എസ്ബിഐയുടെ ഈ ​ഗ്യാരണ്ടീഡ് സ്കീമിലൂടെ നിങ്ങളുടെ നിക്ഷേപം ഇരട്ടിയാക്കാം: ആർക്കെല്ലാം നിക്ഷേപിക്കാം?

മുതിർന്ന പൗരൻമാർക്ക് പ്രത്യേക നിക്ഷേപ പദ്ധതികൾ വിവിധ ബാങ്കുകൾ അവതരിപ്പിക്കാറുണ്ട്. പൊതുവേ സ്ഥിരനിക്ഷേപങ്ങളിൽ മുതിർന്ന പൗരൻമാർക്ക് പലിശ നിരക്ക് കൂടുതലായിരിക്കും, അതിനാൽ ഇത്തരം പ്രത്യേക പദ്ധതികൾക്കും ഉയർന്ന പലിശ പ്രതീക്ഷിക്കാം. സ്റ്റേറ്റ് ബാങ്ക് ഓഫ് ഇന്ത്യ മുതിർന്ന പൗരന്മാർക്കായി വിവിധ സേവിംഗ്‌സ് പദ്ധതികൾ വാഗ്ദാനം ചെയ്യുന്നു. അതിൽ പ്രധാനപ്പെട്ട പദ്ധതിയാണ് അമൃത് വൃഷ്ടി എഫ്.ഡി.

444 ദിവസത്തെ കാലാവധിയിൽ നിക്ഷേപിക്കാവുന്ന പ്രത്യേക എഫ്.ഡിയാണ് ഇത്. ഇതിനു പുറമേ 1 വർഷം, 3 വർഷം, 5 വർഷം, 10 വർഷം വരെയുള്ള സാധാരണ എഫ്‌ഡി സ്കീമുകളും ഉണ്ട്. എസ്ബിഐ അമൃത് വൃഷ്ടി സ്കീമിന് ഏറ്റവും ഉയർന്ന പലിശ നിരക്ക് വാഗ്ദാനം ചെയ്യുന്നു. മാത്രമല്ല സാധാരണ എഫ്.ഡികൾക്ക് 7.30% വരെ പലിശയും നൽകുന്നുണ്ട്.

ഇവിടെ 10 വർഷത്തെ സാധാരണ എഫ്‌ഡി സ്കീമിൽ ഒരു മുതിർന്ന പൗരന് എത്ര രൂപ വരെ സമ്പാദിക്കാം? 10 വർഷത്തെ എഫ്‌ഡി സ്കീമിൽ മുതിർന്ന പൗരന്മാർക്ക് എസ്‌ബി‌ഐ 7.30 ശതമാനം പലിശ നിരക്കാണ് നൽകുന്നത്. അങ്ങനെയെങ്കിൽ 50 ലക്ഷം, 40 ലക്ഷം, 30 ലക്ഷം, 20 ലക്ഷം എന്നിങ്ങനെ നിക്ഷേപിച്ചാൽ എത്ര രൂപ നേടാം എന്ന് പരിശോധിക്കാം;

എസ്‌ബി‌ഐ എഫ്‌ഡിയിൽ 50 ലക്ഷം നിക്ഷേപിക്കുമ്പോൾ

10 വർഷത്തെ കാലാവധിൽ ഒരു മുതിർന്ന പൗരൻ എസ്‌ബി‌ഐ എഫ്‌ഡിയിൽ 50 ലക്ഷം നിക്ഷേപിച്ചാൽ 7.3 ശതമാനം വാർഷിക പലിശ കണക്കാക്കിയാൽ ലഭിക്കുന്ന മൊത്തം പലിശ തുക 53,07,344 രൂപയാണ്. അതായത് കാലാവധി പൂർത്തിയാവുമ്പോൾ ലഭിക്കുന്ന മൊത്തം നേട്ടം 1,03,07,344 രൂപയായിരിക്കും.

എസ്‌ബി‌ഐ എഫ്‌ഡിയിൽ 40 ലക്ഷം നിക്ഷേപിക്കുമ്പോൾ

7.3 ശതമാനം വാർഷിക പലിശ നിരക്കിൽ മുതിർന്ന പൗരന്മാർ 10 വർഷത്തെ എസ്ബിഐ എഫ്‌ഡിയിൽ 40 ലക്ഷം നിക്ഷേപിച്ചാൽ മൊത്തം പലിശ മാത്രം 42,45,875 രൂപ ലഭിക്കും. അതായത് കാലാവധി പൂർത്തിയാവുമ്പോൾ നിക്ഷേപകന് ലഭിക്കുന്ന ആകെ നേട്ടം 82,45,875 രൂപയാണ്. നിക്ഷേപത്തിൻ്റെ ഇരട്ടി നേട്ടമാണ് ലഭിക്കുന്നത്.

