നിങ്ങൾക്കും സർക്കാരിൻ്റെ ഒരു വീട് ഉറപ്പ്! പിഎം ആവാസ് യോജനയിൽ അപേക്ഷിക്കേണ്ടത് എങ്ങനെ? യോ​ഗ്യത അറിയാം

സ്വന്തമായൊരു വീട് ഏതൊരാളുടെയും സ്വപ്നമാണ്. എന്നാൽ സാമ്പത്തികമായി ബുദ്ധിമുട്ട് അനുഭവിക്കുന്ന, സ്വന്തമായി വീട് ഇല്ലാത്ത എത്രയോ കുടുംബങ്ങൾ ഇന്നും ഇന്ത്യയിലുണ്ട്. ഇത്തരത്തിൽ യോ​ഗ്യരായ കുടുംബങ്ങൾക്ക് താങ്ങാനാവുന്ന വിലയിൽ വീട് ലഭ്യമാക്കുന്നതിന് കേന്ദ്ര സർക്കാർ ആരംഭിച്ച ഭവന പദ്ധതിയാണ് പ്രധാൻ മന്ത്രി ആവാസ് യോജന (PMAY).

2015 ൽ ആരംഭിച്ച ഈ പദ്ധതി ഗ്രാമീണ, നഗര കുടുംബങ്ങൾക്ക്, പ്രത്യേകിച്ച് സാമ്പത്തികമായി ദുർബലരായവർ (EWS), താഴ്ന്ന വരുമാനക്കാർ (LIG), ഇടത്തരം വരുമാനക്കാർ (MIG) എന്നിവർക്ക് താങ്ങാനാവുന്ന വിലയിൽ വീട് നൽകി.

പിഎംഎവൈ യോഗ്യതാ മാനദണ്ഡം - (അർബൻ)

• സാമ്പത്തികമായി പിന്നാക്കം നിൽക്കുന്ന വിഭാഗം (ഇഡബ്ല്യുഎസ്): 3 ലക്ഷം രൂപ വരെ വാർഷിക വരുമാനമുള്ളതും ഇന്ത്യയിൽ എവിടെയും സ്വന്തമായി ഒരു വീട് ഇല്ലാത്തതുമായ കുടുംബങ്ങൾ.

• താഴ്ന്ന വരുമാനക്കാർ (LIG): 3 ലക്ഷം രൂപയ്ക്കും 6 ലക്ഷം രൂപയ്ക്കും ഇടയിൽ വാർഷിക വരുമാനമുള്ള, സ്വന്തമായി ഒരു വീട് ഇല്ലാത്ത കുടുംബങ്ങൾ.

• ഇടത്തരം വരുമാന ഗ്രൂപ്പ് (MIG-I): പ്രതിവർഷം 6 ലക്ഷം മുതൽ 9 ലക്ഷം രൂപ വരെ വരുമാനമുള്ള, ഒരു വീടില്ലാത്ത കുടുംബങ്ങൾ.

• ചേരിയിൽ താമസിക്കുന്നവർ: നിലവിൽ നഗരപ്രദേശങ്ങളിലെ ചേരികളിലും മറ്റും താമസിക്കുന്ന കുടുംബങ്ങൾക്കും അപേക്ഷിക്കാം.

പിഎംഎവൈ (ഗ്രാമീൺ) യോഗ്യതാ മാനദണ്ഡം

• സാമൂഹിക-സാമ്പത്തിക, ജാതി സെൻസസ് (SECC) ഡാറ്റയിൽ പട്ടികപ്പെടുത്തിയിരിക്കുന്ന കുടുംബങ്ങൾ

• വീടില്ലാത്ത കുടുംബങ്ങൾ അല്ലെങ്കിൽ താത്കാലിക രീതിയിലുള്ള മേൽക്കൂരയുള്ള വീടുള്ളവർ

ആർക്കെല്ലാം അപേക്ഷിക്കാൻ സാധിക്കില്ല?

• സ്വന്തമായൊരു വീടുള്ളവർ
• ഇരുചക്ര വാഹനം, മുച്ചക്ര വാഹനം, കാർ തുടങ്ങിയ സ്വന്തമായുള്ളവർക്ക് അപേക്ഷിക്കാൻ സാധിക്കില്ല.
• സ്വന്തമായി യന്ത്രവൽകൃത കാർഷിക ഉപകരണങ്ങൾ ഉള്ളവർക്ക്
• 50,000 രൂപയോ അതിൽ കൂടുതലോ ക്രെഡിറ്റ് പരിധിയുള്ള ഒരു കിസാൻ ക്രെഡിറ്റ് കാർഡ് കൈവശം വെക്കുന്നവർക്ക്.
• വീട്ടിൽ സർക്കാർ ജീവനക്കാരുണ്ടെങ്കിൽ
• സർക്കാരിൽ രജിസ്റ്റർ ചെയ്ത ഒരു കാർഷികേതര സംരംഭം നടത്തുവർക്ക്
• ആദായനികുതി അല്ലെങ്കിൽ പ്രൊഫഷണൽ നികുതി അടയ്ക്കുന്നവർക്ക്

