സ്ഥിര നിക്ഷേപങ്ങൾക്ക് 9% വരെ വമ്പൻ പലിശ നിരക്ക് ലഭിക്കുന്ന ബാങ്കുകൾ ഇതാ; എവിടെ നിക്ഷേപിക്കാം?

നിങ്ങളുടെ നിക്ഷേപങ്ങൾ എവിടെയാണ്? ഏത് ബാങ്കിലാണ് മികച്ച പലിശ നിരക്കുള്ള സ്ഥിര നിക്ഷേപങ്ങൾ? അപകടരഹിതമായി നിക്ഷേപിക്കാവുന്ന സുരക്ഷിതമായ മാർ​ഗമാണ് സ്ഥിര നിക്ഷേപങ്ങൾ അഥവാ എഫ്.ഡികൾ. മാത്രമല്ല സ്ഥിരമായ പലിശ നിരക്ക് നിങ്ങൾക്ക് ഉറപ്പാക്കാൻ സാധിക്കും. രാജ്യത്തെ എല്ലാ ബാങ്കുകളും എൻ.ബി.എഫ്.സികളും മറ്റു സ്വകാര്യ സ്ഥാപനങ്ങളും എഫ്.ഡി വാ​ഗ്ദാനം ചെയ്യുന്നുണ്ട്.

ഇന്ത്യയിലെ സ്ഥിര നിക്ഷേപങ്ങളിൽ നിലവിൽ ഏറ്റവും ഉയർന്ന പലിശ നിരക്ക് നൽകുന്നത് ചെറുകിട ധനകാര്യ ബാങ്കുകളാണ്. ഇതിനു താഴേയായിട്ടാണ് പൊതുമേഖലാ ബാങ്കുകളും സ്വകാര്യ ബാങ്കുകളും. ചെറുകിട ധനകാര്യ ബാങ്കുകൾ നൽകുന്ന പലിശ നിരക്കിനെ കുറിച്ച് പലർക്കും അറിയില്ല. ഇവിടെ ഏറ്റവും ഉയർന്ന എഫ്.ഡി പലിശ നിരക്ക് നൽകുന്നത് നോർത്ത് ഈസ്റ്റ് സ്മോൾ ഫിനാൻസ് ബാങ്കാണ്. 9% പലിശ നൽകുന്നുണ്ട്.

നോർത്ത് ഈസ്റ്റ് സ്മോൾ ഫിനാൻസ് ബാങ്ക് 546 ദിവസം മുതൽ 1111 ദിവസം വരെയുള്ള കാലയളവിലേക്കുള്ള എഫ്.ഡിക്കാണ് പ്രതിവർഷം 9.00% നിരക്കിലാണ് പലിശ നൽകുന്നത്. ഇതേ പലിശ നിരക്കിൽ 1001 ദിവസത്തേക്കുള്ള എഫ്.ഡി യൂണിറ്റി സ്മോൾ ഫിനാൻസ് ബാങ്കും നൽകുന്നുണ്ട്.

മറ്റു വലിയ ബാങ്കുകളുമായി താരതമ്യം ചെയ്യുമ്പോൾ ചെറുകിട ധനകാര്യ ബാങ്കുകൾക്ക് ഉയർന്ന നിരക്കുകൾ ലഭിക്കുന്നു. നിലവിൽ ഇത്തരം ബാങ്കുകൾ വാ​ഗ്ദാനം ചെയ്യുന്ന എഫ്.ഡി നിരക്കുകൾ പരിശോധിക്കാം...

ചെറുകിട ധനകാര്യ ബാങ്കുകൾ

• നോർത്ത് ഈസ്റ്റ് സ്മോൾ ഫിനാൻസ് ബാങ്ക്: 546 ദിവസം മുതൽ 1111 ദിവസം വരെ - 9.00%
• യൂണിറ്റി സ്മോൾ ഫിനാൻസ് ബാങ്ക്: 1001 ദിവസത്തേക്ക് - 9.00%
• സൂര്യോദയ് സ്മോൾ ഫിനാൻസ് ബാങ്ക്: 2 വർഷം മുതൽ 3 വർഷം വരെ - 8.60%
• ജന സ്മോൾ ഫിനാൻസ് ബാങ്ക്: 1 വർഷം മുതൽ 3 വർഷം വരെ - 8.25%
• ഉത്കർഷ് സ്മോൾ ഫിനാൻസ് ബാങ്ക്: 2 വർഷം മുതൽ 3 വർഷം വരെ (1500 ദിവസം) - 8.50%
• ഇക്വിറ്റാസ് സ്മോൾ ഫിനാൻസ് ബാങ്ക്: 888 ദിവസത്തേക്ക് - 8.25%
• ഉജ്ജീവൻ സ്മോൾ ഫിനാൻസ് ബാങ്ക്: 12 മാസത്തേക്ക് - 8.25%

