ഒറ്റത്തവണ നിക്ഷേപിച്ചാൽ ജീവിതം കുശാൽ; ജീവിത കാലത്തോളം 14,000 രൂപ മാസ പെൻഷൻ ഉറപ്പ്; സുരക്ഷിത പദ്ധതി നോക്കുന്നോ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

40 വയസ് കഴിഞ്ഞൊരാൾക്ക് ജീവിത ചെലവ് കൂടുന്ന സമയമാണ്. മക്കളുടെ ഉന്നത വിദ്യാഭ്യാസം, വിവാഹം, വീട് ഇഎംഐ എന്നിവയെല്ലാം കടന്നു വരുന്നത് നാല്പതുകൾക്ക് ശേഷമാണ്. സാധാരണക്കാരായ ഒരാളുടെ വരുമാനം ഈ ചെലവുകളെ നേരിടാൻ മാത്രമുള്ളതാകണമെന്നില്ല. ഒപ്പം വിരമിക്കൽ കാലത്തിന് ശേഷം വരുമാനം കണ്ടെത്തലും സാധാരണക്കാർക്ക് പ്രയാസമാണ്.

 

ഇതിനാൽ 40 കഴിഞ്ഞൊരാൾക്ക് മാസ വരുമാനം നേടാൻ പറ്റിയൊരു പദ്ധതിയാണ് ചുവടെ വിശദീകരിക്കുന്നത്. നിക്ഷേപിച്ചതിന് തൊട്ടടുത്ത മാസം മുതൽ മാസ വരുമാനം ലഭിക്കുകയും ഇത് ജീവിത കാലത്തോളം തുടരുകയും ചെയ്യും എന്നതാണ് പദ്ധതിയുടെ നേട്ടം.

സരൾ പെൻഷൻ യോജന

സരൾ പെൻഷൻ യോജന

ലൈഫ് ഇൻഷൂറൻസ് കോർപ്പറേഷൻ നടപ്പാക്കുന്ന പെൻഷൻ പദ്ധതിയാണ് സരൾ പെൻഷൻ യോജന. ഇൻഷൂറൻസ് റ​ഗുലേറ്ററി ആൻഡ് ഡെലവപ്മെന്റ് അതോറിറ്റിയാണ് പദ്ധതിയുടെ മാർ​ഗ നിർദ്ദേശങ്ങൾ പുറപ്പെടുവിക്കുന്നത്. 40 വയസിനും 80 വയസിനും ഇടയിൽ പ്രായമുള്ളവർക്കാണ് സരൾ പെൻഷൻ യോജനയുടെ ആനുകൂല്യം ലഭിക്കുക.

സിം​ഗിൽ പ്രീമിയം പോളിസിയാണിത്. ആന്യുറ്റിയായാണ് മാസ വരുമാനം ലഭിക്കുക. ന ഇമ്മിഡിയേറ്റ് ആന്യുറ്റി പ്ലാൻ ആയതിനാൽ പദ്ധതിയിൽ ചേർന്ന് തൊട്ടടുത്ത മാസം മുതൽ മാസ വരുമാനം ലഭിക്കും.

ചുരുങ്ങിയ നിക്ഷേപം

ചുരുങ്ങിയത് 2 ലക്ഷത്തിന് മുകളിലുള്ള തുക പോളിസിയിൽ നിക്ഷേപിക്കണം. ആന്യുറ്റി തുക മാസത്തിലോ, ത്രൈമാസത്തിലോ അര്‍ധ വര്‍ഷത്തിലോ വര്‍ഷത്തിലോ വാങ്ങാൻ സാധിക്കും. ചുരുങ്ങിയ തുക നിക്ഷേപിക്കുന്നൊരാൾക്ക് വര്‍ഷത്തില്‍ 12,000 രൂപയാണ് കുറഞ്ഞ പെന്‍ഷനായി ലഭിക്കുക. പദ്ധതി കാലായളവിൽ പോളിസി ഉടമ മരിച്ചാൽ നിക്ഷേപിച്ച തുക നോമിനിക്ക് തിരികെ ലഭിക്കും. പദ്ധതിയുടെ മറ്റൊരു പ്രത്യേകത സിം​ഗിൾ ലൈഫ് അന്യുറ്റി, ജോയിന്റ് ലൈഫ് ആന്യുറ്റി എന്നിവയാണ്. 

