ്ക്കേണ്ടി വരും. മാസത്തിൽ 20,600 രൂപ പെൻഷനായി വാങ്ങാം. ത്രൈമാസത്തിൽ 62,250 രൂപയും അർധ വർഷത്തിൽ 1,25,375 രൂപയും വർഷത്തിൽ 2,55,000 രൂപയും പെൻഷനായി ലഭിക്കും.
10 ലക്ഷം രൂപയുടെ സരൾ പെൻഷൻ പ്ലാൻ വാങ്ങുന്നൊരാൾ നൽകേണ്ടി വരുന്ന പ്രീമിയം 10.18 ലക്ഷം രൂപയാണ്. മാസത്തിൽ 4,091 രൂപ പെൻഷൻ ലഭിക്കും.
More From GoodReturns
ബെംഗളൂരു മലയാളികൾക്ക് കോളടിച്ചു, ഇനി കുറഞ്ഞ ചിലവിൽ ഭക്ഷണം കിട്ടും, അതും ഏറ്റവും വേഗത്തിൽ
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
ബെംഗളൂരു മലയാളികളുടെ ശ്രദ്ധയ്ക്ക്; വന്ദേ ഭാരത് സമയക്രമത്തില് മാറ്റം, വിശദാംശങ്ങള്
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
എഫ്ഡിയ്ക്ക് കൂട്ടുപലിശ; സ്ഥിര നിക്ഷേപം തിരഞ്ഞെടുക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം
പവന് കുറഞ്ഞത് 7000 രൂപ, ജ്വല്ലറികളിൽ സ്വർണം വാങ്ങാൻ തിരക്കേറുന്നു, ആഭരണം വാങ്ങാൻ 1.5 ലക്ഷം വേണ്ട
ബെംഗളൂരു നിവാസികൾക്ക് ആശ്വാസം, കാത്തിരുന്ന് കാല് വേദനിക്കില്ല, യെല്ലോ ലൈനിൽ ട്രെയിൻ പെട്ടെന്ന് എത്തും
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
പശ്ചിമേഷ്യന് സംഘര്ഷം; ഇന്ത്യന് ഓഹരി വിപണിയ്ക്ക് എന്ത് സംഭവിക്കും, എസ്ഐപി നിര്ത്തേണ്ടതുണ്ടോ?
23ന് പകരം 47 കിലോമീറ്റർ സഞ്ചരിച്ചിട്ടും 23 മിനിട്ട് നേരത്തെയെത്തി; ബെംഗളൂരുവിലെ ട്രാഫിക് വീണ്ടും ചർച്ചയാകുന്നു
Sign in with Google