പിഎം കിസാൻ: എല്ലാവരും അപേക്ഷിച്ചിട്ട് കാര്യമില്ല, ആർക്കെല്ലാം 6,000 രൂപ കിട്ടും? യോ​ഗ്യതയും നേട്ടങ്ങളും അറിയാം

ഇന്ത്യയിലെ ചെറുകിട കർഷകർക്ക് സാമ്പത്തിക സഹായം ഉറപ്പാക്കുന്നതിനായി രൂപീകരിച്ച ഒരു സർക്കാർ പദ്ധതിയാണ് പിഎം-കിസാൻ. ഇത് 2019ൽ തുടക്കമിട്ട പദ്ധതിയാണ്. യോ​ഗ്യരായ ​ഗുണഭോക്താക്കൾക്ക് ഓരോ വർഷവും 6,000 രൂപ വീതം സാമ്പത്തിക സഹായം ലഭിക്കുന്നുണ്ട്. എന്നാൽ ഈ തുക ഒറ്റയടിക്ക് ലഭിക്കുന്നില്ല. മൂന്ന് ​ഗഡുക്കളായിട്ടാണ് ഈ തുക ഓരോ വർഷവും എത്തുന്നത്. അതായത് ഓരോ 4 മാസം എത്തുമ്പോഴും 2,000 രൂപ വീതം അപേക്ഷകൻ്റെ അക്കൗണ്ടിലെത്തുന്നു.

ഇന്ത്യയിലെ പല സർക്കാർ പദ്ധതികളും മറ്റു രാജ്യങ്ങൾക്ക് അത്ഭുതകരമാം വിധമാണ്. പിഎം കിസാനും അത്തരത്തിൽ തന്നെ. കാർഷിക മേഖലയുടെ ഉന്നമനത്തിനും കർഷകർക്കുള്ള പ്രോത്സാഹനം എന്ന നിലയിലുമാണ് ഈ പദ്ധതി വികസിപ്പിച്ചത്. ഇതിനു മുന്നേ 20ാം ​ഗഡുവായിരുന്നു ലഭിച്ചത്. ആ​ഗസ്റ്റിൽ ഈ തുക ലഭിച്ചതിനാൽ ഡിസംബറിലോ ജനുവരിയിലോ ആയിരിക്കും 21ാം ​ഗഡു ലഭിക്കുന്നത്.

പിഎം-കിസാൻ പദ്ധതിയുടെ നേട്ടങ്ങൾ

1. കാർഷിക ഉപകരണങ്ങൾ വാങ്ങുന്നതിന് യോഗ്യരായ കർഷകർക്ക് സാമ്പത്തിക സഹായം നൽകുന്ന പദ്ധതിയാണിത്. അതിനാൽ ഓരോ വർഷവും 6,000 രൂപ ലഭിക്കുന്നു.
2. നേരിട്ട് ബാങ്ക് വഴിയാണ് നിങ്ങൾക്ക് സാമ്പത്തിക സഹായം ലഭിക്കുന്നത്. ഇത് പദ്ധതിയുടെ സുതാര്യതയെ വ്യക്തമാക്കുന്നു.
3. സ്ഥാപനപരമായ ഭൂവുടമകളും, ചില സർക്കാർ ജീവനക്കാരും ഒഴികെ, എല്ലാ ഭൂവുടമകളായ കർഷക കുടുംബങ്ങൾക്കും ഈ സ്കീമിൻ്റെ നേട്ടം ഉറപ്പാക്കാം.
4. ഔദ്യോഗിക പോർട്ടൽ വഴി നിങ്ങൾക്ക് എളുപ്പത്തിൽ ഗുണഭോക്തൃ നില പരിശോധിക്കാൻ സാധിക്കും.

