Click it and Unblock the Notifications
മാസത്തിൽ ചെറിയ തുക നിക്ഷേപിച്ച് സമ്പാദിക്കാൻ ആഗ്രഹിക്കുന്നവരായിരിക്കും സാധാരണക്കാരിൽ ഭൂരിഭാഗവും. ദിവസത്തിലോ മാസത്തിലോ നീക്കിവെയ്ക്കുന്ന തുക ഉപയോഗിച്ച് ഇനി വലിയ സ്വപ്നങ്ങൾ കാണാം. രാജ്യത്തെ ഏറ്റവും വലിയ ഇൻഷൂറൻസ് സ്ഥാപനമായ ലൈഫ് ഇൻഷൂറൻസ് കോർപ്പറേഷന്റെ സമ്പാദ്യവും ഇൻഷൂറൻസ് പരിരക്ഷയും ചേർന്നുള്ള പോളിസികൾ സാധാരണക്കാർക്ക് കൂടുതൽ സഹായമാകുന്നവയാണ്. ദിവസത്തിൽ 30 രൂപ മാറ്റിവെച്ചാൽ 3.90 ലക്ഷം രൂപ നേടാൻ സാധിക്കുന്നൊരു പോളിസിയെ പറ്റിയാണ് ചുവടെ വിശദമാക്കുന്നത്.
എല്ഐസി ആധാര് സ്തംഭം
എല്ഐസി ആധാര് സ്തംഭം ഒരു നോണ് ലിങ്ക്ഡ്, പ്രോഫിറ്റ് എന്ഡൗമെന്റ് അഷ്വറന്സ് ലൈഫ് ഇന്ഷൂറന്സ് പ്ലാനാണ്. ആധാര് കാര്ഡുള്ള പുരുഷന്മാര്ക്ക് മാത്രമാണ് ഈ പദ്ധതിയില് ചേരാന് സാധിക്കുക. 8 വയസ് മുതല് 55 വയസ് പ്രായമുള്ളവര്ക്ക് ചേരാന് സാധിക്കുന്ന പോളിസിയാണിത്. 70 വയസ് വരെയാണ് പരമാവധി പോളിസി കാലാവധി.
ഏറ്റവും കുറഞ്ഞ സം അഷ്വേഡ് തുക 75,000 രൂപയാണ്. പരമാവധി 3 ലക്ഷം രൂപയ്ക്ക് വരെ പോളിസി വാങ്ങാന് സാധിക്കും. 10 വര്ഷം മുതല് 20 വര്ഷം വരെ കാലയളവില് പോളിസി തിരഞ്ഞെടുക്കാം. പോളിസി കാലയളവും പ്രീമിയം അടവ് കാലയളവും തുല്യമായിരിക്കും. പോളിസി അനുവദിക്കുന്ന ദിവസം മുതല് റിസ്ക് കവറേജ് ലഭിക്കും. പ്ലാനിന്റെ പ്രീമിയം മാസത്തിലോ ത്രൈമാസത്തിലോ അര്ധ വര്ഷത്തിലോ വര്ഷത്തിലോ അടയ്ക്കാം.
മറ്റു പ്രത്യേകതകൾ
പോളിസിയില് ചേര്ന്നൊരാള്ക്ക് മുന്നോട്ട് കൊണ്ടു പോകാന് താല്പര്യമില്ലെങ്കില് ഫ്രീ ലുക്ക് പിരിയഡിനുള്ളില് പോളിസിയില് നിന്ന് ഒഴിയാം. 15 ദിവസമാണ് ഫ്രീ ലുക്ക് പിരിയഡായി അനുവദിക്കുന്നത്. അടച്ച പ്രീമിയം തുക തിരികെ ലഭിക്കും.
വര്ഷത്തിലോ അര്ധ വര്ഷത്തിലോ ത്രൈമാസത്തിലോ പോളിസി പ്രീമിയം അടയ്ക്കുന്നവരാണെങ്കില് 30 ദിവസത്തെ ഗ്രേസ് പിരിയഡ് പ്രീമിയം അടയ്ക്കാന് ലഭിക്കും, മാസത്തില് പ്രീമിയം അടയ്ക്കുന്നവര്ക്ക് 15 ദിവസമാണ് ഗ്രേസ് പിരിയഡ. 3 വര്ഷം പ്രീമിയം അടച്ച ശേഷം വായ്പയ്ക്ക് അപേക്ഷിക്കാനാകും.
മരണാനുകൂല്യം & സര്വൈവല് ബെനഫിറ്റ്
പോളിസി കാലാവധിക്കുള്ളില് പോളിസി ഉടമയ്ക്ക് മരണം സംഭവിക്കുകയാണെങ്കില് നോമിനിക്ക് മരണാനുകൂല്യം ലഭിക്കും. ഭാവിയിലേക്കുള്ള സാമ്പത്തിക ചെലവുകളെ നേരിടാന് ഈ തുക ഉപകരിക്കും. സം അഷ്വേഡ് ഓണ് ഡെത്തും ലോയറ്റി അഡിഷനും ചേര്ത്ത തുകയാണ് മരണാനുകൂല്യമായി ലഭിക്കുക.
