25,000 രൂപയുടെ പ്രതിമാസ എസ്ഐപി; 10 വർഷം കൊണ്ട് 92 ലക്ഷം രൂപയാക്കിയ മ്യൂച്വൽ ഫണ്ടുകളിതാ

സാധാരണക്കാർക്ക് ലക്ഷാധിപതിയാകാനുള്ള ഏറ്റവും അനുയോജ്യമായ മാർ​ഗം പരിശോധിച്ചാൽ ഇന്ന് ലഭ്യമായ മാർ​ഗം മ്യൂച്വൽ ഫണ്ടാണ്. സിസ്റ്റമാറ്റിക്ക് ഇൻവെസ്റ്റ്മെന്റ് പ്ലാൻ വഴി നിക്ഷേപിക്കുന്നൊരാൾക്ക് മാസത്തിൽ സാധിക്കുന്ന തുക നിക്ഷേപിക്കാനും ഇതിന് മികച്ച റിട്ടേൺ നേടാനും സാധിക്കും. ഇക്വിറ്റി ഫണ്ടുകളിൽ നിക്ഷേപിക്കുമ്പോൾ വിപണിയുടെ മുന്നേറ്റത്തിന് അനുസരിച്ചുള്ള റിട്ടേൺ നിക്ഷേപകർക്ക് ലഭിക്കും. ദീർഘകാലത്തേക്ക് നിക്ഷേപിക്കുമ്പോൾ വിപണിയിലെ ചാഞ്ചാട്ടത്തിന്റെ റിസ്ക് കുറയ്ക്കാനും സാധിക്കും.

കഴിഞ്ഞ 10 വർഷത്തിനിടെ ഫ്ലെക്സി കാപ് ഫണ്ടുകളുടെ പ്രകടനം പരിശോധിച്ചാൽ ഡയറക്ട് പ്ലാനുകൾ മികച്ച റിട്ടേൺ നടത്തിയിട്ടുണ്ട്. 17 ശതമാനമാണ് 10 വർഷത്തിനിടെയുള്ള വാർഷിക റിട്ടേൺ. എട്ട് ഫ്ലെക്സി കാപ് ഫണ്ടുകളുടെ ഡയറക്ട് പ്ലാൻ ഈ നേട്ടം നൽകിയവയാണ്. 25,000 രൂപ പ്രതിമാസ എസ്ഐപി 10 വർഷത്തേക്ക് നിക്ഷേപിച്ചാൽ 79 ലക്ഷം രൂപ മുതൽ 92 ലക്ഷം രൂപ വരെയാണ് റിട്ടേൺ. ഫണ്ടുകൾ വിശദമായി നോക്കാം.

ക്വാൻഡ് ഫ്ലെക്സി കാപ് ഫണ്ട്

ക്വാൻഡ് ഫ്ലെക്സി കാപ് ഫണ്ടിന്റെ ഡയറക്ട് പ്ലാൻ 22.60 ശതമാനമാണ് കഴിഞ്ഞ 10 വർ‍ഷത്തിനിടെയുള്ള റിട്ടേൺ. 10 വർഷത്തേക്ക് 25,000 രൂപ പ്രതിമാസ എസ്ഐപി വഴി നിക്ഷേപിച്ചവർക്ക് 92,87,993 രൂപയാണ് ലഭിച്ചത്. റെ​ഗുലർ പ്ലാൻ 10 വർഷത്തിനുള്ളിൽ 21.69 ശതമാനം റിട്ടേൺ നൽകി. റെ​ഗുലർ പ്ലാനിൽ 10 വർഷം നടത്തിയ 25,000 രൂപയുടെ എസ്ഐപി 87,97,502 രൂപയായി വളർന്നു. ഇക്കാലായളവിൽ 15.02 ശതമാനമാണ് നിഫ്റ്റി 500 സൂചിക നൽകിയ റിട്ടേൺ.

പരാഗ് പരീഖ് ഫ്ലെക്സി ക്യാപ് ഫണ്ട്

പരാഗ് പരീഖ് ഫ്ലെക്സി കാപ് ഫണ്ടിന്റെ ഡയറക്ട് പ്ലാൻ 10 വർഷത്തിനിടെ 19.46 ശതമാനം റിട്ടേൺ നൽകി. 25,000 രൂപയുടെ എസ്ഐപി 81,03,521 രൂപയായി. റെ​ഗുലർ പ്ലാനിൽ 10 വർഷത്തെ റിട്ടേൺ 18.61 ശതമാനമാണ്. 25,000 രൂപയുടെ പ്രതിമാസ എസ്ഐപി 77,09,336 രൂപയായി വളർന്നു.