എസ്‌ബി‌ഐ എഫ്‌ഡിയിൽ 30 ലക്ഷം നിക്ഷേപിക്കുമ്പോൾ

ഒരു മുതിർന്ന പൗരൻ 10 വർഷത്തെ എസ്‌ബി‌ഐ എഫ്‌ഡിയിൽ 30 ലക്ഷം നിക്ഷേപിച്ചാൽ നിക്ഷേപം ഇരട്ടിയാവും. ഇവിടെ 7.3 ശതമാനം പലിശ കണക്കാക്കുമ്പോൾ 10 വർഷം കൊണ്ട് പലിശയിനത്തിൽ ലഭിക്കുന്ന മൊത്തം തുക 31,84,406 രൂപയാണ്. അതായത് കാലാവധി പൂർത്തിയാവുമ്പോൾ ലഭിക്കുന്ന മൊത്തം നേട്ടം 61,84,406 രൂപയാണ്.

എസ്‌ബി‌ഐ എഫ്‌ഡിയിൽ 20 ലക്ഷം നിക്ഷേപിക്കുമ്പോൾ

മുതിർന്ന പൗരൻമാർ 10 വർഷത്തെ എസ്‌ബി‌ഐ എഫ്‌ഡിയിൽ 20 ലക്ഷം നിക്ഷേപിച്ചാൽ നിക്ഷേപം ഇരട്ടിയാക്കാൻ കഴിയും. 10 വർഷത്തെ മൊത്തം കാലാവധിയിൽ 7.3 ശതമാനം വാർഷിക പലിശ കണക്കാക്കിയാൽ ലഭിക്കുന്ന മൊത്തം പലിശ 21,22,937 രൂപയാണ്. കാലാവധി പൂർത്തിയാവുമ്പോൾ ലഭിക്കുന്ന മൊത്തം നേട്ടം 41,22,937 രൂപയാണ്.

10 വർഷത്തെ കാലാവധിയിൽ നിക്ഷേപിക്കുമ്പോൾ മുതിർന്ന പൗരൻമാരൻമാരുടെ നിക്ഷേപങ്ങൾ ഇരട്ടിയായി വളരുകയാണ്. അതായത് 50 ലക്ഷത്തിൽ നിന്നും അത് 1 കോടിയായി വളരുന്നു. ഇതിലൂടെ വലിയ സാമ്പത്തിക ലക്ഷ്യമുള്ള മുതിർന്ന പൗരൻമാർക്ക് വലിയ നേട്ടമുണ്ടാക്കുന്നു. സാധാരണ​ഗതിയിൽ ദീർഘകാലത്തേക്ക് നിക്ഷേപിക്കുമ്പോഴാണ് നിക്ഷേപം വളരുന്നതും ഉയർന്ന സമ്പാദ്യം ലഭിക്കുകയും ചെയ്യുന്നത്.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.

FAQs

എസ്‌ബി‌ഐയുടെ 10 വർഷത്തെ എഫ്‌ഡി സ്കീമിൽ മുതിർന്ന പൗരന്മാർക്കുള്ള പലിശ നിരക്ക് എത്രയാണ്?

10 വർഷത്തെ എഫ്‌ഡിയിൽ മുതിർന്ന പൗരന്മാർക്ക് എസ്‌ബി‌ഐ 7.30 ശതമാനം പലിശ നിരക്ക് നൽകുന്നു.

ഒരു മുതിർന്ന പൗരൻ 10 വർഷത്തേക്ക് 50 ലക്ഷം നിക്ഷേപിച്ചാൽ എത്ര രൂപ സമ്പാദിക്കാൻ കഴിയും?

50 ലക്ഷം രൂപ എസ്‌ബി‌ഐ എഫ്‌ഡിയിൽ 10 വർഷത്തേക്ക് നിക്ഷേപിച്ചാൽ 50 ലക്ഷത്തിലധികം പലിശ ഉറപ്പാക്കാം.

10 വർഷം കൊണ്ട് എസ്ബിഐ എഫ്‌ഡിയിൽ നിക്ഷേപിച്ചാൽ പണം ഇരട്ടിയാകുമോ?

അതെ, എസ്‌ബി‌ഐയുടെ 10 വർഷത്തെ എഫ്‌ഡി സ്കീമിൽ നിക്ഷേപിക്കുന്നതിലൂടെ ഒരു മുതിർന്ന പൗരന് അവരുടെ നിക്ഷേപം ഇരട്ടിയാകുന്നു