Click it and Unblock the Notifications
പ്രായ വ്യത്യാസമില്ലാതെ നിക്ഷേപിക്കാന് കഴിയുന്ന പോസ്റ്റ് ഓഫീസ് പദ്ധതികളില് ഒന്നാണ് പോസ്റ്റ് ഓഫീസ് മാസ വരുമാന പദ്ധതി. സര്ക്കാര് പദ്ധതിയെ ആശ്രയിക്കുന്നവര്ക്ക് മാസ വരുമാനം നേടാന് സാധിക്കുന്ന മികച്ച പദ്ധതികളുടെ കൂട്ടത്തില് പോസ്റ്റ് ഓഫീസ് മാസ വരുമാന പദ്ധതിയുമുണ്ട്. പോസ്റ്റ് ഓഫീസില് സേവിംഗ്സ് അക്കൗണ്ട് ആരംഭിച്ച് പോസ്റ്റ് ഓഫീസ് മാസ വരുമാന പദ്ധതിയില് നിക്ഷേപം ആരംഭിക്കാം.
മാസത്തില് സേവിംഗ്സ് അക്കൗണ്ടിലേക്ക് പലിശ വരുമാനം എത്തും. മാസ വരുമാനത്തിനൊപ്പം നിക്ഷേപത്തിന് സര്ക്കാറിന്റെ ഗ്യാരണ്ടിയാണ് മറ്റൊരു പ്രത്യേകത. പോസ്റ്റ് ഓഫീസ് മാസ വരുമാന പദ്ധതിയുടെ മറ്റു വിശദാംശങ്ങളും മാസത്തില് എത്ര രൂപ ലഭിക്കുമെന്നും നോക്കാം.
കുറഞ്ഞ നിക്ഷേപം
ചെറിയ തുകയില് പോസ്റ്റ് ഓഫീസ് മാസ വരുമാന പദ്ധതിയില് നിക്ഷേപം ആരംഭിക്കാം. 1,000 രൂപയാണ ചുരുങ്ങിയത് നിക്ഷേപിക്കേണ്ടത്. 100 ന്റെ ഗുണിതങ്ങളായി 4.5 ലക്ഷം രൂപ വരെ വ്യക്തിഗത അക്കൗണ്ടില് നിക്ഷേപിക്കാം. പോസ്റ്റ് ഓഫീസ് മാസ വരുമാന പദ്ധതിയില് വ്യക്തിഗത അക്കൗണ്ടും ജോയിന്റ് അക്കൗണ്ടും തുറക്കാം.
മൂന്ന് പേര്ക്കാണ് ജോയിന്റ് അക്കൗണ്ടില് അംഗമാകാന് സാധിക്കുക. ജോയിന്റ് അക്കൗണ്ടില് 9 ലക്ഷം രൂപ വരെ നിക്ഷേപിക്കാം. നിക്ഷേപത്തിന് അക്കൗണ്ട് ഉടമകള്ക്ക് തുല്യ പങ്കാളിത്താമായിരിക്കും.
പ്രായ പരിധിയില്ല
പോസ്റ്റ് ഓഫീസ് മാസ വരുമാന പദ്ധതിയില് പ്രായ വ്യത്യാസമില്ലാതെ നിക്ഷേപിക്കാം. 10 വയസിന് താഴെ പ്രായമുള്ളവര്ക്ക് വേണ്ടി രക്ഷിതാവിന് അക്കൗണ്ടൈടുക്കാം. 10 വയസിന് മുകളില് പ്രായമുള്ളവര്ക്ക് സ്വന്തം പേരിലും അക്കൗണ്ടെടുക്കാം. ജോയിന്റ് അക്കൗണ്ടില് അംഗമാകാന് 18 വയസ് പൂര്ത്തിയാകണം.
കാലാവധി
പോസ്റ്റ് ഓഫീസ് മാസ വരുമാന പദ്ധതിയുടെ കാലാവധി 5 വര്ഷമാണ. നിക്ഷേപം ആരംഭിച്ച് 1 വര്ഷം പൂര്ത്തിയാകുന്നതിന് മുന്പ് പിന്വലിക്കാന് സാധിക്കില്ല. 1 വര്ഷം പൂര്ത്തിയാക്കി 3 വര്ഷത്തിനുള്ളില് പിന്വലിക്കുമ്പോള് നിക്ഷപിച്ച തുകയില് നിന്ന് 2 ശതമാനം പിഴയായി ഈടാക്കും. 3-5 വര്ഷത്തിനിടെ പിന്വലിച്ചാല് നിക്ഷേപത്തിന്റെ 1 ശതമാനം പിഴ ഈടാക്കും.
