3 വർഷം കൊണ്ട് 17 ലക്ഷം കിട്ടും; പലിശ മാത്രം ലക്ഷങ്ങൾ നേടാവുന്ന ഈ എഫ്.ഡിയിൽ നിക്ഷേപിക്കാം

സാധാരണയായി ഏതൊരു നിക്ഷേപകനും സ്ഥിര നിക്ഷേപങ്ങളോട് പ്രത്യേക താത്പര്യമുണ്ട്. അപകടരഹിതവും ആകർഷകമായ പലിശയും ലഭിക്കുന്നതിനാലാണ് സ്ഥിര നിക്ഷേപങ്ങൾ ജനകീയമാവുന്നത്. ഇവിടെ ഒറ്റത്തവണ ഒരു തുക നിക്ഷേപിച്ചാൽ നിശ്ചിത കാലത്തേക്ക് ആ തുക വളരുകയും അതിൽ നിന്നും പലിശയിനത്തിൽ പണം ലഭിക്കുകയും ചെയ്യുന്നു. രാജ്യത്തെ എല്ലാ ബാങ്കുകളും സ്ഥിര നിക്ഷേപങ്ങൾ അഥവാ എഫ്.ഡി നൽകുന്നു.

ഓരോ സ്ഥിര നിക്ഷേപങ്ങൾക്കും വ്യത്യസ്ത പലിശ നിരക്കുകളാണ്. സാധാരണ എഫ്.ഡികൾ പോലെ പ്രത്യേക എഫ്.ഡികളും വിവിധ ബാങ്കുകൾ വാ​ഗ്ദാനം ചെയ്യുന്നുണ്ട്. എന്നാൽ ഈ പ്രത്യേക എഫ്.ഡികൾ പരിമിത കാലത്തേക്ക് മാത്രമായിരിക്കും. സാധാരണ എഫ്.ഡിയും പ്രത്യേക എഫ്.ഡിയും തമ്മിലുള്ള വ്യത്യാസമെന്താണ്? അത് വിശദമായി പരിശോധിക്കാൻ എസ്.ബി.ഐയും, സെൻട്രൽ ബാങ്ക് ഓഫ് ഇന്ത്യയും നൽകുന്ന എഫ്.ഡികളെ കുറിച്ച് നോക്കാം.

സ്റ്റേറ്റ് ബാങ്ക് ഓഫ് ഇന്ത്യയുടെ 3 വർഷത്തെ എഫ്.ഡിയും സെൻട്രൽ ബാങ്ക് ഓഫ് ഇന്ത്യയുടെ 1111-ദിവസത്തെ (സെൻ്റ് ഗ്രീൻ ഡെപ്പോസിറ്റ്) എഫ്.ഡിയും പരിശോധിക്കാം. സെൻട്രൽ ബാങ്ക് ഓഫ് ഇന്ത്യയുടെ സെന്റ് ​ഗ്രീൻ ഡെപ്പോസിറ്റ് ഒരു പ്രത്യേക എഫ്.ഡിയാണ്. ഈ രണ്ട് എഫ്.ഡികൾക്കും ഏകദേശം സമാനമായ ദൈർഘ്യമാണ്. 4 ലക്ഷം, 9 ലക്ഷം, 14 ലക്ഷം എന്നിങ്ങനെ നിക്ഷേപിച്ചാൽ രണ്ട് എഫ്.ഡികളിലും നേട്ടം എത്ര രൂപ ലഭിക്കുമെന്ന് പരിശോധിക്കാം.

എസ്.ബി.ഐ 3 വർഷ എഫ്.ഡി പലിശ നിരക്ക്

സാധാരണ പൗരന്മാർക്ക് 6.75 ശതമാനം പലിശ ലഭിക്കും. എന്നാൽ മുതിർന്ന പൗരന്മാർക്ക് 7.25 ശതമാനം പലിശ വാ​ഗ്ദാനം ചെയ്യുന്നു.

സെൻട്രൽ ബാങ്ക് ഓഫ് ഇന്ത്യയുടെ 1111 ദിവസത്തെ എഫ്.ഡി പലിശ നിരക്ക്

സെൻട്രൽ ബാങ്ക് ഓഫ് ഇന്ത്യയുടെ സെൻറ് ഗ്രീൻ ഡെപ്പോസിറ്റ് എഫ്.‍‍ഡിയിൽ സാധാരണ പൗരന്മാർക്ക് 7.50 ശതമാനം പലിശ വാഗ്ദാനം ചെയ്യുന്നു. മുതിർന്ന പൗരന്മാർക്ക് 8 ശതമാനം പലിശ ലഭിക്കും.

എസ്ബിഐ

• എസ്ബിഐ 3 വർഷത്തെ എഫ്.ഡി- 4 ലക്ഷം നിക്ഷേപിച്ചാൽ....

സാധാരണ പൗരൻമാർക്ക് കാലാവധി പൂർത്തിയാവുമ്പോൾ ലഭിക്കുന്ന പലിശ 88,957 രൂപയാണ്. അതായത് മൊത്തം ലഭിക്കുന്ന തുക 4,88,957 രൂപയാണ്. ഇതേ തുക നിക്ഷേപിച്ചാൽ മുതിർന്ന പൗരൻമാർക്ക് പലിശയിനത്തിൽ 96,219 രൂപ ലഭിക്കും. കാലാവധി പൂർത്തിയാവുമ്പോൾ ലഭിക്കുന്ന മൊത്തം തുക 4,96,219 രൂപയായിരിക്കും.

• എസ്ബിഐ 3 വർഷത്തെ എഫ്.ഡി- 9 ലക്ഷം നിക്ഷേപിച്ചാൽ....

