എസ്ഐപി കാൽക്കുലേറ്റർ; ഏറ്റവും വേ​ഗത്തിൽ 10 കോടി രൂപ നേടാൻ പ്രതിമാസം എത്ര രൂപയുടെ എസ്ഐപി ചെയ്യണം

വലിയ സാമ്പത്തിക ലക്ഷ്യങ്ങളുണ്ടാകുമ്പോൾ കുറഞ്ഞ നിക്ഷേപത്തിൽ ലക്ഷ്യത്തിലെത്താൻ ഏറ്റവും അനുയോജ്യമായ മാർ​ഗം മ്യൂച്വൽ ഫണ്ടുകളിൽ എസ്ഐപി വഴി നിക്ഷേപിക്കുക എന്നതാണ്. പ്രതിമാസ കാലയളവിൽ നിശ്ചിത തുക ചിട്ടയായി നിക്ഷേപിക്കുന്നത് വഴി ദീർഘകാല നിക്ഷേപത്തിലൂടെ കുറഞ്ഞ ചെലവിൽ സാമ്പത്തിക ലക്ഷ്യം നേടാൻ സാധിക്കും. എസ്ഐപി വഴി നിക്ഷേപിക്കുന്നവർക്ക് വാർഷിക വരുമാനം വർധിക്കുന്നതിന് അനുസരിച്ച് വർഷത്തിൽ തുക വർധിപ്പിക്കാൻ സാധിച്ചാൽ വേ​ഗത്തിൽ നിക്ഷേപം ലക്ഷ്യത്തിലെത്തിക്കാം. ഇതിന് എസ്ഐപി സെറ്റ്-അപ്പ് എന്നാണ് പറയുന്നത്.

സെറ്റ്-അപ്പ് സൗകര്യം വഴി മ്യൂച്വൽ ഫണ്ട് നിക്ഷേപകർക്ക് നിശ്ചിത ഇടവേളകൾക്ക് നിശ്ചിത തുക വർധിപ്പിക്കാൻ അനുവദിക്കും. ഓരോ വർഷവും നിക്ഷേപ തുക 10 ശതമാനം വർദ്ധിപ്പിക്കുന്നതിലൂടെ നിക്ഷേപകർക്ക് നിക്ഷേപ ലക്ഷ്യങ്ങളിൽ വേഗത്തിൽ എത്തിച്ചേരാനാകും. 10 കോടി രൂപ എന്ന ലക്ഷ്യത്തിലേക്ക് നിക്ഷേപിക്കുന്നൊരാൾക്ക് 12 ശതമാനം വാർഷിക വരുമാനം പ്രതീക്ഷിച്ചാൽ എത്ര രൂപയുടെ പ്രതിമാസ എസ്ഐപി വഴി വേ​ഗത്തിൽ നിക്ഷേപം ലക്ഷ്യത്തിലെത്തുമെന്ന് നോക്കാം.

10,000 രൂപയുടെ എസ്‌ഐപി

10,000 രൂപയുടെ പ്രതിമാസ എസ്‌ഐപി വഴി 12 ശതമാനം വാർഷിക വരുമാനത്തിൽ 38 വർഷവും 7 മാസവും കൊണ്ട് 10 കോടി രൂപ നേടാൻ സാധിക്കും. പ്രതിമാസ എസ്‌ഐ‌പി തുകയിൽ 10 ശതമാനം സെറ്റ് അപ്പ് ചെയ്താൽ 30 വർഷവും 11 മാസവും കൊണ്ട് 10 കോടി രൂപ നേടാം. 30-ാം വയസിൽ നിക്ഷേപം ആരംഭിച്ചാൽ വിരമിക്കൽ കാലത്ത് 10 കോടി കയ്യിലെത്തും. 

20,000 രൂപ എസ്‌ഐപി

എസ്‌ഐപി നിക്ഷേപത്തിൽ വാർഷിക വർധനയില്ലാതെ 20,000 രൂപ 12 ശതമാനം വാർഷിക റിട്ടേൺ നൽകുന്ന ഫണ്ടിൽ നിക്ഷേപിച്ചാൽ 32 വർഷവും 11 മാസവും കൊണ്ട് 10 കോടി രൂപയിലെത്തും. പ്രതിമാസ എസ്‌ഐ‌പി തുകയിൽ 10 ശതമാനം വാർഷിക വർധനവ് വരുത്തിയാൽ 26 വർഷവും 1 മാസവും മതിയാകും 10 കോടി രൂപയിലെത്താൻ. 

25,000 രൂപ എസ്‌ഐപി

25,000 രൂപ പ്രതിമാസ എസ്ഐപിയിലേക്ക് മാറ്റിവെയ്ക്കാൻ സാധിക്കുമെങ്കിൽ വാർഷിക വർധനയില്ലാതെ 12 ശതമാനം വാർഷിക റിട്ടേണിൽ 31 വർഷവും ഒരു മാസവും കൊണ്ട് 10 കോടി രൂപയിലെത്തും. പ്രതിമാസ എസ്‌ഐ‌പി തുകയിൽ 10 ശതമാനം വാർഷിക വർധനവ് വരുത്തിയാൽ 12 ശതമാനം റിട്ടേണിൽ 24 വർഷവും 7 മാസവും 10 കോടി രൂപയിലെത്തും. 

30,000 രൂപ എസ്‌ഐ‌പി

വാർഷിക വർധനയില്ലാതെ 30,000 രൂപ പ്രതിമാസം 12 ശതമാനം വാർഷിക റിട്ടേണിൽ നിക്ഷേപിക്കുന്ന വ്യക്തിക്ക് 10 കോടി രൂപയിലെത്താൻ 29 വർഷവും 7 മാസവുമാണ് നിക്ഷേപിക്കേണ്ടത്. 30,000 രൂപയുടെ പ്രതിമാസ എസ്‌ഐപിയിൽ 5 ശതമാനം വാർഷിക വർധനവ് വരുത്തിയാൽ 23 വർഷവും 5 മാസവും കൊണ്ട് 10 കോടി രൂപയിലെത്തും. 

40,000 രൂപയുടെ എസ്‌ഐ‌പി

40,000 രൂപ പ്രതിമാസ എസ്‌ഐ‌പി, വാർഷിക വർധനവില്ലാതെ നടത്തുമ്പോൾ 12 ശതമാനം വാർഷിക റിട്ടേണിൽ 27 വർഷവും 3 മാസവും കൊണ്ട് 10 കോടി രൂപയിലെത്താൻ സാധിക്കും. പ്രതിമാസ എസ്‌ഐ‌പി തുകയിൽ 5 ശതമാനം വാർഷിക വർധനവ് വരുത്തിയാൽ 21 വർഷവും 6 മാസവും കൊണ്ട് 10 കോടി രൂപയിലെത്തും.

അറിയിപ്പ്

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നല്‍കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്‌നോളജീസും ലേഖകനും ഉത്തരവാദികളല്ല.