ആരോ​ഗ്യ സംരക്ഷണത്തിന് പുതിയ പ്രീമിയം ക്രെഡിറ്റ് കാർഡ് എത്തുന്നു: അപ്പോളോയ്ക്ക് ഒപ്പം സഹകരിച്ച് എസ്ബിഐ

സമ്പാദ്യ ശീലം പോലെ തന്നെ ആരോ​ഗ്യവും വളരെ സുപ്രധാനമായ ഘടകമാണ്. ഏതൊരു വ്യക്തിയും ഏറ്റവും കൂടുതൽ ചിലവഴിക്കുന്നത് ആരോ​ഗ്യ സംരക്ഷണത്തിനു വേണ്ടിയാണ്. നിലവിൽ മരുന്നുകൾക്കും ചികിത്സകൾക്കും ചിലവേറുന്നതിനാൽ ആളുകൾക്ക് താങ്ങാനാവുന്നില്ല. അത്തരം സാഹചര്യത്തിൽ ഒരു ആരോ​ഗ്യ സംരക്ഷണവുമായി ബന്ധപ്പെട്ട ക്രെഡിറ്റ് കാർഡ് ലഭിക്കുന്നത് നല്ലതല്ലേ..?

എസ്‌ബി‌ഐ കാർഡും അപ്പോളോ ഫാർമസി നടത്തുന്ന അപ്പോളോ ഹെൽത്ത്‌കോയും ഒരുമിക്കുന്ന കോ-ബ്രാൻഡഡ് ക്രെഡിറ്റ് കാർഡാണ് അപ്പോളോ എസ്‌ബി‌ഐ കാർഡ് സെലക്ട് കാർഡ്. ഈ പ്രീമിയം ക്രെഡിറ്റ് കാർഡ് ആരോ​ഗ്യ സംരക്ഷണ സമ്പാദ്യങ്ങളുടെയും സാമ്പത്തിക റിവാർഡുകളുടെയും നേട്ടങ്ങൾ ഉറപ്പാക്കുന്നു. നിങ്ങൾ ആരോ​ഗ്യ പരിപാലനവുമായി ബന്ധപ്പെട്ട് ചിലവഴിക്കുന്ന ഓരോ രൂപയ്ക്കും ആനുകൂല്യങ്ങൾ ലഭിക്കും എന്നതാണ് ഈ കാർഡിൻ്റെ ഏറ്റവും വലിയ പ്രത്യേകതയും.

എന്താണ് അപ്പോളോ എസ്‌ബി‌ഐ ക്രെഡിറ്റ് കാർഡ് സെലക്ട് ?

അപ്പോളോ എസ്‌ബി‌ഐ ക്രെഡിറ്റ് കാർഡ് സെലക്ട് എന്നത് എസ്‌ബി‌ഐ കാർഡുമായി സഹകരിച്ച് അപ്പോളോ 24|7 ആരംഭിച്ച ഒരു കോ-ബ്രാൻഡഡ് ക്രെഡിറ്റ് കാർഡാണ്. ആരോഗ്യ സംരക്ഷണം, ക്ഷേമ ആനുകൂല്യങ്ങൾ എന്നിവ വാഗ്ദാനം ചെയ്യുന്നതിനൊപ്പം ഭക്ഷണം, വിനോദം, യാത്ര തുടങ്ങിയ മറ്റു ആനുകൂല്യങ്ങളും വാ​ഗ്ദാനം ചെയ്യുന്നു.

എവിടെ അപേക്ഷിക്കാം?

അപ്പോളോ 24|7 ആപ്പിൽ ഡിജിറ്റലായി ഈ കാർഡിനായി ഉപഭോക്താക്കൾക്ക് അപേക്ഷിക്കാൻ സാധിക്കും. അല്ലെങ്കിൽ എസ്‌ബി‌ഐ കാർഡ് വെബ്‌സൈറ്റ് സന്ദർശിച്ച് എസ്‌ബി‌ഐ കാർഡ് എസ്പ്രിന്റ് വഴി അപേക്ഷിക്കാനും കഴിയും. തിരഞ്ഞെടുത്ത അപ്പോളോ ഫാർമസി സ്റ്റോറുകളിലും ഉപഭോക്താക്കൾക്ക് കാർഡിന് അപേക്ഷിക്കാം.

