8% വരെ ഉയർന്ന പലിശ നിരക്ക്: സുരക്ഷിത നിക്ഷേപത്തിന് ഒരു മികച്ച അവസരവുമായി എൽഐസി എഫ്ഡി

ജോലിയിൽ നിന്നും വിരമിക്കുമ്പോൾ സാമ്പത്തിക സുരക്ഷ പ്രധാനമാണ്. മുതിർന്ന പൗരൻമാർ പൊതുവേ സ്ഥിര നിക്ഷേപങ്ങളെയാണ് ആശ്രയിക്കുന്നത്. സുരക്ഷിത നിക്ഷേപം എന്ന ഖ്യാതിയാണ് സ്ഥിര നിക്ഷേപങ്ങളോട് മുതിർന്ന പൗരൻമാർക്ക് താത്പര്യം വർദ്ധിക്കാൻ കാരണം. പക്ഷേ ആർബിഐ റിപ്പോ നിരക്ക് കുറച്ചതോടെ എഫ്ഡി പലിശ നിരക്കുകളും കുറഞ്ഞു. അതിനാൽ ആളുകൾ മറ്റു സമ്പാദ്യ പദ്ധതികളിൽ നിക്ഷേപിക്കാൻ തുടങ്ങുന്നു. എന്നാൽ നിക്ഷേപകർക്ക് സന്തോഷ വാർത്തയുമായി എൽഐസി എഫ്ഡി എത്തിയിരിക്കുന്നു.

2025 ഓഗസ്റ്റ് മാസത്തെ എൽഐസി എഫ്ഡി നിരക്കുകൾ പുതുക്കിയിരിക്കുന്നു. ഇത് മുതിർന്ന പൗരൻമാർക്ക് സന്തോഷ വാർത്തയാണ്. ഈ പുതിയ നിരക്കുകൾ ഉയർന്ന വരുമാനം വാഗ്ദാനം ചെയ്യുന്നതിനൊപ്പം സുരക്ഷയും ഉറപ്പാക്കുന്നു.

പുതുക്കിയ എൽഐസി എഫ്ഡി നിരക്കുകൾ

• 1 വർഷത്തെ കാലാവധിയുള്ള എഫ്ഡിയിൽ നിക്ഷേപിച്ചാൽ മുതിർന്ന പൗരൻമാർക്ക് 7.30% പലിശ നിരക്ക് ഉറപ്പാക്കാം.
• 2 വർഷത്തെ എഫ്ഡിയിൽ മുതിർന്ന പൗരൻമാർക്ക് ലഭിക്കുന്ന പലിശ നിരക്ക് 7.50 ശതമാനമാണ്.
• 3 വർഷത്തെ കാലാവധിയിൽ മുതിർന്ന പൗരന് 7.75% എഫ്ഡി പലിശ നിരക്ക് ഉറപ്പാക്കാം.
• 5 വർഷ കാലാവധിയുള്ള എഫ്ഡിയിൽ മുതിർന്ന പൗരൻമാർക്ക് 8% പലിശ നിരക്ക് വാ​ഗ്ദാനം ചെയ്യുന്നു.

എൽഐസി എഫ്ഡിയുടെ നേട്ടങ്ങൾ?

• മുതിർന്ന പൗരന്മാർക്ക് 0.50% അധിക പലിശ ഉറപ്പാക്കാം.
• വിപണിയിലെ ഏറ്റക്കുറച്ചിലുകളിൽ തളരാതെ ഉറപ്പായ വരുമാനം നേടാം
• നിങ്ങൾക്ക് കാലാവധി തിരഞ്ഞെടുക്കാം.
• സെക്ഷൻ 80C പ്രകാരമുള്ള നികുതി കിഴിവ് വാ​ഗ്ദാനം ചെയ്യുന്നു (5 വർഷത്തെ നിക്ഷേപങ്ങൾക്ക്).