പിഎം-കിസാൻ പദ്ധതിയിൽ ഗുണഭോക്താക്കളുടെ ഐഡന്റിറ്റി പരിശോധിക്കുന്നതിന് ഇ-കെവൈസി പ്രക്രിയ അത്യാവശ്യമാണ്. അപേക്ഷകൻ എല്ലാ തരത്തിലുള്ള യോ​ഗ്യതാ മാനദണ്ഡങ്ങളും പാലിക്കുന്നുണ്ടോ എന്നുറപ്പാക്കാൻ വേണ്ടിയാണ് ഇ-കെവൈസി. അങ്ങനെയെങ്കിൽ പിഎം കിസാൻ സ്കീമിൽ അപേക്ഷിക്കാനുള്ള യോ​ഗ്യത അറിയാം;

പിഎം കിസാൻ സമ്മാൻ നിധിയുടെ യോഗ്യതാ മാനദണ്ഡം

• അപേക്ഷകന് സ്വന്തമായി 2 ഹെക്ടർ വരെ കൃഷിയോഗ്യമായ ഭൂമി ഉണ്ടായിരിക്കണം.

• സ്ഥാപനപരമായ ഭൂവുടമകൾ, ഭരണഘടനാ പദവികൾ വഹിക്കുന്ന കർഷക കുടുംബങ്ങൾ, കേന്ദ്ര/സംസ്ഥാന സർക്കാർ മന്ത്രാലയങ്ങൾ, വകുപ്പുകൾ, അനുബന്ധ ഓഫീസുകൾ, പൊതുമേഖലാ സ്ഥാപനങ്ങൾ എന്നിവയിൽ സേവനമനുഷ്ഠിക്കുന്നതോ വിരമിച്ചതോ ആയ ഉദ്യോഗസ്ഥർ, ജീവനക്കാർ എന്നിവർക്ക് ഈ പദ്ധതിയിൽ അപേക്ഷിക്കാൻ സാധിക്കില്ല.

• കൃഷിക്ക് പുറമെ വരുമാന സ്രോതസ്സുകളുള്ള കർഷക കുടുംബാം​ഗം- അതായത് ആദായനികുതി അടയ്ക്കുന്നവർ, പ്രൊഫഷണലുകൾ, 10,000 രൂപയിൽ കൂടുതൽ പ്രതിമാസ വരുമാനമുള്ള പെൻഷൻകാർ എന്നിവർക്ക് ഈ സ്കീമിൽ അപേക്ഷിക്കാൻ യോ​ഗ്യതയില്ല.

പ്രതിമാസ വരുമാനം 25,000 രൂപ ആണോ, സ്വന്തമായി വീടും കാറും വാങ്ങാം, ദീപക് വഴി പറഞ്ഞ് തരും

പിഎം-കിസാൻ രജിസ്ട്രേഷൻ പ്രക്രിയ

pmkisan.gov.in എന്ന ഔദ്യോഗിക പോർട്ടൽ വഴിയാണ് പിഎം കിസാൻ പദ്ധതിയിൽ അപേക്ഷിക്കുന്നത്. എങ്ങനെയെന്ന് വിശദമായി അറിയാം.

• ഔദ്യോഗിക പോർട്ടലായ pmkisan.gov.in തുറക്കുക.
• "പുതിയ കർഷക രജിസ്ട്രേഷൻ" എന്ന ഓപ്ഷനിൽ ക്ലിക്ക് ചെയ്യുക.
• ശേഷം നിങ്ങളുടെ ആധാർ നമ്പറും മറ്റ് ആവശ്യമായ വിവരങ്ങളും നൽകുക
• പദ്ധതിയുടെ ആനുകൂല്യങ്ങൾ നേരിട്ട് ഉറപ്പാക്കുന്നതിന് നിങ്ങളുടെ ബാങ്ക് അക്കൗണ്ട് നമ്പറും IFSC കോഡും നൽകുക.
• ഇത്രയും വിവരങ്ങൾ പരിശോധിച്ച് ഉറപ്പിച്ച ശേഷം അപേക്ഷ സമർപ്പിക്കുക.

രാജ്യത്തെ നിരവധി കർഷകർ പിഎം കിസാൻ്റെ അടുത്ത ​ഗഡുവിനായി കാത്തിരിക്കുകയാണ്. ആ​ഗസ്റ്റിൽ ലഭിച്ച അവസാന ​ഗഡു ജൂലൈയിൽ ലഭിക്കേണ്ടതായിരുന്നു. അതിനാൽ വരാനിരിക്കുന്ന ​ഗഡുവും വൈകിയെത്തിയേക്കാം.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.