കാർഡിന്റെ സവിശേഷതകൾ

അപ്പോളോ എസ്‌ബി‌ഐ കാർഡ് സെലക്ട് കാർഡ് മരുന്നുകൾ വാങ്ങുമ്പോൾ നിരവധി നേട്ടങ്ങൾ നൽകുന്നുണ്ട്. അതായത് ഈ കാർഡ് ഉടമകൾക്ക് അപ്പോളോ 24|7 ആപ്പിലൂടെയും അപ്പോളോ ഫാർമസി സ്റ്റോറുകളിലൂടെയും ഫാർമസി ഉൽപ്പന്നങ്ങൾ, ആരോഗ്യ പരിശോധന പാക്കേജുകൾ, രക്തപരിശോധനകൾ തുടങ്ങിയ ഇടപാടുകളിൽ വമ്പൻ ഓഫറുകളും റിവാർഡ് പോയിൻ്റുകളും ഉറപ്പാക്കാം.

കാർഡ് ഉടമകൾക്ക് റിവാർഡ് പോയിന്റുകളായി ചിലവഴിച്ചതിൽ നിന്നും 10 ശതമാനം തിരികെ ലഭിക്കും. കൂടാതെ 15 ശതമാനം വരെ ഹെൽത്ത് ക്രെഡിറ്റുകളായി തിരികെ ലഭിക്കും. ഇത് മൊത്തത്തിൽ ഈ ക്രെഡിറ്റ് കാർഡ് ഉടമകൾക്ക് 25% വരെ മൂല്യം തിരികെ നൽകും. റിവാർഡ് പോയിന്റുകൾ ഹെൽത്ത് ക്രെഡിറ്റുകളായി മാറ്റാൻ സാധിക്കും. അവ അപ്പോളോ 24|7 ആപ്പ്, അപ്പോളോ ഫാർമസി സ്റ്റോറുകളിലും റിഡീം ചെയ്യാവുന്നതാണ്.

• അപ്പോളോ എസ്‌ബി‌ഐ കാർഡ് സെലക്ട് കാർഡ് ഉപഭോക്താക്കൾക്ക് വെൽകം ആനുകൂല്യങ്ങളായി 1,500 രൂപയുടെ ഇ-ഗിഫ്റ്റ് വൗച്ചർ ലഭിക്കും. ഇത് അപ്പോളോ 24 | 7 ആപ്പിലും അപ്പോളോ ഫാർമസി സ്റ്റോറുകളിലും റിഡീം ചെയ്യാം.

• അപ്പോളോ പ്ലാറ്റ്‌ഫോമുകളിലെ ഡോക്ടർ കൺസൾട്ടേഷനുകൾ, ഡയഗ്നോസ്റ്റിക് ടെസ്റ്റുകൾ, ഫാർമസി ഓർഡറുകൾ തുടങ്ങിയ സേവനങ്ങൾക്കുള്ള മുൻഗണനാ ആക്‌സസും പ്രത്യേക കിഴിവുകളും ഉറപ്പാക്കാം.

• അപ്പോളോ എസ്‌ബി‌ഐ കാർഡ് സെലക്ട് കാർഡ് ഉപഭോക്താക്കൾക്ക് ഇന്ത്യയിലുടനീളമുള്ള ജിമ്മുകൾ, ഫിറ്റ്‌നസ് ക്ലാസുകൾ, വെൽനസ് പ്രോഗ്രാമുകൾ എന്നിവിടങ്ങളിൽ ഒരു വർഷത്തെ FITPASS PRO അംഗത്വം സൗജന്യമായി ലഭിക്കും. ഇത് ആരോ​ഗ്യ സംരക്ഷണത്തിന് ഏറ്റവും വലിയ നേട്ടം നൽകുന്നു.

ആരോ​ഗ്യ മേഖലയിൽ ഒരു ക്രെഡിറ്റ് കാർഡ് എന്നത് വളരെ ഉപകാരപ്രദമാണ്. സാമ്പത്തിക സുരക്ഷക്കൊപ്പം ആരോ​ഗ്യ സുരക്ഷക്കും ക്രെഡിറ്റ് കാർഡ് ഉപയോ​ഗങ്ങൾ ​ഗുണം ചെയ്യും.