സിം​ഗിൾ ലൈഫ്, ജോയിന്റ് ലൈഫ്

സിം​ഗിൾ ലൈഫ്, ജോയിന്റ് ലൈഫ്

എൽഐസി സരൾ പെൻഷൻ പദ്ധതിയിൽ രണ്ട് തരത്തിൽ ആന്യുറ്റി തുക ലഭിക്കും. ഇത് സിം​ഗിൾ ലൈഫ് ആന്യുറ്റി ജോയിന്റ് ലൈഫ് ആന്യുറ്റി എന്നിങ്ങനെയാണ് അറിയപ്പെടുന്നത്. ജീവിത കാലം മുഴുവൻ പെൻഷൻ വാങ്ങുകയും മരണ ശേഷം നിക്ഷേപിച്ച തുക അവകാശിക്ക് കൈമാറുന്നതുമാണ് സിം​ഗിൾ ലൈഫ് ആന്യുറ്റിയിലെ രീതി.

ഭാര്യ ഭർത്താക്കന്മാർക്ക് ജോയിന്റ് ലൈഫ് ആന്വിറ്റിയില്‍ ചേരാം. ഒരാളുടെ മരണ ശേഷം പങ്കാളിക്ക് പെൻഷൻ തുടർന്ന് ലഭിക്കും. രണ്ട് പേരുടെയും മരണ ശേഷം പോളിസി വിലയുടെ 100 ശതമാനം (നിക്ഷേപിച്ച തുക) അവകാശിക്ക് തിരികെ നൽകും. 

മാസത്തിൽ 14,000 ലഭിക്കുന്ന്ത് എങ്ങനെ

മാസത്തിൽ 14,000 ലഭിക്കുന്ന്ത് എങ്ങനെ

പോളിസിയിൽ ചേരുന്നയാളുടെ പ്രായം, പോളിസിയിൽ നിക്ഷേപിക്കുന്ന തുക എന്നിവയെ അടിസ്ഥാനമാക്കിയാണ് ആന്യുറ്റി തുക വരുന്നത്.
40 വയസ് പ്രായമുള്ളയാൾ സരൾ പെൻഷൻ പ്ലാനിന്റെ സിം​ഗിൾ ലൈഫ് ആന്വിറ്റി തിരഞ്ഞെടുത്ത് 30 ലക്ഷം രൂപയ്ക്ക് പോളിസി വാങ്ങുമ്പോൾ മാസത്തിൽ 12,363 രൂപയാണ് ജീവിത കാലം മുഴുവൻ ലഭിക്കുക.

വർഷത്തിൽ 1,53,000 രൂപയും. ത്രൈമാസത്തിൽ 37,350 രൂപയും അർധ വർഷത്തിൽ 75,225 രൂപയും ലഭിക്കും. 60 വയസുകാരന്‍ 30 ലക്ഷം നിക്ഷേപിച്ചാൽ സിംഗിിൾ ലൈഫ് ആന്യുിറ്റി പ്രകാരം ജീവിതകാലം മുഴുവൻ മാസത്തിൽ 14,328 ലഭിക്കും. 

പെന്‍ഷന്‍

60 വയസിൽ 10 ലക്ഷം രൂപയുമായി സിം​ഗിൾ ലൈഫ് ആന്യുറ്റി പ്ലാനില്‍ നിക്ഷേപിക്കുന്നയാള്‍ക്ക് വര്‍ഷത്തില്‍ ലഭിക്കുന്ന പെന്‍ഷന്‍ 58,950 രൂപയാണ്. മാസ ആന്യുറ്റി തിരഞ്ഞെടുത്താല്‍ 4,900 രൂപയോളം ലഭിക്കും. ജോയിന്റ് ലൈഫ്ലൈഫ് ആന്യുറ്റി തിരഞ്ഞെടുത്താൽ വർഷത്തിൽ ലഭിക്കുന്ന ആന്യുറ്റി തുക 58,250 രൂപയാണ്.

Read more about: pension lic
English summary

Saral Pension Calculator; Buy Policy By 30 Lakh Rs Get Monthly Pension Of Rs 14,000 For Life Long | 30 ലക്ഷം രൂപയ്ക്ക് സരൾ പെൻഷൻ പോളിസി വാങ്ങുന്നൊരാൾക്ക് ജീവിത കാലം മുഴുവൻ മാസത്തിൽ 14,000 രൂപ പെൻഷൻ വാങ്ങാം

Saral Pension Calculator; Buy Policy By 30 Lakh Rs Get Monthly Pension Of Rs 14,000 For Life Long, Read In Malayalam
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X