ഇവിടെ സാധാരണക്കാർ 9 ലക്ഷം നിക്ഷേപിച്ചാൽ പലിശ മാത്രം 2,00,154 രൂപ ലഭിക്കും. കാലാവധി പൂർത്തിയാവുമ്പോൾ നിങ്ങൾക്ക് ലഭിക്കുന്നത് 11,00,154 രൂപയാണ്. ഇതേ തുക മുതിർന്ന പൗരൻമാർക്ക് പലിശ മാത്രം 2,16,492 രൂപയാണ്. മൊത്തം മെച്യൂരിറ്റി തുകയായി ലഭിക്കുന്നത് 11,16,492 രൂപയാണ്.

• എസ്ബിഐ 3 വർഷത്തെ എഫ്.ഡി- 14 ലക്ഷം നിക്ഷേപിച്ചാൽ....

സാധാരണ പൗരന്മാർക്ക് ഇവിടെ പലിശ മാത്രം 3,11,350 രൂപയാണ്, കാലാവധി പൂർത്തിയാവുമ്പോൾ ലഭിക്കുന്ന മൊത്തം തുകയായി 17,11,350 രൂപ ലഭിക്കും. മുതിർന്ന പൗരൻമാർ 3 വർഷത്തേക്ക് 14 ലക്ഷം നിക്ഷേപിച്ചാൽ പലിശയിനത്തിൽ 3,36,766 രൂപയും മൊത്തം നിക്ഷേപത്തിന്റെ നേട്ടമായി 17,36,766 രൂപയാണ് ലഭിക്കുന്നത്

 

സെൻട്രൽ ബാങ്ക് ഓഫ് ഇന്ത്യ

• സെൻട്രൽ ബാങ്ക് ഓഫ് ഇന്ത്യ എഫ്.ഡിയിൽ 4 ലക്ഷം നിക്ഷേപിച്ചാൽ

ഈ പ്രത്യേക എഫ്.ഡിയിൽ 4 ലക്ഷം നിക്ഷേപിച്ചാൽ സാധാരണ പൗരൻമാർക്ക് പലിശ മാത്രം 101,517 രൂപ ലഭിക്കും. അതായത് കാലാവധി പൂർത്തിയാവുമ്പോൾ ലഭിക്കുന്ന മൊത്തം തുക 501,517 രൂപയാവും. ഇതേ തുക മുതിർന്ന പൗരൻമാർ നിക്ഷേപിച്ചാൽ പലിശ മാത്രം 1,09,061 രൂപയായിരിക്കും. അതായത് മെച്വൂരിറ്റി തുകയായി 5,09,061 രൂപ ലഭിക്കും.

• സെൻട്രൽ ബാങ്ക് ഓഫ് ഇന്ത്യ എഫ്.ഡിയിൽ 9 ലക്ഷം നിക്ഷേപിച്ചാൽ

ഇവിടെ സാധാരണ പൗരൻമാർക്ക് ലഭിക്കുന്ന പലിശ 2,28,414 രൂപയാണ്. മൊത്തം തുകയായി ലഭിക്കുന്നത് 11,28,414 രൂപയാണ്. ഇതേ നിക്ഷേപത്തിന് മുതിർന്ന പൗരൻമാർക്ക് ലഭിക്കുന്ന മൊത്തം തുക 11,45,387 രൂപയാണ്. അതായത് പലിശ മാത്രം 2,45,387 രൂപ ലഭിക്കും.

• സെൻട്രൽ ബാങ്ക് ഓഫ് ഇന്ത്യ എഫ്.ഡിയിൽ 14 ലക്ഷം നിക്ഷേപിച്ചാൽ

ഈ എഫ്.ഡിയിൽ 111 ദിവസത്തേക്ക് 14 ലക്ഷം നിക്ഷേപിച്ചാൽ സാധാരണക്കാർക്ക് കാലാവധി പൂർത്തിയാവുമ്പോൾ ലഭിക്കുന്ന മൊത്തം തുക 17,55,311 രൂപയായിരിക്കും. ഇതിൽ പലിശ മാത്രം 3,55,311 രൂപ ഉൾപ്പെടുന്നു. ഇതേ തുക മുതിർന്ന പൗരൻമാർ നിക്ഷേപിച്ചാൽ ലഭിക്കുന്ന പലിശ 3,81,714 രൂപയാണ്. അതായത് നിങ്ങൾക്ക് ലഭിക്കുന്ന മൊത്തം തുക 17,81,714 രൂപയാണ്.

ഈ രണ്ട് ബാങ്കുകളെ എഫ്.ഡി നിക്ഷേപങ്ങളെ കുറിച്ച് പരിശോധിച്ചാൽ നേട്ടം കൂടുതൽ ലഭിക്കുന്നത് സെൻട്രൽ ബാങ്ക് ഓഫ് ഇന്ത്യയുടെ സെൻറ് ഗ്രീൻ ഡെപ്പോസിറ്റ് എഫ്.‍‍ഡിയിലൂടെയാണ്. അതിന്റെ കാരണം പലിശ നിരക്കിലെ വ്യത്യാസമാണ്. സെൻട്രൽ ബാങ്ക് ഓഫ് ഇന്ത്യ നൽകുന്ന പലിശ നിരക്ക് എസ്.ബി.ഐ എഫ്.ഡിയേക്കാൾ കൂടുതലാണ്. എങ്കിലും ദീർഘകാലത്തേക്ക് നിക്ഷേപിച്ചാൽ രണ്ട് എഫ്.ഡിയിൽ നിന്നും 17 ലക്ഷത്തിനു മുകളിൽ സമ്പാദിക്കാം.