3 വർഷം കൊണ്ട് ലക്ഷങ്ങൾ സമ്പാദിക്കാം; ഈ ബാങ്ക് എഫ്.ഡിക്ക് ഉയർന്ന റിട്ടേൺ വാ​ഗ്ദാനം ചെയ്യുന്നു

സുരക്ഷിത നിക്ഷേപങ്ങൾക്ക് ഏറ്റവും ഉചിതമായ തീരുമാനമാണ് എഫ്.ഡി അഥവാ സ്ഥിര നിക്ഷേപങ്ങൾ. എഫ്.ഡികളിൽ റിസ്ക് ഇല്ലാതെ സുരക്ഷിതമായി നിക്ഷേപിക്കാം. ദീർഘകാലത്തെ മാത്രമല്ല ഹ്രസ്വ കാലത്തേക്കും എഫ്.ഡി നിക്ഷേപങ്ങൾ നടത്താം. സാധാരണയായി 7 ദിവസം മുതലാണ് എഫ്.ഡി നിക്ഷേപങ്ങളുടെ കാലാവധി തുടങ്ങുന്നത്. അത് 10 വർഷം വരെ നീണ്ടു പോകും. പത്ത് വർഷത്തിനു ശേഷം ആവശ്യമെങ്കിൽ 5 വർഷത്തേക്ക് കൂടി എഫ്.ഡി നീട്ടാനുള്ള ഓപ്ഷനുമുണ്ട്.

കാലാവധി മാറുന്നതിനനുസരിച്ച് പലിശ നിരക്കിൽ വ്യത്യാസം വരും. മാത്രമല്ല ഓരോ ബാങ്കും ഓരോ നിരക്കിലാണ് പലിശ നിശ്ചയിക്കുന്നത്. അതിനാൽ നിങ്ങൾക്ക് മികച്ച ലാഭം കിട്ടുന്ന ബാങ്കിൽ തന്നെ നിങ്ങളുടെ എഫ്.ഡി നിക്ഷേപിക്കുക. രാജ്യത്തെ പൊതുമേഖല- സ്വകാര്യ ബാങ്കുകളിലും ബാങ്ക് ഇതര ഫിനാൻഷ്യൽ സ്ഥാപനങ്ങളിലും എഫ്.ഡി നിക്ഷേപങ്ങൾ വാ​ഗ്ദാനം ചെയ്യുന്നുണ്ട്.

സ്റ്റേറ്റ് ബാങ്ക് ഓഫ് ഇന്ത്യ (എസ്.ബി.ഐ), എച്ച്‌.ഡി.എഫ്‌.സി, ഐ.സി.ഐ.സി.ഐ എന്നീ ബാങ്കുകളിലും എഫ്.ഡി നിക്ഷേപങ്ങൾ ആകർഷകമായ പലിശ നിരക്ക് ഉറപ്പ് നൽകുന്നുണ്ട്. ഈ ബാങ്കുകളിൽ സാധാരണക്കാർക്കും മുതിർന്ന പൗരന്മാർക്കുമായി 3,00,000 ലക്ഷം രൂപയുടെ മൂന്ന് വർഷ കാലാവധിയിലേക്കുള്ള എഫ്.ഡിക്ക് എത്ര രൂപ റിട്ടേൺ ലഭിക്കുമെന്ന് പരിശോധിക്കാം;

1. സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) എഫ്.ഡി പലിശ നിരക്ക്

എസ്.ബി.ഐ നൽകുന്ന 3 വർഷത്തെ എഫ്.ഡികൾക്ക് 6.75% പലിശ നിരക്കാണ് സാധാരണ പൗരൻമാർക്ക് വാ​ഗ്ദാനം ചെയ്യുന്നത്. എന്നാൽ ഇതേ കാലയളവിലേക്ക് മുതിർന്ന പൗരൻമാർക്ക് 7.25% പലിശ നിരക്ക് ഉറപ്പാക്കാം.

• സാധാരണ പൗരൻമാർക്കുള്ള റിട്ടേൺ

3 വർഷത്തേക്ക് നിങ്ങൾ 3 ലക്ഷം രൂപ എഫ്.ഡിയിൽ നിക്ഷേപിച്ചാൽ കാലാവധി പൂർത്തിയാവുമ്പോൾ മൊത്തം തുക 3,66,718 ലക്ഷം രൂപയായി നേടാം. പലിശ മാത്രം 66,718 രൂപ ഉറപ്പാണ്.

