മെയ് പതിനേഴിനാണ് സോവറീന് ഗോള്ഡ് ബോണ്ടിന്റെ ഏറ്റവും പുതിയ ട്രഞ്ച് ഉപയോക്താക്കള്ക്കായി അവതരിപ്പിച്ചത്. ഒരു ഗ്രാമിന് 4,777 രൂപയായാണ് സോവറീന് ഗോള്ഡ് ബോണ്ട് 2021-22 സീരിസ് ഐ യില് വില നിശ്ചയിച്ചിരിക്കുന്നത്. രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐ (സ്റ്റേറ്റ് ബാങ്ക് ഓഫ് ഇന്ത്യ) ഓണ്ലൈനായി സോവറീന് ഗോള്ഡ് ബോണ്ട് വാങ്ങിക്കുവാനുള്ള സംവിധാനമൊരുക്കിയിട്ടുണ്ട്.
ഇ-സേവനങ്ങളിലൂടെ എസ്ബിഐ ഉപയോക്താക്കള്ക്ക് നേരിട്ട് നിക്ഷേപം നടത്താമെന്ന് എസ്ബിഐ ട്വിറ്ററില് കുറിച്ചു. മെയ് 21നാണ് ഇഷ്യൂ അവസാനിപ്പിക്കുക. മെയ് 25ന് ഗോള്ഡ് ബോണ്ടുകള് ഇഷ്യൂ ചെയ്യുകയും ചെയ്യും. ഓണ്ലൈനായി സോവറീന് ഗോള്ഡ് ബോണ്ട് വാങ്ങുകയും ഡിജിറ്റലായി പണമടക്കുകയും ചെയ്യുന്ന നിക്ഷേപകര്ക്ക് ഓരോ ഗ്രാമിലും 50 രൂപയുടെ ഇളവ് ആര്ബിഐയും കേന്ദ്ര സര്ക്കാരും പ്രഖ്യാപിച്ചിട്ടുണ്ട്. അത്തരം നിക്ഷേപകര്ക്ക് സോവറീന് ഗോള്ഡ് ബോണ്ടിന്റെ ഇഷ്യൂ വില 4,727 രൂപയായിരിക്കും.
എടിഎം പണം പിന്വലിക്കല് മുതല് മിനിമം ബാലന്സ് വരെ; അറിഞ്ഞിരിക്കേണ്ട അടിസ്ഥാന ബാങ്ക് ചാര്ജുകള്
എസ്ജിബി എസ്ബിഐ വഴി ഓണ്ലൈനായി വാങ്ങിക്കുവാന് എന്ത് ചെയ്യണമെന്ന് നമുക്ക് നോക്കാം.
- എസ്ബിഐയുടെ നെറ്റ് ബാങ്കിംഗ് അക്കൗണ്ടിലേക്ക് ലോഗ് ഇന് ചെയ്യുക
- സര്വീസ് എന്ന വിഭാഗത്തിലെ സോവറീന് ഗോള്ഡ് ബോണ്ട് തെരഞ്ഞെടുക്കുക.
- ടേംസ് ആന്റ് കണ്ടീസന് തെരഞ്ഞെടുത്ത് തുടരുക ക്ലിക്ക് ചെയ്യുക
- രജിസ്ട്രേഷന് ഫോറം പൂരിപ്പിക്കുക. ഇത് ഒറ്റത്തവണ രജിസ്ട്രേഷന് ആണ്.
- സബ്മിറ്റ് ക്ലിക്ക് ചെയ്യുക
- പര്ച്ചേസ് ഫോറത്തില് എത്ര അളവില് സ്വര്ണം വാങ്ങിക്കുന്നുവെന്നും നോമിനീ വിവരങ്ങളും ചേര്ക്കുക
- സബ്മിറ്റ് ക്ലിക്ക് ചെയ്യുക
മാസം 12,000 രൂപ നിക്ഷേപിക്കാന് തയ്യാറുണ്ടോ? സുരക്ഷിതമാര്ഗത്തിലൂടെ കോടിപതിയാകാം
വാണിജ്യ ബാങ്കുകളില് നിന്നും സ്റ്റോക്ക് ഹോള്ഡിംഗ് കോര്പറേഷന് ഓഫ് ഇന്ത്യ ലി. (എസ്എച്ച്സിഐഎല്)ല് നിന്നും അംഗീകാരമുള്ള പോസ്റ്റ് ഓഫീസുകളില് നിന്നും സ്റ്റോക്ക് എക്സ്ചേഞ്ചുകളില് നിന്നും നിക്ഷേപകര്ക്ക് ഗോള്ഡ് ബോണ്ടുകള് വാങ്ങിക്കാം.
ഭൗതിക സ്വര്ണത്തിന്റെ ആവശ്യകത കുറയ്ക്കുന്നതിനായി 2015 നവംബര് മാസത്തിലാണ് സോവറീന് ഗോള്ഡ് ബോണ്ട് സ്കീം അവതരിപ്പിച്ചത്.