Just In
-
-
-
-
Don't Miss
-
ഞാന് കെട്ടാന് ആഗ്രഹിച്ചിരുന്ന കുട്ടിയാണ്, വിവാഹിതയായെങ്കില് അണ്ഫോളോ ചെയ്യുന്നു! അപര്ണയോട് ആരാധകര് -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി -
ചര്മ്മത്തിലെ വെളുത്ത പാടുകള് കൂടുന്നോ? വെള്ളപ്പാണ്ട് അല്ല, പക്ഷേ ശ്രദ്ധിക്കണം -
IPL 2024: ജയം തുടരാന് ഡല്ഹി, കണക്കുവീട്ടാന് ഗുജറാത്ത്; ടോസ് 7 മണിക്ക് -
സത്യത്തില് ആര് തമ്മിലാണ് മല്സരം; സംശയം തീരാതെ നേതാക്കള്, ശശി തരൂരിന്റെ മറുപടി വൈറല് -
സ്റ്റെഡി ലൈക്ക് എ വടി! 3 വർഷം തുടർച്ചയായി മികച്ച നേട്ടം; ഇന്ത്യയിൽ മാഗ്നൈറ്റുമായി നാഴികക്കലുകൾ കീഴടക്കി നിസാൻ -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
സുരക്ഷിത നിക്ഷേപങ്ങൾ തേടുന്നവർക്ക് മുന്നിൽ വാതിൽ തുറന്നിട്ടിരിക്കുകയാണ് പോസ്റ്റ് ഓഫീസ് ലഘുസമ്പാദ്യ പദ്ധതികൾ റിസ്കില്ലാതെ നിക്ഷേപിക്കാമെന്നതും ഉയർന്ന പലിശ നിരക്കും അധികം സങ്കീർണതകളില്ലാ എന്നതുമാണ് പോസ്റ്റ് ഓഫീസ് നിക്ഷേപങ്ങളെ ശ്രദ്ധേയമാക്കുന്നത്. പൊതുമേഖലാ ബാങ്കുകളെക്കാൾ പലിശ നൽകുന്ന നിക്ഷേപങ്ങളാണ് ലഘു സമ്പാദ്യ പദ്ധതികളിൽ അധികവും, ഇത്തരത്തിലൊരു പദ്ധതിയാണ് പോസ്റ്റ് ഓഫീസ് നാഷണല്‍ സേവിംഗ്സ് സര്‍ട്ടിഫിക്കറ്റ്.
ഇതൊരു സ്ഥിര വരുമാന നിക്ഷേപ പദ്ധതിയാണ്. നഷ്ട സാധ്യതയില്ലാതെ സ്ഥിര വരുമാനം ഇതിലെ നിക്ഷേപത്തിലൂടെ ലഭിക്കുന്നു. ലഘു സമ്പാദ്യ പദ്ധതികളുടെ ഭാഗമായി ഈ നിക്ഷേപത്തിന് സര്‍ക്കാര്‍ ഗ്യാരണ്ടി ലഭിക്കുന്നുണ്ട്. 5 വര്‍ഷത്തെ ലോക്ഇന്‍ പിരിയഡുള്ള നിക്ഷേപമാണിത്. അതായത് 5 വര്‍ഷത്തിന് മുന്‍പ് നിക്ഷേപം പിന്‍വലിക്കാന്‍ സാധിക്കില്ല. നാഷണൽ സേവിംഗ്സ സർട്ടിഫിക്കറ്റ് ഈട് നൽകി ദേശസാൽകൃത ബാങ്കുകളിൽ നിന്ന് വായ്പ എടുക്കാൻ സാധിക്കും.
പദ്ധതി വിശദാംശം
ആർക്കൊക്കെ ചേരാം: ഏതൊരാൾക്കും ചേരാവുന്ന പദ്ധതിയാണിത്. പ്രായപൂർത്തിയായ ഒരാൾക്ക് വ്യക്തിഗത അക്കൗണ്ടും ജോയിന്റ് അക്കൗണ്ടും തുടങ്ങാം, ജോയിന്റ് അക്കൗണ്ടിൽ പരമാവധി 2 പേരെയാണ് അനുവദിക്കുക. പത്ത് വയസിൽ മുകളിൽ പ്രായമമുള്ള കുട്ടിക്കും സ്വന്തം പേരിൽ സർട്ടിഫിക്കറ്റ് വാങ്ങാനാകും. 10 ൽ താഴെ പ്രായമുള്ള കുട്ടിക്ക് വേണ്ടി രക്ഷിതാക്കൾക്ക് അക്കൗണ്ട തുറക്കാം.
