PM Kisan 21st Installment: എല്ലാ കർഷകർക്കും 2,000 രൂപ എത്തിയോ? ഈ പദ്ധതിയിൽ നിങ്ങളും ഉണ്ടോ? അറിയാം

രാജ്യത്തെ കർഷകർക്കായി കേന്ദ്രസർക്കാർ ആവിഷ്‌കരിച്ച പദ്ധതിയാണ് പ്രധാനമന്ത്രി കിസാൻ സമ്മാൻ നിധി അഥവാ പി.എം. കിസാൻ. ഈ പദ്ധതി പ്രകാരം വർഷത്തിൽ 2,000 രൂപ വീതം മൂന്ന് ഗഡുക്കളായി കർഷകർക്ക് ലഭിക്കുന്നത്. ഓരോ നാല് മാസം കൂടുമ്പോഴാണ് ഒരു ഗഡു വിതരണം ചെയ്യുന്നത്. പദ്ധതിയുടെ 20-ാം ഗഡു ആഗസ്റ്റിലായിരുന്നു വിതരണം ചെയ്തത്.

അടുത്ത ഗഡു (21-ാം ഗഡു) സാധാരണയായി ഡിസംബറിലാണ് നൽകേണ്ടിയിരുന്നത്. എന്നാൽ ഒക്ടോബർ 7ന് 21ാം ​ഗഡു മുൻകൂട്ടി വിതരണം ചെയ്തിരിക്കുന്നു. ജമ്മു കശ്മീരിലെ വെള്ളപ്പൊക്കത്തിലും മണ്ണിടിച്ചിലിലും ദുരിതമനുഭവിക്കുന്ന കർഷകർക്ക് മാത്രമാണ് ഇപ്പോൾ തുക വിതരണം ചെയ്തിരിക്കുന്നത്. മറ്റു യോ​ഗ്യരായ കർഷകർക്ക് ഇനിയും 2,000 രൂപ ലഭിച്ചിട്ടില്ല.

ഒക്ടോബർ 7ന് കേന്ദ്ര കൃഷി കർഷകക്ഷേമ മന്ത്രി ശിവരാജ് സിംഗ് ചൗഹാൻ ന്യൂഡൽഹിയിലെ കൃഷി ഭവനിൽ നിന്ന് വീഡിയോ കോൺഫറൻസിംഗിലൂടെയാണ് ഈ തുക വിതരണം ചെയ്തത്. ജമ്മു കശ്മീരിലെ 85,000-ത്തിലധികം കർഷകർക്ക് ഈ പ്രത്യേക സഹായം ലഭിച്ചു. ദുരിതകാലത്ത് കർഷകർക്ക് ഒപ്പം രാജ്യവും മോദി സർക്കാരും ഉണ്ടാകും എന്ന ഉറപ്പാണ് ഈ മുൻകൂർ നീക്കത്തിലൂടെ സർക്കാർ ഊന്നിപ്പറയുന്നത്.

പിഎം കിസാൻ 21-ാം ഗഡു എപ്പോൾ?

20ാം ​ഗഡു ആ​ഗസ്റ്റിൽ പുറത്തിറങ്ങിയതിനാൽ 21ാം ​ഗഡു ഡിസംബറിലാണ് എത്തേണ്ടത്. പക്ഷേ കഴിഞ്ഞ തവണ ജൂണിൽ എത്തേണ്ടിയിരുന്ന ​ഗഡുവാണ് ആ​ഗസ്റ്റിൽ എത്തിയത് എന്നതിനാൽ 21ാം ​ഗഡു വിതരണം ഈ മാസം എത്തുമെന്നും പ്രതീക്ഷിക്കാം. എങ്കിലും ഇതുസംബന്ധിച്ച് ഇതുവരെ ഔദ്യോഗിക പ്രഖ്യാപനം വന്നിട്ടില്ല.

എന്താണ് പിഎം കിസാൻ പദ്ധതി?

2019ലാണ് ധനമന്ത്രി പീയൂഷ് ഗോയൽ ഈ പദ്ധതിയെ കുറിച്ച് ഇടക്കാല ബജറ്റിൽ പ്രഖ്യാപിച്ചത്. പിഎം കിസാൻ പദ്ധതിക്ക് കീഴിൽ, ഏകദേശം 9.7 കോടി യോഗ്യരായ കർഷകർക്ക് ഓരോ നാല് മാസത്തിലും 2,000 രൂപ വീതം ലഭിക്കും.

പിഎം-കിസാൻ ഇൻസ്റ്റാൾമെന്റ് സ്റ്റാറ്റസ് എങ്ങനെ പരിശോധിക്കാം?

• https://pmkisan.gov.in എന്ന ഔദ്യോ​ഗിക വെബ്സൈറ്റ് സന്ദർശിക്കുക
• 'നോ യുവർ സ്റ്റാറ്റസ്' എന്ന ഓപ്ഷൻ ക്ലിക്ക് ചെയ്യുക
• നിങ്ങളുടെ രജിസ്ട്രേഷൻ നമ്പറോ, ആധാർ നമ്പറോ നൽകുക
• ഗുണഭോക്തൃ പട്ടികയിൽ നിങ്ങളുടെ പേരുണ്ടോ എന്ന് പരിശോധിക്കുക

എസ്ബിഐ കാർഡ് ഓഫർ മഴ: 20,000 രൂപ വരെ വൗച്ചർ, സൗജന്യ ലോഞ്ച് ആക്‌സസ്; ദീപാവലി ആഘോഷമാക്കാം!

പിഎം കിസാൻ യോജനയ്ക്ക് യോ​ഗ്യത ആർക്ക്?

• ഇന്ത്യൻ പൗരൻമാർക്ക് അപേക്ഷിക്കാം.
• സ്വന്തമായി കൃഷിയോഗ്യമായ ഭൂമി ഉണ്ടായിരിക്കും.
• നിങ്ങൾ ചെറുകിട അല്ലെങ്കിൽ മാർജിനൽ കർഷകനായിരിക്കണം.
• പ്രതിമാസം 10,000 രൂപയോ അതിൽ കൂടുതലോ പെൻഷൻ വാങ്ങുന്ന ആളാകരുത്.
• ആദായ നികുതി ഫയൽ ചെയ്തിട്ടില്ലാത്ത ആളായിരിക്കണം
• അപേക്ഷകൻ ഒരു സ്ഥാപനപരമായ ഭൂവുടമയാകരുത്.

പിഎം കിസാൻ പദ്ധതിക്ക് എങ്ങനെ അപേക്ഷിക്കാം?

• https://pmkisan.gov.in വെബ്സൈറ്റ് തുറക്കാം
• 'പുതിയ കർഷക രജിസ്ട്രേഷൻ' എന്ന ഓപ്ഷൻ ക്ലിക്ക് ചെയ്യുക.
• നിങ്ങളുടെ ആധാർ നമ്പറും കാപ്ചയും നൽകുക
• വിവരങ്ങൾ നൽകി 'അതെ' ക്ലിക്ക് ചെയ്യുക
• ഫോം പൂരിപ്പിച്ച് സമർപ്പിക്കുക, പ്രിന്റ്ഔട്ട് എടുക്കുക.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.