അധിക ചെലവില്ല; സ്വകാര്യ കമ്പനി ജീവനക്കാരൻ 58-ാം വയസില്‍ വിരമിക്കുമ്പോള്‍ 7,071 രൂപ പെൻഷൻ നേടാം; വഴിയിതാ

ജോലിക്കുള്ള സുരക്ഷിതത്വവും ആനുകൂല്യങ്ങളും തന്നെയാണ് സര്‍ക്കാര്‍ മേഖലയിലെ തൊഴിലവസരങ്ങളില്‍ മത്സരം കടുക്കാനുള്ള കാരണം. സ്വകാര്യ മേഖലയിലെ മികച്ച കമ്പനികളില്‍ ജോലി ലഭിച്ചാലും മെച്ചപ്പെട്ട ആനുകൂല്യങ്ങള്‍ ലഭിക്കും. സ്വകാര്യ മേഖലയിലെ ജീവനക്കാരുടെ ഉന്നമനത്തിനായി വിവിധ പദ്ധതികൾ സർക്കാർ നടപ്പിലാക്കുന്നുണ്ട്. ഇത്തരത്തിലൊന്നാണ് എംപ്ലോയീസ് പ്രൊവിഡന്റ് ഫണ്ട് (ഇപിഎഫ്).

സ്വകാര്യ മേഖലയില്‍ ജോലി ചെയ്യുന്ന മിക്ക തൊഴിലാളികള്‍ക്കും എംപ്ലോയീസ് പ്രൊവിഡന്റ് ഫണ്ട് ഗുണഭോക്താക്കളായിരിക്കും. ഇതുവഴി അധിക ചെലവില്ലാതെ നല്ലൊരു വിരമിക്കല്‍ കാല നിധിയും മാസ പെന്‍ഷനും നേടാന്‍ സ്വകാര്യ മേഖലയിലെ തൊഴിലാളികള്‍ക്കും സാധിക്കും. എങ്ങനെ ഇപിഎഫ് പ്രവര്‍ത്തിക്കുന്നുവെന്നും എത്ര രൂപ പെന്‍ഷന്‍ നേടാന്‍ സാധിക്കുമെന്നും നോക്കാം.

എംപ്ലോയീസ് പ്രൊവിഡന്റ് ഫണ്ട്

തൊഴിലുടമകളും ജീവനക്കാരനും ചേർന്ന് സംഭാവന നൽകി പ്രവർത്തിക്കുന്നൊരു റിട്ടയർമെന്റ് സേവിം​ഗ്സ് സംവിധാനമാണ് ഇപിഎഫ്. കുറഞ്ഞത് 20 തൊഴിലാളികളുള്ള കമ്പനികൾ ജീവനക്കാര്‍ക്കായി ഇപിഎഫ് അക്കൗണ്ടുകള്‍ ആരംഭിക്കണം. 20-ല്‍ താഴെ ജീവനക്കാരുടെ കമ്പനികളും ഇപിഎഫ് അക്കൗണ്ടുകൾ ആരംഭിക്കാൻ സഹായിക്കുന്നുണ്ട്. 

ഇപിഎഫ് പ്രവർത്തനം

ഇപിഎഫ്, ഇപിഎസ് എന്നിങ്ങനെ 2 തരത്തിലാണ് ഇവയുടെ പ്രവർത്തനം. ജീവനക്കാരന്റെ അടിസ്ഥാന ശമ്പളവും ക്ഷാമബത്തയും അടങ്ങിയ തുകയുടെ നിശ്ചിത ശതമാനമാണ് പ്രൊവിഡന്റ് ഫണ്ടിലേക്കുള്ള വിഹിതം. തൊഴിലാളിയും തൊഴിലുടമയും ചേര്‍ന്ന് അടിസ്ഥാന ശമ്പളവും ക്ഷാമബത്തയും ചേര്‍ന്ന തുകയുടെ ആകെ 24 ശതമാനം മാസത്തില്‍ പിഎഫില്‍ അടക്കണം.

Also Read: 

തൊഴിലാളിയുടെ 12 ശതമാനം ഇപിഎഫ് നിക്ഷേപത്തിലേക്ക് പോകും. തൊഴിലുടമ നിക്ഷേപിക്കുന്ന 12 ശതമാനത്തില്‍ നിന്ന് 8.33 ശമാനം എംപ്ലോയീസ് പെന്‍ഷന്‍ പദ്ധതിയിലേക്കും ബാക്കി വരുന്ന 3.67 ശതമാനം മാത്രമാണ് ഇപിഎഫ് നിക്ഷേപത്തിലേക്കും മാറ്റും. വർഷത്തിൽ ഇപിഎഫ് പലിശ നിരക്ക് പുനഃപരിശോധിക്കും. നിലവിൽ 8.1 ശതമാനമാണ് പലിശ നിരക്ക്. പെൻഷൻ പദ്ധതിയിലേക്ക് പോകുന്ന തുകയ്ക്ക് പലിശ ലഭിക്കില്ല. 