ഈ തുക അടച്ച ആകെ പ്രീമിയത്തിന്റെ 105 ശതമാനമാനത്തില് കൂടുതലായിരിക്കും. എല്ഐസി ആധാര് സ്തംഭം പോളിസി തിരഞ്ഞെടുക്കുന്നൊരാള് പ്രീമിയം മുഴുവന് അടച്ച് പോളിസി കാലാവധി പൂര്ത്തിയാക്കുകയാണെങ്കില് നല്ലൊരു തുക സമ്പാദ്യമായി കയ്യിലെത്തും. സം അഷ്വേഡും കൂടെ ലോയല്റ്റി അഡിഷനും ചേര്ത്താണ് കാലാവധിയില് തുക അനുവദിക്കുക.
പോളിസി കാൽക്കുലേറ്റർ
20 വയസുള്ള വ്യക്തി 20 വര്ഷ പോളിസി കാലാവധിയില് 3 ലക്ഷം രൂപ സം അഷ്വേഡുള്ള പോളിസി വാങ്ങിയാല് വാര്ഷിക പ്രീമിയം വരുന്നത് 10,821 രൂപയാണ്. അർധ വർഷത്തിൽ 5,468 രൂപയും ത്രൈമാസത്തിൽ 2763 രൂപയുമാണ് പ്രീമിയം അടവ് വരുന്നത്. മാസത്തിൽ പ്രീമിയം അടയ്ക്കുന്ന വ്യക്തി ആദ്യ വർഷം 921 രൂപയും പിന്നീട് മാസത്തില് 901 രൂപയുമാണ് അടയ്ക്കേണ്ടത്.
ഇത് പ്രകാരം ദിവസത്തിൽ മാറ്റിവെയ്ക്കേണ്ടത് 30 രൂപ മാത്രമാണ്. കാലാവധിയോളം പ്രീമിയം അടയ്ക്കുന്നൊരാള്ക്ക് 2.20 ലക്ഷം രൂപയോളം മാത്രമാണ് പ്രീമിയം അടയ്ക്കുന്നത്.
കാലാവധിയില് സം അഷ്വേഡിനൊപ്പം ലോയല്റ്റി അഡിഷനും ചേര്ത്താണ് മെച്യൂരിറ്റി ബെനഫിറ്റ് ലഭിക്കുക. നിക്ഷേപിക്കുന്ന തുകയില് നിന്ന് 4.50 ശതമാനം വാര്ഷിക ആദായം പ്രതീക്ഷിച്ചാല് 97,500 രൂപ ലോയല്റ്റി അഡിഷന്സ് ലഭിക്കും. ഇതനുസരിച്ച് കാലാവധി പൂര്ത്തിയാകുമ്പോൾ 3,97,500 രൂപ ലഭിക്കും.
More From GoodReturns
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
ബെംഗളൂരു മലയാളികളുടെ ശ്രദ്ധയ്ക്ക്; വന്ദേ ഭാരത് സമയക്രമത്തില് മാറ്റം, വിശദാംശങ്ങള്
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
എഫ്ഡിയ്ക്ക് കൂട്ടുപലിശ; സ്ഥിര നിക്ഷേപം തിരഞ്ഞെടുക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം
പവന് കുറഞ്ഞത് 7000 രൂപ, ജ്വല്ലറികളിൽ സ്വർണം വാങ്ങാൻ തിരക്കേറുന്നു, ആഭരണം വാങ്ങാൻ 1.5 ലക്ഷം വേണ്ട
ബെംഗളൂരു നിവാസികൾക്ക് ആശ്വാസം, കാത്തിരുന്ന് കാല് വേദനിക്കില്ല, യെല്ലോ ലൈനിൽ ട്രെയിൻ പെട്ടെന്ന് എത്തും
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
പശ്ചിമേഷ്യന് സംഘര്ഷം; ഇന്ത്യന് ഓഹരി വിപണിയ്ക്ക് എന്ത് സംഭവിക്കും, എസ്ഐപി നിര്ത്തേണ്ടതുണ്ടോ?
23ന് പകരം 47 കിലോമീറ്റർ സഞ്ചരിച്ചിട്ടും 23 മിനിട്ട് നേരത്തെയെത്തി; ബെംഗളൂരുവിലെ ട്രാഫിക് വീണ്ടും ചർച്ചയാകുന്നു
ബെംഗളൂരു: പുതിയ മദ്യനികുതി ഏപ്രില് മുതല്- ഇനി ചിയേഴ്സോ അതോ ടിയേഴ്സോ?
Sign in with Google