പ്രതിമാസം പലിശയിനത്തിൽ മാത്രം 20,500 രൂപ ലഭിക്കുന്ന പോസ്റ്റ്‌ ഓഫീസിന്റെ സൂപ്പർഹിറ്റ് പദ്ധതി

ആളുകൾ വിരമിക്കുമ്പോൾ തങ്ങളുടെ ഭാവിയിലെ ജീവിതചെലവുകളെ ഓർത്ത് ആശങ്കപ്പെടാറുണ്ട്. എങ്കിലും, പലരും അവരുടെ ഭാവി ജീവിതത്തെ മുന്നിൽ കണ്ടുകൊണ്ട് മികച്ച ഏതെങ്കിലും പദ്ധതിയിൽ നേരത്തെ തന്നെ നിക്ഷേപം ആരംഭിക്കുന്നു. അത്തരത്തിൽ മുതിർന്ന പൗരമാരുടെ ആവശ്യങ്ങൾ കണക്കിലെടുത്ത് സർക്കാർ ആരംഭിച്ച പദ്ധതിയാണ് പോസ്റ്റ്‌ ഓഫീസിന്റെ സീനിയർ സിറ്റിസൺ സേവിംഗ്സ് സ്കീം (എസ്.സി.എസ്.എസ്). ഈ പദ്ധതിയിൽ നിക്ഷേപിക്കുന്നതിലൂടെ, പ്രതിമാസം 20,500 രൂപ എന്ന കണക്കിൽ അഞ്ച് വർഷത്തേക്ക് നിങ്ങൾക്ക് വരുമാനം ലഭിക്കുന്നു.

2000 രൂപയുണ്ടോ, ലക്ഷപ്രഭു ആകാം, ഇതാണ് പോസ്റ്റ് ഓഫീസിന്‍റെ കിടിലൻ നിക്ഷേപ പദ്ധതി

വിരമിച്ചതിന് ശേഷം സ്ഥിരമായ വരുമാനം ആഗ്രഹിക്കുന്നവർക്ക് ഏറ്റവും അനുയോജ്യമായതാണ് ഈ പദ്ധതി. കുറഞ്ഞത് 1,000 രൂപയിൽ നിക്ഷേപം ആരംഭിക്കാം എന്നതാണ് എസ്.സി.എസ്.എസിന്റെ ഏറ്റവും വലിയ പ്രത്യേകത. എസ്.സി.എസ്.എസ് മുതിർന്ന പൗരന്മാർക്ക് 8.2 ശതമാനം വാർഷിക പലിശ വാഗ്ദാനം ചെയ്യുന്നു. ഈ പലിശ നിരക്ക് മറ്റുള്ള സേവിംഗ്സ് പദ്ധതികളെക്കാൾ വളരെ കൂടുതലാണ്. അപ്പോൾ ഈ പദ്ധതിയിൽ ഒരാൾ 30 ലക്ഷം രൂപ നിക്ഷേപിച്ചാൽ, അയാൾക്ക് പ്രതിവർഷം 2.46 ലക്ഷം രൂപ പലിശ ലഭിക്കും. ഇത് പ്രതിമാസം ഏകദേശം 20,500 രൂപ ഉണ്ടാകും.

എസ്.സി.എസ്.എസ് 60 വയസിന് മുകളിലുള്ള പൗരന്മാർക്കുള്ളതാണ്. എങ്കിലും, 55നും 60നും ഇടയിൽ പ്രായമുള്ള വോളണ്ടറി റിട്ടയർമെന്റ് (വി.ആർ.എസ്) എടുത്തവർക്കും ഈ പദ്ധതി പ്രയോജനപ്പെടുത്താൻ സാധിക്കുന്നതാണ്. പ്രതിരോധ സേവനങ്ങളിൽ നിന്ന് വിരമിച്ച ജീവനക്കാർക്ക് 50 വയസിൽ തന്നെ ഈ പദ്ധതിയിൽ നിക്ഷേപിക്കാൻ സാധിക്കും. നിങ്ങളുടെ ജീവിത പങ്കാളിക്കൊപ്പം ജോയിന്റായും നിങ്ങൾക്ക് ഈ പദ്ധതിയിൽ അക്കൗണ്ട് തുറക്കാൻ സാധിക്കും. അങ്ങനെ അക്കൗണ്ട് തുറക്കുമ്പോൾ, നിങ്ങൾ രണ്ടുപേർക്കും പ്രയോജനം ലഭിക്കുന്നതും പദ്ധതിയുടെ പ്രത്യേകതയാണ്.

വിരമിച്ചതിന് ശേഷം സുരക്ഷിതവും ലാഭകരവുമായ നിക്ഷേപത്തിനുള്ള ഒരു മികച്ച പദ്ധതിയാണ് പോസ്റ്റ്‌ ഓഫീസ് സീനിയർ സിറ്റിസൺ സേവിംഗ്സ് സ്കീം. ഈ പദ്ധതി നിക്ഷേപകർക്ക് ഉയർന്ന പലിശ നിരക്ക് നൽകുന്നുവെന്ന് മാത്രമല്ല, അവരുടെ പണം സുരക്ഷിതമായി സൂക്ഷിക്കുകയും ചെയ്യുന്നു. അതിനാൽ, വിരമിക്കലിന് ശേഷം സ്ഥിരമായ വരുമാനം ആഗ്രഹിക്കുന്നവർക്ക്, ഈ പദ്ധതിയിൽ നിക്ഷേപിക്കുന്നത് ഏറ്റവും അനുയോജ്യമായതാണ്.