എൻപിഎസ് മുതൽ വിവിധ പെൻഷൻ പദ്ധതികളിൽ വമ്പൻ മാറ്റം: ഒക്ടോബർ 1 മുതൽ പുതിയ നിരക്ക് വരുന്നു

നാഷണൽ പെൻഷൻ സിസ്റ്റം (NPS), അടൽ പെൻഷൻ യോജന (APY), എൻപിഎസ്-ലൈറ്റ്, യൂണിഫൈഡ് പെൻഷൻ സ്കീം (UPS) എന്നിവയ്ക്ക് കീഴിൽ സെൻട്രൽ റെക്കോർഡ് കീപ്പിംഗ് ഏജൻസികൾ (CRA) നൽകുന്ന സേവനങ്ങൾക്കുള്ള പുതുക്കിയ ഫീസ് ഘടന പെൻഷൻ ഫണ്ട് റെഗുലേറ്ററി ആൻഡ് ഡെവലപ്‌മെന്റ് അതോറിറ്റി (PFRDA) പ്രഖ്യാപിച്ചു. ഒക്ടോബർ 1 മുതലാണ് ഈ നിരക്കുകൾ പ്രാബല്യത്തിൽ വരുന്നത്.

പുതുക്കിയ ഫീസ് ഘടന PFRDA-യുടെ നിലവിലെ ചട്ടങ്ങൾക്കും മാർഗ്ഗനിർദ്ദേശങ്ങൾക്കും അനുസരിച്ചാണ്. നിങ്ങൾ എൻപിഎസ്, യുപിഎസ്, എപിവൈ, എൻപിഎസ് ലൈറ്റ് എന്നീ പെൻഷൻ പദ്ധതികളിലെ വരിക്കാരാണോ? എങ്കിൽ പുതുക്കിയ മാറ്റങ്ങൾ ശ്രദ്ധിക്കണേ. ഓരോ പുതുക്കിയ നിരക്കുകളും അറിഞ്ഞിരിക്കാം;

സർക്കാർ മേഖലയിലെ NPS, UPS വരിക്കാരുടെ നിരക്കുകൾ

• പെർമനന്റ് റിട്ടയർമെന്റ് അക്കൗണ്ട് നമ്പർ (PRAN) തുറക്കുന്നതിനുള്ള ചാർജ് ഒരു e-PRAN കിറ്റിന് 18 രൂപയും ഒരു ഫിസിക്കൽ PRAN കാർഡിന് 40 രൂപയുമാണ്.
• ഓരോ അക്കൗണ്ടിനും വാർഷിക മെയിൻ്റനൻസ് ചാർജ് 100 രൂപയാണ്.
• സീറോ ബാലൻസ് അക്കൗണ്ടിൽ നിന്നും ചാർജ് ഈടാക്കില്ല.

• PRAN തുറക്കുന്നതിനുള്ള ചാർജും, വാർഷിക മെയിൻ്റനൻസ് ചാർജും 15 രൂപ ആണ്
• ഇടപാട് നിരക്കുകൾ ബാധകമല്ല.

എൻപിഎസ്, എൻപിഎസ് വാത്സല്യ അക്കൗണ്ടുകൾക്കുള്ള ഫീസ് (സ്വകാര്യ മേഖല)

• ഒരു e-PRAN കിറ്റിന് 18 രൂപയുണ്ട്.
• ഒരു ഫിസിക്കൽ PRAN കാർഡിന് 40 രൂപയുണ്ട്.
• ഇടപാടുകൾക്ക് നിരക്ക് ഈടാക്കുന്നില്ല.

