കേറിവാ മക്കളേ; 50 ശതമാനം ലാഭം തരുന്നത് നോക്കി നിൽക്കണോ; നിക്ഷേപിക്കാൻ പറ്റിയയിടം

പരാഗ് പരീഖ് ഫ്‌ളക്‌സി കാപ് ഫണ്ട്- ഡയറക്ട് ​ഗ്രോത്ത്

2013 മേയ് 28നാണ് പരാഗ് പരീഖ് ഫ്‌ളക്‌സി കാപ് ഫണ്ട് ആരംഭിച്ചത്. 21768.48 കോടിയാണ് ഫണ്ടിന്റെ അസറ്റ് അണ്ടര്‍ മാനേജ്‌മെന്റ് (എയുഎം). 49.25 രൂപയാണ് 2022 മേയ് 30 ന് ഫണ്ടിന്റെ നാവ്. എക്‌സ്‌പെന്‍സ് നിരക്ക് 0.79 ശതമാനമാണ്. വാല്യു റിസര്‍ച്ച് 5 സ്റ്റാര്‍ റേറ്റിംഗ് നല്‍കിയ ഫണ്ടാണിത്. 66.46 ശതമാനം നിക്ഷേപവും ഇക്വുറ്റികളിലണ്. ഇതില്‍ 44.3 ശതമാനം ലാര്‍ജ് കാപിലും 3.83 ശതമാനം മിഡ് കാപിലും 12.07 ശതമാനം സ്‌മോള്‍ കാപ് ഓഹരികളിലുമാണ് നിക്ഷേപിച്ചിട്ടുള്ളത്. ധനകാര്യ ടെക്‌നോളജി, ഓട്ടോമൊബൈല്‍ സെക്ടറുകളിലാണ് കൂടുതല്‍ നിക്ഷേപവും. 3-4 വര്‍ഷത്തിന് മുകളില്‍ നിക്ഷേപം നടത്തുന്നവര്‍ക്ക് അനുയോജ്യമായാ ഫണ്ടാണ് ഇത്. ഒറ്റത്തവണ നിക്ഷേപത്തിനുള്ള ചുരുങ്ങിയ തുക 1,000 രൂപയാണ്. എസ്ഐപി ആരംഭിക്കാനും 1000 രൂപ മതിയാകും. നിക്ഷേപം ആരംഭിച്ച് 365 ദിവസത്തിനുള്ളില്‍ 10 ശതമാനത്തില്‍ അധികം യൂണിറ്റുകള്‍ പിന്‍വലിച്ചാല്‍ 2 ശതമാനം ചാര്‍ജ് ഈടാക്കും. 366-730 ദിവസത്തിനുള്ളിലുള്ള പിന്‍വലിക്കലുകള്‍ക്ക് 1 ശതമാനം ചാര്‍ജ് ഈടാക്കും.

മൂന്ന് വര്‍ഷം മുന്‍പ് ഫണ്ടില്‍ എസ്ഐപി വഴി നിക്ഷേപിച്ചയാള്‍ക്ക് 44.25 ശതമാനം ആദായമാണ് ഫണ്ട് നല്‍കിയത്. ഇത് പ്രകാരം മാസത്തില്‍ 5,000 രൂപ എസ്‌ഐപി ചെയ്തയാള്‍ക്ക് 79,650 രൂപയുടെ ലാഭം ഫണ്ട് നല്‍കി. 1.8 ലക്ഷം നിക്ഷേപിച്ചവര്‍ക്ക് 2.5 ലക്ഷമാണ് തിരികെ ലഭിച്ചത്. വാര്‍ഷിക ആദായം 25.67 ശതമാനമായിരുന്നു. അഞ്ച് വര്‍ഷം മുന്‍പെ നിക്ഷേപം തുടങ്ങിയാള്‍ക്ക് 69.42 ശതമാനം ആദായം ഫണ്ട് നല്‍കി. 3,00,000 ലക്ഷം നിക്ഷേപിച്ചാള്‍ക്ക് 2,08,274 രൂപയാണ് ലാഭം ലഭിച്ചത്. വാര്‍ഷിക ആദായം 21.43 ശതമാനമായിരുന്നു.

പിജിഐഎം ഇന്ത്യ ഫ്‌ളക്‌സി കാപ് ഫണ്ട്- ഡയറക്ട് ​ഗ്രോത്ത്

2015 മാര്‍ച്ച് നാലിനാണ് പിജിഐഎം ഇന്ത്യ ഫ്‌ളക്‌സി കാപ് ഫണ്ട് അവതരിപ്പിച്ചത്. 4082.87 രൂപയാണ് ഫണ്ടിന്റെ അസറ്റ് അണ്ടര്‍ മനേജ്‌മെന്റ്. 2022 മേയ് 30 പ്രകാരമുള്ള നാവ് 23.65 രൂപയാണ്. 0.44 ശതമാനാണാണ് എക്‌സ്‌പെന്‍സ് നിരക്ക്. ക്രിസിലും വാല്യു റിസര്‍ച്ചും 5 സ്റ്റാര്‍ റേറ്റിം​ഗ് നല്‍കിയ ഫണ്ടാണിത്. 98.28 ശതമാനം നിക്ഷേപം ഇക്വുറ്റികളിലാണ്. 47.44 ശതമാനം ലാര്‍ജ് കാപിലും 17.94 ശതമാനം മിഡ്കാപിലും 15.92 ശതമാനം സ്‌മോള്‍ കാപിലുമാണ്. ടെക്‌നോളജി, കെമിക്കല്‍, മെറ്റല്‍ സെക്ടറുകളിലാ് നിക്ഷേപംകൂടുതസും. ചതുരുങ്ങിയ നിക്ഷേപത്തിന് വേണ്ടത് 5000 രൂപയാണ്. എസ്‌ഐപി നിക്ഷേപത്തിന് 1000 രൂപ വേണം.

3-4 വര്‍ഷത്തിന് മുകളില്‍ നിക്ഷേപം നടത്തുന്നവര്‍ക്ക് അനുയോജ്യമായ ഫണ്ടാണ് ഇത്. മൂന്ന് വര്‍ഷം മുൻപ് 5000 രൂപയ്ക്ക് എസ്ഐപി ആരംഭിച്ച നിക്ഷേപത്തിന് 39.21 ശതമാനം ആദായം ഫണ്ട് നൽകി. 1.8 ലക്ഷത്തിന്റെ നിക്ഷേപം 2.5 ലക്ഷമായി ഉയര്‍ന്നു. 70,570 രൂപയുടെ ലാഭം. അഞ്ച് വര്‍ഷം മുന്‍പ് നടത്തിയ നിക്ഷേപത്തിന് 56.52 ശളതമാനം ലാഭമാണ് ഫണ്ട് നല്‍കിയത്. മൂന്ന് ലക്ഷം രൂപ 4.6 ലക്ഷമായി ഉയര്‍ന്നു. 1,69,558 രൂപ ലാഭമായി ലഭിച്ചു.