പോക്കറ്റിന് ഒതുങ്ങുന്ന ചിട്ടി; ദിവസം 200 രൂപ കരുതിയാല്‍ 9.50 ലക്ഷം നേടാം; പോക്കറ്റ് നിറയ്ക്കാനും ഇതു മതി

ചിട്ടി വിശദാംശം

5,000 രൂപ പരമാവധി മാസ അടവ് വരുന്ന 120 മാസം കാലവധിയുള്ള 6 ലക്ഷത്തിന്റെ മള്‍ട്ടി ഡിവിഷന്‍ ചിട്ടിയാണിത്. 120 മാസ ചിട്ടികൾ പൊതുവെ നല്ല ലാഭ വിഹിതം നൽകുന്നകിനാൽ ആകർഷണീയമാണ്. ഇതിന് ഉദാഹരണമാണ് 10,000 രൂപയുടെ 120 മാസ മൾട്ടിഡിവിഷൻ ചിട്ടി. ചെറിയ തുകയുടെ മാസ അടവിൽ വലിയ തുക സ്വന്തമാക്കാം എന്നതാണ് ഇവയുടെ നേട്ടം.

ചിട്ടി പരമാവധി ലേല കിഴിവായ 40 ശതമാനത്തിൽ പോകുന്ന മാസങ്ങളിൽ 3,688 രൂപയാണ് അടയ്‌ക്കേണ്ട്. 30-35 മാസത്തോളം പരമാവധി ലേല കിഴിവിൽ പോകാൻ സാധ്യതയുണ്ട്. ഈ മാസങ്ങളിൽ 3,688 രൂപ അടച്ചാൽ മതിയാകും. കെഎസ്എഫ്ഇയിൽ സൗജന്യമായി ലഭിക്കുന്ന ഡോർ കളക്ഷൻ സൗകര്യം ഉപയോ​ഗപ്പെടുത്തുന്നൊരാൾക്ക് 200 രൂപ മുതൽ 150 രൂപ വരെയാണ് അടയ്ക്കേണ്ടി വരുന്നത്.

ലേല കിഴിവ്

6 ലക്ഷത്തിന്റെ ഈ മൾട്ടി ഡിവിഷൻ ചിട്ടിയിൽ നിന്ന് ഒരു മാസം ലഭിക്കുന്ന പരമാവധി ലേല കിഴിവ് 1,312 രൂപയാണ്. ചിട്ടി കാലാവധിയോളം ഏകദേശം 80,000 രൂപ മുതല്‍ 1.10 ലക്ഷം രൂപയ്ക്ക് ഇടയിൽ ലേല കിഴിവ് ലഭിക്കാൻ സാധ്യതയുണ്ട്.

ചിട്ടിയിലെ അം​ഗങ്ങളുടെ ആവശ്യകത അടിസ്ഥാനമാക്കിയാണ് ലേല കിഴിവ് ഉണ്ടാകുന്നത്.ആവശ്യക്കാര്‍ കൂടുതലുണ്ടാകുമ്പോള്‍ ലാഭ വിഹിതവും കൂടും. സാധാരണയായി 4.90 ലക്ഷത്തിനും 5.20 ലക്ഷത്തിനും ഇടയിലുള്ള തുകയാണ് ചിട്ടിയിലേക്ക് അടയ്ക്കേണ്ടി വരിക. 

ചിട്ടി ലേലം

ഒരു മാസം 4 പേർക്ക് ചിട്ടി തുക ലഭിക്കുന്ന മൾട്ടി ഡിവിഷൻ ചിട്ടിയാണിത്. ഒരാൾക്ക് നറുക്കും മൂന്ന് പേർക്ക് ലേലത്തിലൂടെയും ചിട്ടി സ്വന്തമാക്കാം. നറുക്ക് ലഭിക്കുന്നൊരാൾക്ക് ഫോർമാൻസ് കമ്മീഷനായി 30,000 രൂപ കുറച്ച് 5.70 ലക്ഷം രൂപ ലഭിക്കും.

ലേലത്തിൽ പങ്കെടുക്കുന്നൊരാൾക്ക് 2.40 ലക്ഷം രൂപ വരെ താഴ്ത്തി വിളിക്കാം. 3.60 ലക്ഷം രൂപ സ്വന്തമാക്കാം. ഇതിനൊപ്പം ഫോർമാൻസ് കമ്മീഷന്റെ 18 ശതമാനം ജിഎസ്ടിയും ഡോക്യുമെന്റേഷൻ ചാർജായി 200 രൂപയും കിഴിച്ചാണ് ചിട്ടി തുക അനുവദിക്കുക. 

9.50 ലഭിക്കുന്നത് എങ്ങനെ

ആദ്യ മാസം ചിട്ടി നറുക്ക് ലഭിച്ചൊരാൾക്ക് ജിഎസ്ടി കിഴിച്ച് 5.64 ലക്ഷം രൂപ സ്ഥിര നിക്ഷേപമിടാൻ ലഭിക്കും. കെഎസ്എഫ്ഇ സ്ഥിര നിക്ഷേപത്തിന് 7-7.5 ശതമാനം വരെ പലിശ നൽകുന്നുണ്ട്. 7 ശതമാനം പലിശ കണക്കാക്കിയാൽ 118 മാസത്തിന് ശേഷം പലിശയായി 3,85,969 രൂപ ലഭിക്കും.

ചിട്ടി തുക മാസം അടച്ചു പോകുന്നൊരാൾക്ക് കാലാവധിയിൽ 9,49,969 രൂപയാണ് ലഭിക്കുക. ഈ പലിശ മാസത്തിൽ പിൻവലിച്ച് ചിട്ടി തുക അടയ്ക്കാനോ മറ്റൊരു ചിട്ടി ചേരാനോ ഉപയോ​ഗിക്കാം. മാസത്തിൽ 3,271 രൂപ ലഭിക്കും. 

3.60 ലക്ഷം രൂപയ്ക്ക് ലേലത്തിൽ പിടിച്ച ചിട്ടിയിൽ നിന്ന് ജിഎസ്ടി കിഴിച്ച് 3.54 ലക്ഷം രൂപയാണ് ലഭിക്കുക. ഇതേ തുക വ്യക്തി​ഗത വായ്പയെടുത്തൊരാൾക്ക് ചിട്ടിയിലേക്ക് അടയ്ക്കുന്നതിനേക്കാൾ കൂടുതൽ തുക അടയ്ക്കേണ്ടി വരും. 3.54 ലക്ഷം രൂപ 10 വർഷത്തേക്ക് 10 ശതമാനം പലിശയിൽ വായ്പയെടുത്താ. മുതലും പലിശയും ചേർത്ത് 5,61,376 രൂപയാണ് തിരിച്ചടയ്ക്കേണ്ടത്. ചിട്ടിയില്‍ അടയ്‌ക്കേണ്ടത്. 4.80-5 ലക്ഷം രൂപയാണ്.