എസ്ബിഐ എടിഎം ഇടപാടുകളുടെ ചാര്‍ജ് പുതുക്കി, ചെക്കുബുക്കുകള്‍ക്കും പുതിയ നിരക്ക്; മാറ്റങ്ങള്‍ അടുത്ത മാസം മുതല്‍

എടിഎമ്മുകളില്‍ നിന്നും ബാങ്ക് ശാഖകളില്‍ നിന്നുമുള്ള പണം പിന്‍വലിക്കലുകളുടെ സര്‍വിസ് ചാര്‍ജുകള്‍ പുതുക്കി നിശ്ചയിച്ച് സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ).

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

എടിഎമ്മുകളില്‍ നിന്നും ബാങ്ക് ശാഖകളില്‍ നിന്നുമുള്ള പണം പിന്‍വലിക്കലുകളുടെ സര്‍വിസ് ചാര്‍ജുകള്‍ പുതുക്കി നിശ്ചയിച്ച് സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ). ചെക്ക്ബുക്ക്, പണ കൈമാറ്റം, മറ്റ് സാമ്പത്തീക ഇതര ഇടപാടുകള്‍ എന്നിവയുടെ നിരക്കുകളിലും മാറ്റം വരുത്തിയിട്ടുണ്ടെന്ന് എസ്ബഐയുടെ വെബ്‌സൈറ്റില്‍ വ്യക്തമാക്കുന്നു. 2021 ജൂലൈ 1 മുതല്‍ പുതിയ നിരക്കുകള്‍ പ്രാബല്യത്തില്‍ വരും. ബേസിക് സേവിംഗ്‌സ് ബാങ്ക് ഡെപ്പോസിറ്റു(ബിഎസ്ബിഡി)കള്‍ക്കാണ് പുതിയ നിരക്ക് ബാധകമാകുന്നത്.

 
എസ്ബിഐ എടിഎം ഇടപാടുകളുടെ ചാര്‍ജ് പുതുക്കി, ചെക്കുബുക്കുകള്‍ക്കും പുതിയ നിരക്ക്

സീറോ ബാലന്‍സ് അക്കൗണ്ട് എന്നാണ് എസ്ബിഐ ബിഎസ്ബിഡി അക്കൗണ്ടുകള്‍ അറിയപ്പെടുന്നത്. സമൂഹത്തിലെ സാമ്പത്തീകമായ ദുര്‍ബലവിഭാഗത്തിലുള്ളവരെ ലക്ഷ്യമിട്ടുള്ളവയാണ് സീറോ ബാലന്‍സ് അക്കൗണ്ടുകള്‍. സാധാരണ സേവിംഗ്‌സ് അക്കൗണ്ടുകളുടെ അതേ പലിശ നിരക്കാണ് സീറോ ബാലന്‍സ് അക്കൗണ്ടുകള്‍ക്കും ബാങ്ക് വാഗ്ദാനം ചെയ്യുന്നത്.

 

രണ്ട് രൂപാ കോയിന്‍ നല്‍കൂ , പകരം ലഭിക്കുന്നത് 5 ലക്ഷം രൂപരണ്ട് രൂപാ കോയിന്‍ നല്‍കൂ , പകരം ലഭിക്കുന്നത് 5 ലക്ഷം രൂപ

ഒരു മാസത്തില്‍ നാല് തവണ അധിക നിരക്കുകള്‍ ഇല്ലാതെ സൗജന്യമായി പണം പിന്‍വലിക്കുവാന്‍ ഉപയോക്താക്കള്‍ക്ക് സാധിക്കും. സൗജന്യ ഇടപാടുകള്‍ക്കുള്ള നിശ്ചിത പരിധി കടന്നാല്‍ തുടര്‍ന്നുള്ള ഓരോ പിന്‍വലിക്കലുകള്‍ക്കും ബാങ്ക് ചാര്‍ജ് ഈടാക്കും. ബാങ്ക് ശാഖകളില്‍ നിന്നായാലും എടിഎമ്മുകളില്‍ നിന്നായാലും ഈ ചാര്‍ജുകള്‍ ബാധകമാണ്. 15 രൂപയും ജിഎസ്ടിയും ചേര്‍ന്ന തുകയാണ് ഓരോ പണ പിന്‍വലിക്കലുകള്‍ക്കും ഈടാക്കുന്ന നിരക്ക്.

