നിങ്ങളുടെ എസ്ബിഐ എടിഎം കാര്‍ഡ് നഷ്ടപ്പെട്ടോ? എങ്ങനെ കാര്‍ഡ് ബ്ലോക്ക് ചെയ്യാമെന്നറിയേണ്ടേ?

നിങ്ങളുടെ സ്‌റ്റേറ്റ് ബാങ്ക് ഓഫ് ഇന്ത്യ (എസ്ബിഐ) ഡെബിറ്റ് കാര്‍ഡ് കാണാതായോ? പരിഭ്രമിക്കേണ്ട. നിങ്ങള്‍ക്ക് വളരെ എളുപ്പത്തില്‍ ഓണ്‍ലൈന്‍ എസ്ബിഐയിലൂടെ നിങ്ങളുടെ എടിഎം ഡെബിറ്റ് കാര്‍ഡ് ബ്ലോക്ക് ചെയ്യുവാന്‍ സാധിക്കും. അതുവഴി നിങ്ങളുടെ പണം നഷ്ടപ്പെടുമെന്ന ഭയവും ഇല്ലാതാക്കാം.

എസ്ബിഐ തന്നെയാണ് നിങ്ങളുടെ കാര്‍ഡുകള്‍ നഷ്ടപ്പെടുന്ന പക്ഷം അത് ഓണ്‍ലൈന്‍ എസ്ബിഐ വഴി ബ്ലോക്ക് ചെയ്യാമെന്ന് അറിയിച്ചിരിക്കുന്നത്. എളുപ്പം ചില പ്രക്രിയകളിലൂടെ വേഗത്തില്‍ നിങ്ങള്‍ക്ക് ഈ ബ്ലോക്കിംഗ് ചെയ്യാവുന്നതാണ്. എങ്ങനെയാണെന്ന് നമുക്ക് നോക്കാം.

സ്‌റ്റെപ്പ് 1

നിങ്ങളുടെ യൂസര്‍ നെയിമും പാസ്‌വേഡും ഉപയോഗിച്ച് www.onlinesbi.com ല്‍ ലോഗ് ഇന്‍ ചെയ്യുക.

സ്‌റ്റെപ്പ് 2

ഇ സെര്‍വീസ്‌സ് ടാബിന് കീഴിലെ എടിഎം കാര്‍ഡ് സേവനങ്ങള്‍ > ബ്ലോക്ക് എടിഎം കാര്‍ഡ് എന്ന ലിങ്ക് തെരഞ്ഞെടുക്കുക

സ്‌റ്റെപ്പ് 3

ഏത് അക്കൗണ്ടിലെ എടിഎം കം ഡെബിറ്റ് കാര്‍ഡ് ആണ് ബ്ലോക്ക് ചെയ്യേണ്ടത് ആ അക്കൗണ്ട് തെരഞ്ഞെടുക്കുക.

സ്‌റ്റെപ്പ് 4

എല്ലാ ആക്ടീവ്, ബ്ലോക്ക്ഡ് കാര്‍ഡുകളും അപ്പോള്‍ നിങ്ങള്‍ക്ക് മുന്നില്‍ ദൃശ്യമാകും. കാര്‍ഡുകളിലെ ആദ്യ 4 അക്കങ്ങളും അവസാന 4 അക്കങ്ങളും മാത്രമേ നിങ്ങള്‍ക്ക് കാണുവാന്‍ സാധിക്കുകയുള്ളൂ.

സ്‌റ്റെപ്പ് 5

കാര്‍ഡ് തെരഞ്ഞെടുക്ക് സബ്മിറ്റ് ക്ലിക്ക് ചെയ്യുക. വിവരങ്ങള്‍ ഒന്നുകൂടി ഉറപ്പുവരുത്തിയതിന് ശേഷം കണ്‍ഫേം ക്ലിക്ക് ചെയ്യുക.

സ്റ്റെപ്പ് 6

ഓതന്റിക്കേഷനായുള്ള രീതി തെരഞ്ഞെടുക്കുക. എസ്എംഎസ് ഒടിപി വഴിയോ, പ്രൊഫൈല്‍ പാസ്‌വേഡ് വഴിയോ ആകാമിത്.

സ്‌റ്റെപ്പ് 7

ഒടിപി പാസ്‌വേഡ് അല്ലെങ്കില്‍ പ്രൊഫൈല്‍ പാസ്‌വേഡ് നല്‍കുക. അടുത്ത സ്‌കീനിലെ കണ്‍ഫേ ക്ലിക്ക് ചെയ്യുക

സ്റ്റെപ്പ് 8

നിങ്ങളുടെ കാര്‍ഡ് വിജയകരമായി ബ്ലോക്ക് ചെയ്തിരിക്കുന്നു എ്ന്നറിയിച്ചുകൊണ്ടുള്ള സക്‌സസ് മെസ്സേജും ഒപ്പം ഒരു ടിക്കറ്റ് നമ്പറും നിങ്ങള്‍ക്ക് ലഭിക്കും. ഭാവിയില്‍ ഇത് സംബന്ധിച്ച തുടര്‍ പരിശോധനകള്‍ക്കായി ഈ ടിക്കറ്റ് നമ്പര്‍ ഉപയോഗിക്കാവുന്നതാണ്.