ജെഎം ഫ്ലെക്സി കാപ് ഫണ്ട്

ജെഎം ഫ്ലെക്സി കാപ് ഫണ്ടിന്റെ ഡയറക്ട് പ്ലാൻ 10 വർഷത്തേക്ക് നൽകിയ എസ്ഐപി റിട്ടേൺ 18.36 ശതമാനമാണ്. 25,000 രൂപ എസ്ഐപി വഴി മാസത്തിൽ നിക്ഷേിച്ചൊരാൾക്ക് 73,73,308 രൂപ നേടാനായി. റെ​ഗുലർ പ്ലാനിലെ 10 വർഷത്തെ റിട്ടേൺ 17.19 ശതമാനമാണ്. 25,000 രൂപയുടെ എസ്ഐപി 69,52,145 രൂപയായി വളർന്നു.

ആദിത്യ ബിർള സൺ ലൈഫ് ഫ്ലെക്സി കാപ് ഫണ്ട്

ആദിത്യ ബിർള സൺ ലൈഫ് ഫ്ലെക്സി കാപ് ഫണ്ടിന്റെ ഡയറക്ട് പ്ലാൻ 18.01 ശതമാനവും റെ​ഗുലർ പ്ലാൻ 16.92 ശതമാനവുമായി കഴിഞ്ഞ 10 വർഷത്തിനിടെയുള്ള റിട്ടേൺ. 25,000 രൂപയുടെ പ്രതിമാസ എസ്ഐപി ഡയറക്ട പ്ലാനിൽ 64,58,113 രൂപയായും റെ​ഗുലർ പ്ലാനിൽ 60,98,276 രൂപയായും വളർന്നു.

എച്ച്ഡിഎഫ്സി ഫ്ലെക്സി കാപ് ഫണ്ട്

എച്ച്‌ഡിഎഫ്‌സി ഫ്ലെക്‌സി കാപ് ഫണ്ടിന്റെ ഡയറക്ട് പ്ലാൻ 10 വർഷത്തിനിടെ 17.33 ശതമാനം റിട്ടേൺ നൽകി. 25,000 രൂപയുടെ എസ്ഐപി 70,23,946 രൂപയായി വളർന്നു. റെ​ഗുലർ പ്ലാനിൽ 10 വർഷത്തിനിടെയുള്ള റിട്ടേൺ 16.48 ശതമാനമാണ്. 25,000 രൂപയുടെ എസ്ഐപി 67,31,711 രൂപയായി വളർന്നു. 

കൊട്ടക് ഫ്ലെക്സി കാപ് ഫണ്ട്

കൊട്ടക് ഫ്ലെക്സി കാപ് ഫണ്ടിന്റെ ഡയറക്ട് പ്ലാൻ 17.64 ശതമാനം റിട്ടേണാണ് കഴിഞ്ഞ 10 വർഷത്തിനിടെ നൽകിയത്. റെ​ഗുലർ പ്ലാനിൽ 16.5 ശതമാനം റിട്ടേൺ നൽകി. ഡയറക്ട് പ്ലാനിലി 25,000 രൂപയുടെ പ്രതിമാസ എസ്ഐപി 65,34,758 രൂപയായി വളർന്നു. റെ​ഗുലർ പ്ലാനിൽ 10 വർഷത്തേക്ക് നടത്തിയ 25,000 രൂപയുടെ എസ്ഐപി 61,44,073 രൂപയായി വളർന്നു.

അറിയിപ്പ്

മുകളില്‍ കൊടുത്തിരിക്കുന്ന ലേഖനം വിവിധ സ്ഥാപനങ്ങള്‍ പുറത്തിറക്കിയ റിപ്പോര്‍ട്ടുകളെ അടിസ്ഥാനപ്പെടുത്തിയും പഠനാവശ്യത്തിന് മാത്രമായും നല്‍കുന്നതുമാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. മ്യൂച്വൽ ഫണ്ട് നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.