എസ്ബിഐ വെബ്‌സൈറ്റില്‍ പറഞ്ഞിരിക്കുന്നത് പ്രകാരം ബിഎസ്ബിഡി അക്കൗണ്ട് ഉടമകള്‍ക്ക് എടിഎമ്മുകളില്‍ നിന്നും ബാങ്ക് ശാഖയില്‍ നിന്നുമായി 4 സൗജന്യ പണ പിന്‍വലിക്കലുകളാണ് ബാങ്ക് അനുവദിച്ചിട്ടുള്ളത്. ഈ സൗജന്യ പരിധിയ്ക്ക് ശേഷമുള്ള ഓരോ ഇടപാടുകള്‍ക്കും ബാങ്ക് 15 രൂപയും ജിഎസ്ടിയും ചേര്‍ന്ന തുക ചാര്‍ജായി ഈടാക്കും. അക്കൗണ്ട് ഉടമയുടെ ശാഖയിലെ പിന്‍വലിക്കലുകള്‍ക്കും എസ്ബിഐ എടിഎമ്മുകളില്‍ നിന്നും എസ്ബിഐ ഇതര എടിഎമ്മുകളില്‍ നിന്നുമുള്ള പിന്‍വലിക്കലുകള്‍ക്കും ചാര്‍ജ് ബാധകമാണ്.

എല്‍ഐസി സ്‌കീം; ചെറിയ തുക ഓരോ മാസവും നിക്ഷേപിക്കൂ, നേടാം 70 ലക്ഷം രൂപ!എല്‍ഐസി സ്‌കീം; ചെറിയ തുക ഓരോ മാസവും നിക്ഷേപിക്കൂ, നേടാം 70 ലക്ഷം രൂപ!

ബിസ്ബിഡി അക്കൗണ്ട് ഉടമകള്‍ക്ക് ഒരു സാമ്പത്തീക വര്‍ഷത്തില്‍ 10 ചെക്ക് ലീഫുകളാണ് എസ്ബിഐ സൗജന്യമായി നല്‍കുന്നത്. അതിന് ശേഷം ചെക്ക് നല്‍കുന്നതിന് ബാങ്ക് നിശ്ചിത നിരക്ക് ചാര്‍ജ് ഈടാക്കും. 10 ലീഫുള്ള ചെക്ക് ബുക്കിന് 40 രൂപയും ജിഎസ്ടിയും ചേര്‍ന്ന തുകയും, 25 ലീഫുള്ള ചെക്ക് ബുക്കിന് 75 രൂപയും ജിഎസ്ടിയും ചേര്‍ന്ന തുകയുമാണ് ചാര്‍ജായി ഈടാക്കുക. എമര്‍ജന്‍സി ചെക്ക് ബുക്കിന് 50 രൂപയും ജിഎസ്ടിയും ചേര്‍ന്ന തുകയാണ് ഈടാക്കുക. 10 ലീഫുകളാണ് അതിലുണ്ടാവുക.

മുതിര്‍ന്ന പൗരന്മാര്‍ക്ക് ചെക്ക് ബുക്കുകളുടെ ഈ സര്‍വീസ് ചാര്‍ജ് ബാധകമല്ല.

500 രൂപാ നോട്ട് കൈയ്യില്‍ ഉണ്ടോ? പകരമായി 10,000 രൂപ നേടാം500 രൂപാ നോട്ട് കൈയ്യില്‍ ഉണ്ടോ? പകരമായി 10,000 രൂപ നേടാം

എസ്ബിഐയുടേതോ, എസ്ബിഐ ഇതര ബാങ്കുകളുടേതോ ശാഖയില്‍ നടത്തുന്ന സാമ്പത്തികേതര ഇടപാടുകള്‍ക്ക് ചാര്‍ജുകളൊന്നും ഈടാക്കുകയില്ല.

അതേ സമയം കോവിഡ് സാഹചര്യത്തില്‍ ഹോം ബ്രാഞ്ചില്‍ അല്ലാതെ മറ്റ് ശാഖകളില്‍ നിന്ന് പിന്‍വലിക്കാവുന്ന പരമാവധി തുക എസ്ബിഐ ഉയര്‍ത്തിയിട്ടുണ്ട്.

Read more about: sbi
English summary

SBI atm cash withdrawal, cheque book charges will change from next month; know the renewed rates | എസ്ബിഐ എടിഎം ഇടപാടുകളുടെ ചാര്‍ജ് പുതുക്കി, ചെക്കുബുക്കുകള്‍ക്കും പുതിയ നിരക്ക്; മാറ്റങ്ങള്‍ അടുത്ത മാസം മുതല്‍

SBI atm cash withdrawal, cheque book charges will change from next month; know the renewed rates
Story first published: Sunday, June 13, 2021, 11:01 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X