ഒരു റഫ്രിജറേറ്റർ, ലാൻഡ്‌ ഫോൺ, 2.5 ഏക്കറോ അതിൽ കൂടുതലോ ജലസേചന സൗകര്യമുള്ള ഭൂമി, ജലസേചന സൗകര്യമുള്ള 5 ഏക്കറോ അതിൽ കൂടുതലോ ഭൂമിയുള്ളവർ തുടങ്ങിയവർക്കും ഈ പദ്ധതിയിൽ അപേക്ഷിക്കാൻ സാധിക്കില്ല. എങ്കിലും ഇതിനായി ഓൺലൈനായി എങ്ങനെ അപേക്ഷിക്കാമെന്ന് പരിശോധിക്കാം;

പിഎം ആവാസ് യോജന (PMAY) ഓൺലൈനായി എങ്ങനെ അപേക്ഷിക്കാം?

പ്രധാനമന്ത്രി ആവാസ് യോജനയിൽ രണ്ട് രീതിയിൽ അപേക്ഷിക്കാം. അതായത് അർബൻ (PMAY-U) ഉം ഗ്രാമീൺ (PMAY-G) ഉം അപേക്ഷിക്കുന്ന പ്രക്രിയ വ്യത്യസ്തമാണ്. രണ്ടും വിശദമായി അറിയാം;

പിഎംഎവൈ-അർബൻ (PMAY-U) അപേക്ഷിക്കുന്നത് എങ്ങനെ?

• ആദ്യം PMAY-U 2.0 ഔദ്യോഗിക വെബ്സൈറ്റ് സന്ദർശിക്കുക.
• അതിൽ 'PMAY-U 2.0-ന് അപേക്ഷിക്കുക' എന്ന ഓപ്ഷൻ തിരഞ്ഞെടുക്കുക
• മാർഗ്ഗനിർദ്ദേശങ്ങൾ വായിച്ച് 'തുടരാൻ ക്ലിക്കുചെയ്യുക' ഓപ്ഷൻ തിരഞ്ഞെടുക്കാം
• നിങ്ങളുടെ ആവശ്യമായ എല്ലാ രേഖകളും തയ്യാറാക്കി വച്ചതിന് ശേഷം 'തുടരുക'എന്ന് ക്ലിക്ക് ചെയ്യുക
• യോഗ്യതാ ഫോം പൂരിപ്പിച്ച് 'യോഗ്യതാ പരിശോധന' എന്ന് ക്ലിക്ക് ചെയ്യുക .
• ശേഷം നിങ്ങളുടെ ആധാർ നമ്പർ നൽകി OTP ഉപയോഗിച്ച് അത് പരിശോധിക്കുക.
• പരിശോധിച്ചുറപ്പിച്ചുകഴിഞ്ഞാൽ, ആവശ്യമായ എല്ലാ വിശദാംശങ്ങളും കൃത്യമായി നൽകുക.
• ഇനി ആവശ്യമായ രേഖകൾ അപ്‌ലോഡ് ചെയ്ത് കാപ്‌ച കോഡ് നൽകുക .
• നിങ്ങളുടെ അപേക്ഷ പൂർത്തിയാക്കാൻ 'സേവ്'ക്ലിക്ക് ചെയ്യുക . നിങ്ങളുടെ രേഖകൾക്കായി ഫോം പ്രിന്റ് ചെയ്യാം.

തട്ടിപ്പ് ഇനി നടക്കില്ല! സർക്കാരിന്റെ സഞ്ചാർ സാഥി ആപ്പ് എത്തി: ഇത് നിർബന്ധമായും ഡൗൺലോഡ് ചെയ്യണോ?

പിഎംഎവൈ-ഗ്രാമീൺ (PMAY-G) ന് അപേക്ഷിക്കാം

• PMAY-Gയുടെ ഔദ്യോഗിക വെബ്സൈറ്റ് സന്ദർശിക്കുക.

• നിങ്ങളുടെ സ്വകാര്യ വിവരങ്ങൾ പൂരിപ്പിച്ച് സമ്മതപത്രം അപ്‌ലോഡ് ചെയ്യുക, തുടർന്ന് 'സെർച്ച്' എന്ന് ക്ലിക്ക് ചെയ്യുക .

• സെർച്ച് ചെയ്യുമ്പോൾ നിങ്ങളുടെ പേര് തിരഞ്ഞെടുത്ത് 'രജിസ്റ്റർ ചെയ്യാൻ തിരഞ്ഞെടുക്കുക' എന്ന ഓപ്ഷൻ ക്ലിക്ക് ചെയ്യുക .

• ഗുണഭോക്തൃ വിവരങ്ങൾ ഓട്ടോമാറ്റിക്കലി പൂരിപ്പിക്കപ്പെടും. പക്ഷേ ബാങ്ക് അക്കൗണ്ട്, സ്കീം കൺവെർജൻസ് വിശദാംശങ്ങൾ നേരിട്ട് ചേർക്കുക.

ഇത്രയും കാര്യങ്ങൾ പൂർത്തിയാക്കിയാൽ നിങ്ങൾ യോ​ഗ്യരാണെങ്കിൽ തീർച്ചയായും ഉറപ്പുള്ള ഒരു സ്വപ്ന ഭവനം സ്വന്തമാക്കാം.