വാർഷിക മെയിന്റനൻസ് ചാർജ് (AMC)

പദ്ധതിയിലെ വരിക്കാരൻ്റെ ടയർ I കോർപ്പസ് സ്ലാബിനെ അടിസ്ഥാനമാക്കി ഈ ചാർജുകൾ വ്യത്യാസപ്പെടുന്നു. പുതുക്കിയ നിരക്കുകൾ അറിയാം;

• 1 ലക്ഷം രൂപ വരെയുള്ള ബാലൻസുകൾക്ക് നിരക്കില്ല
• 1 ലക്ഷം മുതൽ 2 ലക്ഷം വരെയുള്ള ബാലൻസുകൾക്ക് 100 രൂപ ചാർജ് ഈടാക്കും.
• 2,00,001 രൂപ മുതൽ 10 ലക്ഷം വരെയുള്ള ബാലൻസുകൾക്ക് 150 രൂപ ഈടാക്കും.
• 10,00,001 രൂപ മുതൽ 25 ലക്ഷം വരെ ബാലൻസുണ്ടെങ്കിൽ 300 രൂപ ചാർജ് ഈടാക്കും.
• 25,00,001 രൂപ മുതൽ 50 ലക്ഷം രൂപ വരെ ബാലൻസുണ്ടെങ്കിൽ 400 രൂപ ചാർജ് ഈടാക്കും.
• 50 ലക്ഷത്തിന് മുകളിൽ ബാലൻസുണ്ടെങ്കിൽ 500 രൂപ ഈടാക്കുന്നു.

7,000 രൂപ കൊണ്ട് 60 ലക്ഷം സമ്പാദിക്കാം, ഇതാണ് നിക്ഷേപ മാർഗം, 1 കോടി സമ്പാദിക്കാൻ 18,500 രൂപ മതി

പരിഷ്കരിച്ച നിരക്കുകൾക്ക് പിന്നിലെ പ്രധാന മാർഗ്ഗനിർദ്ദേശങ്ങൾ

ചാർജുകളുടെ ഉയർന്ന പരിധി: പുതുക്കിയ നിരക്കുകൾ പരമാവധി ഈടാക്കാവുന്ന തുകയാണ്. എന്നാൽ CRA-കൾക്ക് ഈ പരിധിക്ക് മുകളിൽ ചാർജ് ചെയ്യാൻ കഴിയില്ല. പക്ഷേ, തൊഴിലുടമകൾ, വരിക്കാർ, അല്ലെങ്കിൽ പോയിന്റ്സ് ഓഫ് പ്രെസെൻസ് (PoP-കൾ) എന്നിവരുമായി ചർച്ച ചെയ്ത് ഇതിലും കുറഞ്ഞ നിരക്കുകൾ ഈടാക്കാൻ അവർക്ക് സാധിക്കും.

സ്വകാര്യമേഖലയിലെ വരിക്കാർക്ക്: ആന്വൽ മെയിന്റനൻസ് ചാർജ് (AMC) അവരുടെ ടയർ I സ്ലാബിനെ അടിസ്ഥാനമാക്കി ഈടാക്കുന്നതാണ്.

സർക്കാർ മേഖലയിലെ യുപിഎസ് വരിക്കാർക്ക്: ഇവിടെ നിക്ഷേപ ഘട്ടത്തിൽ മാത്രമേ ഈ നിരക്കുകൾ ബാധകമാകൂ. എന്നാൽ പേഔട്ടുകൾക്ക് പ്രത്യേകം നിരക്കുകൾ പ്രഖ്യാപിച്ചേക്കാം.

പുതിയ സേവനങ്ങൾക്ക്: CRA-കൾ പുതിയ സേവനങ്ങൾ അവതരിപ്പിക്കുകയാണെങ്കിൽ, അവയുടെ നിരക്ക് PFRDA-യുടെ അംഗീകാരത്തിലൂടെ അധിക ലാഭമെടുക്കാതെ ഈടാക്കുന്നതാണ്.

സുതാര്യത: എല്ലാ CRA-കളും പുതുക്കിയ നിരക്കുകൾ അവരുടെ ഔദ്യോഗിക വെബ്സൈറ്റുകളിലും മൊബൈൽ ആപ്ലിക്കേഷനുകളിലും കാണിക്കണം.

2013-ലെ PFRDA നിയമത്തിലെ സെക്ഷൻ 14 പ്രകാരമാണ് ഈ പരിഷ്കരണം നടപ്പാക്കിയത്. ഈ മാറ്റങ്ങൾ പെൻഷൻ ഫണ്ട് സംവിധാനത്തിൽ കൂടുതൽ സുതാര്യതയും വ്യക്തതയും കൊണ്ടു വരുന്നതിന് കാരണമാവുന്നു.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.