പലിശ
7.1 ശതമനമാണ് ജനുവരി- മാര്ച്ച് പാദത്തില് പോസ്റ്റ് ഓഫീസ് മാസ വരുമാന പദ്ധതിക്ക് ലഭിക്കുന്ന പലിശ നിരക്ക്. അക്കൗണ്ട് ആരംഭിച്ച തീയതി കണക്കാക്കി തൊട്ടടുത്ത മാസത്തിലെ അതേദിവസം പലിശ സേവിംഗ്സ് അക്കൗണ്ടിലേക്ക് ക്രെഡിറ്റ് ചെയ്യും. ഉപയോഗിക്കാത്ത പലിശയ്ക്ക് അധിക പലിശ ലഭിക്കില്ല. സേവിംഗ്സ് അക്കൗണ്ടില് സൂക്ഷിച്ചാല് സേവിംഗ്സ് അക്കൗണ്ടിലെ പലിശ ലഭിക്കും.
മാസ വരുമാനം എങ്ങനെ
2 ലക്ഷം രൂപ പോസ്റ്റ് ഓഫീസ് മാസ വരുമാന പദ്ധതിയിൽ നിക്ഷേപിക്കുന്നൊരാൾക്ക് പ്രതിമാസം ലഭിക്കുന്നത് 1,183 രൂപയാണ്. 5 വർഷം വരെ ഈ തുക മുടക്കമില്ലാതെ ലഭിക്കും. 3 ലക്ഷം രൂപയാണ് നിക്ഷേപിച്ചതെങ്കിൽ 1,775 രൂപയാണ് മാസ വരുമാനം.
വ്യക്തിഗത അക്കൗണ്ടിൽ പരമാവധി നിക്ഷേപമായ 4.50 ലക്ഷം രൂപ നിക്ഷേപിച്ചാൽ 7.1 ശതമാനം പലിശ നിരക്കിൽ മാസത്തിൽ 2,662 രൂപ ലഭിക്കും. സംയുക്ത അക്കൗണ്ട് ആരംഭിച്ച് 9 ലക്ഷം രൂപ നിക്ഷേപിച്ചൊരാൾക്ക് ലഭിക്കുന്നത് 5,244 രൂപ ലഭിക്കും. കാലാവധിയിൽ അവസാന മാസത്തെ പലിശ വരുമാനത്തിനൊപ്പം നിക്ഷേപിച്ച തുകയും തിരികെ ലഭിക്കും.
More From GoodReturns
ബെംഗളൂരു മലയാളികൾക്ക് കോളടിച്ചു, ഇനി കുറഞ്ഞ ചിലവിൽ ഭക്ഷണം കിട്ടും, അതും ഏറ്റവും വേഗത്തിൽ
ബെംഗളൂരു മലയാളികളുടെ ശ്രദ്ധയ്ക്ക്; വന്ദേ ഭാരത് സമയക്രമത്തില് മാറ്റം, വിശദാംശങ്ങള്
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
ബെംഗളൂരുവിലും മുംബൈയിലും ഹോട്ടലുകൾ താൽക്കാലിക അടച്ചുപൂട്ടലിലേക്ക്; മലയാളികളടക്കം ആശങ്കയിൽ
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
എഫ്ഡിയ്ക്ക് കൂട്ടുപലിശ; സ്ഥിര നിക്ഷേപം തിരഞ്ഞെടുക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം
ബെംഗളൂരു നിവാസികൾക്ക് ആശ്വാസം, കാത്തിരുന്ന് കാല് വേദനിക്കില്ല, യെല്ലോ ലൈനിൽ ട്രെയിൻ പെട്ടെന്ന് എത്തും
പവന് കുറഞ്ഞത് 7000 രൂപ, ജ്വല്ലറികളിൽ സ്വർണം വാങ്ങാൻ തിരക്കേറുന്നു, ആഭരണം വാങ്ങാൻ 1.5 ലക്ഷം വേണ്ട
23ന് പകരം 47 കിലോമീറ്റർ സഞ്ചരിച്ചിട്ടും 23 മിനിട്ട് നേരത്തെയെത്തി; ബെംഗളൂരുവിലെ ട്രാഫിക് വീണ്ടും ചർച്ചയാകുന്നു
ബെംഗളൂരു: പുതിയ മദ്യനികുതി ഏപ്രില് മുതല്- ഇനി ചിയേഴ്സോ അതോ ടിയേഴ്സോ?
Sign in with Google