 

• മുതിർന്ന പൗരൻമാർക്കുള്ള റിട്ടേൺ

3 വർഷത്തേക്ക് നിങ്ങൾ 3 ലക്ഷം രൂപ എഫ്.ഡിയിൽ നിക്ഷേപിച്ചാൽ കാലാവധി പൂർത്തിയാവുമ്പോൾ മൊത്തം തുക 3,72,164 രൂപ നേടാം. പലിശ മാത്രം 72,164 രൂപ ഉറപ്പാണ്.

2. എച്ച്.ഡി.എഫ്.സി ബാങ്ക് - എഫ്.ഡി പലിശ നിരക്ക്

3 വർഷത്തേക്ക് എച്ച്.ഡി.എഫ്.സി ബാങ്ക് നൽകുന്ന എഫ്.ഡികൾക്ക് സാധാരണ പൗരൻമാർക്ക് 7.0% പലിശ നിരക്കാണ് വാ​ഗ്ദാനം ചെയ്യുന്നത്. ഇതേ കാലയളവിലുള്ള മുതിർന്ന പൗരൻമാർക്ക് 7.50% പലിശയാണ് ഉറപ്പാക്കുന്നത്.

• സാധാരണ പൗരൻമാർക്കുള്ള റിട്ടേൺ

നിങ്ങൾ 3 ലക്ഷം രൂപയുടെ എഫ്.ഡി 3 വർഷത്തേക്ക് നിക്ഷേപിച്ചാൽ 7 ശതമാനം പലിശ കണക്കുമ്പോൾ നിക്ഷേപത്തിനൊപ്പം 69,432 രൂപ വരുമാനം ഉറപ്പാക്കാം. നിക്ഷേപത്തിന്റെ കാലാവധി പൂർത്തിയാവുമ്പോൾ മൊത്തം തുക 3,69,432 ലക്ഷം രൂപ ലഭിക്കും.

• മുതിർന്ന പൗരൻമാർക്കുള്ള റിട്ടേൺ

3 വർഷത്തേക്ക് നിങ്ങൾ 3 ലക്ഷം രൂപ എഫ്.ഡിയിൽ നിക്ഷേപിച്ചാൽ കാലാവധി പൂർത്തിയാവുമ്പോൾ മൊത്തം തുക 3,74,915 രൂപ നേടാം. പലിശ മാത്രം 74,915 രൂപ ഉറപ്പിക്കാം.

3. ഐ.സി.ഐ.സി.ഐ ബാങ്ക്- എഫ്.ഡി പലിശ നിരക്ക്

3 വർഷത്തെ കാലാവധിയുള്ള എഫ്.ഡിക്ക് 3 ലക്ഷം രൂപ നിക്ഷേപിച്ചാൽ സാധാരണ പൗരൻമാർക്ക് 7.0% പലിശ നിരക്കാണ് വാ​ഗ്ദാനം ചെയ്യുന്നത്. ഇതേ കാലയളവിലുള്ള മുതിർന്ന പൗരൻമാർക്ക് 7.50% പലിശയാണ് ഉറപ്പാക്കുന്നത്.

• സാധാരണ പൗരൻമാർക്കുള്ള റിട്ടേൺ

3 വർഷത്തേക്ക് 3 ലക്ഷം നിക്ഷേപിച്ചാൽ പലിശ മാത്രം 69,432 രൂപ ഉറപ്പാണ്. ഇതു പ്രകാരം നിക്ഷേപത്തിന്റെ കാലാവധി പൂർത്തിയാവുമ്പോൾ 3,69,432 ലക്ഷം രൂപ മൊത്തം തുകയായി ലഭിക്കുന്നു.

• മുതിർന്ന പൗരൻമാർക്കുള്ള റിട്ടേൺ

3 വർഷത്തേക്ക് 3 ലക്ഷം രൂപ നിക്ഷേപിച്ചാൽ കാലാവധി പൂർത്തിയാവുമ്പോൾ 3,74,915 ലക്ഷം രൂപ മൊത്തം തുകയായി നേടാം. പലിശ മാത്രം 74,915 രൂപയുണ്ട്.