തൊഴിലാളിയുടെ 12 ശതമാനം ഇപിഎഫ് നിക്ഷേപത്തിലേക്ക് പോകും. തൊഴിലുടമ നിക്ഷേപിക്കുന്ന 12 ശതമാനത്തില്‍ നിന്ന് 8.33 ശമാനം എംപ്ലോയീസ് പെന്‍ഷന്‍ പദ്ധതിയിലേക്കും ബാക്കി വരുന്ന 3.67 ശതമാനം മാത്രമാണ് ഇപിഎഫ് നിക്ഷേപത്തിലേക്കും മാറ്റും. വർഷത്തിൽ ഇപിഎഫ് പലിശ നിരക്ക് പുനഃപരിശോധിക്കും. നിലവിൽ 8.1 ശതമാനമാണ് പലിശ നിരക്ക്. പെൻഷൻ പദ്ധതിയിലേക്ക് പോകുന്ന തുകയ്ക്ക് പലിശ ലഭിക്കില്ല.

1 കോടി നേടുന്നത് എങ്ങനെ

28-ാം വയസില്‍ 16,000 രൂപ അടിസ്ഥാന ശമ്പളമുള്ള ജോലിക്ക് കയറിയ വ്യക്തി പ്രതിമാസം 12 ശതമാനം ഇപിഎഫിലേക്ക് മാറ്റിയാല്‍ 58-ാം വയസില്‍ ലഭിക്കുന്ന തുക എത്രയാണെന്ന് നോക്കാം. ഇതേ ശമ്പളത്തിന് 58-ാം വയസ് വരെ ജോലിയെടുത്താല്‍ 8.1 ശതമാനം പലിശ നിരക്കില്‍ കാലാവധിയില്‍ 56.37 ലക്ഷം രൂപ ലഭിക്കും. വര്‍ഷത്തില്‍ 10 ശതമാനം ശമ്പള വര്‍ധനവ് പ്രതീക്ഷിച്ചാല്‍ 1.83 കോടി രൂപ 58-ാം വയസില്‍ സ്വന്തമാക്കാം.

പെൻഷൻ കണക്കാക്കുന്നത്

എംപ്ലോയീസ് പെൻഷൻ സ്കീം പ്രകാരം പെന്‍ഷന്‍ കണക്കാക്കുന്നതിനുള്ള ഫോര്‍മുല 'പെന്‍ഷനബിള്‍ ശമ്പളം X പെന്‍ഷനബിള്‍ സേവനം)/70' എന്നാണ്. വിരമിക്കല്‍ തീയതിയിക്ക് മുന്‍പുള്ള 60 മാസത്തെ ശരാശരി പെന്‍ഷന്‍ ശമ്പളം ഉപയോഗിച്ചാണ് ഇപിഎസ് പെന്‍ഷന്‍ നിശ്ചയിക്കുന്നത്. ഉദാഹരണമായി 25-ാം വയസിൽ ജോലി തുടങ്ങിയ വ്യക്തി ഇപിഎപ് വിഹിതം അടയ്ക്കുകയും 58-ാം വയസിൽ വിരമിക്കുകയും ചെയ്താൽ പ്രതിമാസം 7,071 രൂപ പെൻഷൻ ലഭിക്കും.

നേരത്തെ പിൻവലിക്കൽ

ഇപിഎഫ്ഒയിൽ രജിസ്റ്റർ ചെയ്ത വ്യക്തി 10 വർഷത്തെ സേവനം പൂർത്തിയാക്കിയാൽ 50-ാം വയസിലും നേരത്തെ പെൻഷൻ പിൻവലിക്കാൻ സാധിക്കും. 58 വയസിന് താഴെ ആണെന്നതിനാൽ കുറഞ്ഞ പലിശ നിരക്കിലാണ് പെൻഷൻ ലഭിക്കുക. 58 വയസെത്തുന്നതിന് മുൻപ് 10 വർഷം സർവീസ് പൂർത്തിയാക്കിയിട്ടില്ലാത്ത വ്യക്തി മുഴുവൻ പിൻവലിക്കുന്നതിന് 10സി ഫോം ഉപയോഗിക്കാം. ഇത്തരക്കാർക്ക് പെൻഷന് യോ​ഗ്യതയുണ്ടാകില്ല.