സ്വകാര്യമേഖലാ ബാങ്കുകൾ

ചെറുകിട ബാങ്കുകളെ അപേക്ഷിച്ച് പുറകിലാണെങ്കിലും മികച്ച നിരക്കുകൾ നൽകുന്നുണ്ട്. രാജ്യത്തെ വിവിധ സ്വകാര്യ ബാങ്കുകൾ നൽകുന്ന എഫ്.ഡി നിരക്കുകൾ പരിശോധിക്കാം.

• ബന്ധൻ ബാങ്ക്: 1 വർഷത്തെ കാലാവധിക്ക് - 8.05%
• ഐ.ഡി.എഫ്.സി ഫസ്റ്റ് ബാങ്ക്: 400 മുതൽ 500 ദിവസത്തേക്ക് - 7.90%
• ആർ.ബി.എൽ ബാങ്ക്: 500 ദിവസത്തേക്ക് - 8.00%
• ഡി.സി.ബി ബാങ്ക്: 19 മാസം മുതൽ 20 മാസം വരെ - 8.05%
• ഇൻഡസ്ഇൻഡ് ബാങ്ക്: 1 വർഷം- 5 മാസം മുതൽ, 1 വർഷം- 6 മാസം വരെ - 7.99%
• എച്ച്.ഡി.എഫ്.സി ബാങ്ക്: 4 വർഷം 7 മാസം (55 മാസം) - 7.40%
• ഐ.സി.ഐ.സി.ഐ ബാങ്ക്: 15 മാസം മുതൽ 2 വർഷം വരെ- 7.25%

3 വർഷം കൊണ്ട് 17 ലക്ഷം കിട്ടും; പലിശ മാത്രം ലക്ഷങ്ങൾ നേടാവുന്ന ഈ എഫ്.ഡിയിൽ നിക്ഷേപിക്കാം

പൊതുമേഖലാ ബാങ്കുകൾ

മറ്റു ബാങ്കുകളെ അപേക്ഷിച്ച് പൊതുമേഖലാ ബാങ്കുകൾ കുറഞ്ഞ പലിശനിരക്ക് വാഗ്ദാനം ചെയ്യുന്നുവെങ്കിലും നിക്ഷേപകർക്ക് അപകട രഹിതമായതും സുരക്ഷിതത്വവുമുള്ള പലിശ നൽകുന്നു.

• ബാങ്ക് ഓഫ് മഹാരാഷ്ട്ര: 366 ദിവസത്തേക്ക് - 7.45%
• സെൻട്രൽ ബാങ്ക് ഓഫ് ഇന്ത്യ: 1111 അല്ലെങ്കിൽ 3333 ദിവസത്തേക്ക് - 7.50%
• ബാങ്ക് ഓഫ് ബറോഡ: 400 ദിവസത്തേക്ക് 7.30% - (ബോബ് ഉത്സവ്)
• ബാങ്ക് ഓഫ് ഇന്ത്യ: 400 ദിവസത്തേക്ക് - 7.30%
• കാനറ ബാങ്ക്: 3 വർഷം മുതൽ 5 വർഷത്തിൽ താഴെ വരെ - 7.40%
• ഇന്ത്യൻ ബാങ്ക്: 400 ദിവസത്തേക്ക് 7.30% - IND SUPER
• യൂണിയൻ ബാങ്ക് ഓഫ് ഇന്ത്യ: 456 ദിവസത്തേക്ക് - 7.30%

വിദേശ ബാങ്കുകൾ

ഡച്ച് ബാങ്ക്: 1 വർഷം മുതൽ 3 വർഷം വരെ - 8.00%
എച്ച്.എസ്.ബി.സി ബാങ്ക്: 601 മുതൽ 699 ദിവസത്തേക്ക് - 7.50%
സ്റ്റാൻഡേർഡ് ചാർട്ടേഡ് ബാങ്ക്: 1 വർഷം മുതൽ 375 ദിവസം വരെ - 7.50%

ഫിക്സഡ് ഡിപ്പോസിറ്റ് (എഫ്.ഡി) നിരക്കുകൾ ഇന്ത്യയിൽ പലപ്പോഴായി വർദ്ധിച്ചുകൊണ്ടിരിക്കുകയാണ്. ഓരോ ബാങ്കുകളും വ്യത്യസ്ത പലിശ നിരക്കുകളാണ് നൽകുന്നത്. 

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.