വീട്ടുപകരണങ്ങള്‍ വാങ്ങിക്കുമ്പോള്‍ എസ്ബിഐ ക്രെഡിറ്റ് കാര്‍ഡില്‍ ക്യാഷ് ബാക്ക് ഓഫര്‍

എസ്ബിഐ ക്രെഡിറ്റ് കാര്‍ഡ് ഉടമകള്‍ക്ക് ഇനി സന്തോഷത്തോടെ പോയി വീട്ടുകരണങ്ങള്‍ വാങ്ങിക്കാം. 1000 രൂപ വരെയാണ് ഇപ്പോള്‍ ക്രെഡിറ്റ് കാര്‍ഡ് ഉപയോഗിച്ച് ഗൃഹോപകരണങ്ങള്‍ വാങ്ങിക്കുന്നതിന് എസ്ബിഐ ക്യാഷ് ബാക്ക് ഓഫര്‍ വാഗ്ദാനം ചെയ്തിരിക്കുന്നത്.

റഫ്രിജറേറ്റര്‍, വാഷിങ് മെഷീന്‍, മൈക്രോവേവ് ഓവണ്‍ തുടങ്ങിയ വീട്ടുപകരണങ്ങള്‍ വാങ്ങുന്നതിലൂടെയാണ് ക്യാഷ്ബാക്ക് ഓഫര്‍ നേടാന്‍ സാധിക്കുക.

പുതിയ വീട്ടുപകരണങ്ങള്‍ വാങ്ങി വീട് അപ്‌ഗ്രേഡ് ചെയ്യൂ, 1000 രൂപവരെ കിഴിവ് നേടാം എന്ന് ട്വിറ്ററില്‍ എസ്ബിഐ പങ്കുവച്ചു. അതേസമയം ക്യാഷ്ബാക്ക് ഓഫര്‍ ലഭിക്കാന്‍ എസ്ബിഐ ക്രെഡിറ്റ് കാര്‍ഡ് ഉടമയായിരുന്നാല്‍ മാത്രം പേരാ. ഓണ്‍ലൈന്‍ ഷോപ്പിങ് കമ്പനിയായ ക്രോമ സ്റ്റോറിന്റെ ആപ്പ് അല്ലെങ്കില്‍ വെബ്‌സൈറ്റ് വഴി ഉത്പന്നങ്ങള്‍ വാങ്ങുന്നവര്‍ക്കാണ് ഓഫറിന്റെ ആനുകൂല്യം ലഭിക്കുക.

ജൂണ്‍ 27 വരെയാണ് ഓഫര്‍ ലഭിക്കുക. കുറഞ്ഞത് 20,000 രൂപയുടെ ഇടപാടെങ്കിലും നടത്തുന്ന ഉപയോക്താക്കള്‍ക്കാണ് ക്യാഷ്ബാക്ക് ആനുകൂല്യം ലഭിക്കുക. എല്ലാ ആഴ്ചയുടെയും അവസാനത്തില്‍ ഇഎംഐ ഇടപാടുകള്‍ക്ക് 1000 രൂപയുടെ ക്യാഷ്ബാക്ക് ലഭിക്കും.

ഉപയോക്താക്കള്‍ക്ക് ഒരു തവണ മാത്രമേ ഓഫറിന് ലഭിക്കുകയുള്ളൂ. കോര്‍പ്പറേറ്റ് കാര്‍ഡ്, പേടിഎം എസ്ബിഐ ക്രെഡിറ്റ് കാര്‍ഡ്, ഒഴികെയുള്ള എല്ലാ എസ്ബിഐ ക്രെഡിറ്റ് കാര്‍ഡുകള്‍ക്കും ഈ ഓഫര്‍ ബാധകമാണ്.