ജോയിന്റ് അക്കൗണ്ട്: വ്യക്തിഗത അക്കൗണ്ടും ജോയിന്റ് അക്കൗണ്ടും പദ്ധതിയില്‍ ആരംഭിക്കാം. ജോയിന്റ് അക്കൗണ്ടിലുള്ള നിക്ഷേപം പിന്‍വലിക്കുമ്പോള്‍ 2 പേരും ഹാജരാകണം. എ, ബി എന്നിങ്ങനെ 2 ജോയിന്റ് അക്കൗണ്ടുകൾ ആരംഭിക്കാനാകും.
എവിടെ നിന്ന് ചേരാം: നാഷണൽ സേവിംഗ്സ് സ്കീമിൽ ചേരാൻ പോസ്റ്റ് ഓഫീസിനെയാണ് സമീപിക്കേണ്ടത്. പോസ്റ്റ് ഓഫീസ് ബ്രാഞ്ച് സന്ദർശിച്ച് അപേക്ഷ ഫോം പൂരിപ്പിച്ച് നൽകിയാൽ നാഷണൽ സേവിംഗസ് സർട്ടിഫിക്കറ്റിൽ ചേരാം. ഒരാൾ ഒരേ സമയം എടുക്കാവുന്ന അക്കൗണ്ടുകളുടെ എണ്ണത്തിലും നിയന്ത്രണമില്ല.
നിക്ഷേപം: 1,000 രൂപയാണ് നിക്ഷേപിക്കാൻ ആവശ്യമായ ചുരുങ്ങിയ തുക. 100 ന്റെ ഗുണിതങ്ങളായി എത്ര വേണമെങ്കിലും നിക്ഷേപം ഉയർത്താം. എത്ര തുക വേണമെങ്കിലും നാഷണൽ സേവിംഗ്സ് സ്കീമിൽ നിക്ഷേപിക്കാം. ഒറ്റത്തവണ നിക്ഷേപമാണ് നടത്തേണ്ടത്.
നികുതി ഇളവ്: നാഷണൽ സേവിംഗ്സ് സ്കീമിൽ നടത്തുന്ന നിക്ഷേപത്തിന് ആദായ നികുതി ഇളവ് ലഭിക്കും. ആദായ നികുതി നിയമം സെക്ഷൻ 80സി പ്രകാരം നിക്ഷേപത്തിന് 1.50 ലക്ഷം വരെ നികുതി കിഴിവുണ്ട്. കാലാവധിയിൽ പിൻവലിക്കുന്ന തുകയ്ക്ക് നികുതി ഇളവുകളൊന്നും നിക്ഷേപം നൽകുന്നില്ല.
പലിശ നിരക്ക്: 6.8 ശതമാനമാണ് നാഷണൽ സേവിംഗ്സ് സ്കീമിൽ നിന്നും ലഭിക്കുന്ന പലിശ നിരക്ക്. വർഷത്തിൽ കൂട്ടു പലിശയായാണ് പലിശ കണക്കാക്കുക.
ലോക്ഇൻ പിരിയഡ്: 5 വർഷമാണ് നിക്ഷേപത്തിന്റെ കാലാവധി. ഈക്കാലയളവിനുള്ളിൽ നിക്ഷേപം പിൻവലിക്കാൻ സാധിക്കില്ല. വ്യക്തിഗത അക്കൗണ്ട് ഉടമ മരിച്ചാൽ അക്കൗണ്ട് അവസാനിപ്പിക്കാം. ജോയിന്റ് അകൗണ്ടിൽ ഒരു അക്കൗണ്ട് ഉടമ മരണപ്പെട്ടാലും അക്കൗണ്ട് അവസാനിപ്പിക്കാം.
കാൽക്കുലേറ്റർ
വർഷത്തിൽ പലിശ കണക്കാക്കി നിക്ഷേപത്തിനൊപ്പം ചേർത്ത് കാലാവധിൽ തുക അനുവദിക്കും. നാഷണൽ സേവിംഗ്സ് സർട്ടിഫിക്കറ്റിൽ 1.000 രൂപ നിക്ഷേപിച്ചാൽ അഞ്ച് വർഷത്തിന് ശേഷം 1,389.49 രൂപയാണ് തിരികെ ലഭിക്കുക. 5 ലക്ഷം രൂപ നിക്ഷേപിച്ചാൽ കാലാവധി പൂർത്തിയാകുമ്പോൾ 6,94,746 രൂപ ലഭിക്കും. 1,94,746 രൂപ പലിശ വരുമാനമായി ലഭിക്കും.