മറ്റു എഫ്ഡികളാണോ എൽഐസി എഫ്ഡിയാണോ ബെസ്റ്റ്?

ബാങ്ക് എഫ്ഡികൾ സാധാരണയായി മുതിർന്ന പൗരന്മാർക്ക് 0.25%-0.40% വരെ അധിക പലിശ നിരക്കേ വാ​ഗ്ദാനം ചെയ്യാറുള്ളൂ. മറു വശത്ത് പോസ്റ്റ് ഓഫീസ് എഫ്ഡികൾ 5 വർഷത്തേക്ക് 7.4% പലിശ നിരക്കാണ് നൽകുന്നത്. പോസ്റ്റ് ഓഫീസ് എഫ്ഡി മുതിർന്ന പൗരൻമാർക്കായിൽ പലിശ നിരക്ക് നൽകുന്നില്ല. പക്ഷേ എൽഐസി എഫ്ഡി നിരക്കുകൾ ഇപ്പോൾ മുതിർന്ന പൗരന്മാർക്ക് 8% വരെ പലിശ നിരക്ക് വാ​ഗ്ദാനം ചെയ്യുന്നു.

അതിനാൽ മുതിർന്ന പൗരൻമാർക്ക് ഉയർന്ന പലിശ നിരക്കുള്ള എഫ്ഡി എൽഐസി വാ​ഗ്ദാനം ചെയ്യന്നു. അതിനാൽ സാധാരണ ഒരു എഫ്ഡി പരി​ഗണിക്കാതെ എൽഐസി എഫ്ഡി തന്നെ പരി​ഗണിക്കുക.

എൽഐസി എഫ്ഡിയിൽ എങ്ങനെ അപേക്ഷിക്കാം?

• നിങ്ങളുടെ അടുത്തുള്ള എൽഐസി ഓഫീസ് സന്ദർശിക്കുക
• പാൻ, ആധാർ, പ്രായ തെളിവ് തുടങ്ങിയ കെ‌വൈ‌സി രേഖകൾ കൈവശം വെക്കുക.
• എഫ്ഡി കാലാവധിയും നിക്ഷേപ തുകയും തിരഞ്ഞെടുക്കുക
• അപേക്ഷ സമർപ്പിച്ച് ഫണ്ട് നിക്ഷേപിക്കുക.
• എൽഐസിയുടെ പോർട്ടൽ വഴി ഓൺലൈൻ അപേക്ഷകളും ലഭ്യമാണ്.

സോഷ്യൽ മീഡിയയിലൂടെ വ്യാജ കറൻസി പ്രചരിക്കുന്നു, ഇന്ത്യയിലെ 17.5 കോടിയുടെ തട്ടിപ്പ് കണ്ടെത്തിയത് ക്ലൗഡ്സെക്ക്

നിക്ഷേപിക്കുന്നതിന് മുന്നേ ശ്രദ്ധിക്കേണ്ട കാര്യങ്ങൾ

• കാലാവധി പൂർത്തിയാവുന്നതിനു മുന്നേ പിൻവലിക്കാതിരിക്കുക. അത് പലിശ കുറച്ചേക്കാം.
• മുതിർന്ന പൗരൻമാരുടെ നിക്ഷേപത്തിൻ്റെ പലിശ വരുമാനം 50,000 രൂപ കവിഞ്ഞാൽ അതിന് ടിഡിഎസ് ബാധകമാണ്.
• നിങ്ങളുടെ സാമ്പത്തിക ആവശ്യത്തിന് അനുസരിച്ചുള്ള കാലാവധി മാത്രം തിരഞ്ഞെടുക്കുക.

ഈ കാരണങ്ങളാൽ ജോലിയിൽ നിന്നും വിരമിക്കുന്നവർക്ക് എൽഐസി എഫ്ഡി ഒരു മികച്ച തിരഞ്ഞെടുപ്പായിരിക്കും.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.