എസ്ബിഐയിൽ നിന്നും വായ്പ എടുത്തിട്ടുണ്ടോ, പ്രതിമാസ തിരിച്ചടവ് കൂടും, കാരണം ഇതാണ്, വിശദായി അറിയാം

ഏഷ്യയിലെ ഏറ്റവും വലിയ ബാങ്കാണ് നമ്മുടെ സ്വന്തം സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ). ബാങ്കിംഗ്, ട്രഷറി, വിദേശ വിനിമയം തുടങ്ങി എല്ലാവിധ സേവനങ്ങളും നല്‍കുന്ന ഏഷ്യയിലെ ഏറ്റവും വലിയ ബാങ്കാണ് സ്റ്റേറ്റ് ബാങ്ക് ഓഫ് ഇന്ത്യ. സര്‍ക്കാരിന്‍റെ എല്ലാ പദ്ധതികളുടെയും ഭാഗം. കരുത്തുറ്റ മൂലധനവൽക്കരണം, ശക്തമായ ബാധ്യതാ ഫ്രാഞ്ചൈസി, മെച്ചപ്പെട്ട ആസ്തി ഗുണനിലവാര വീക്ഷണം തുടങ്ങിയവയെല്ലാം എസ്ബിഐയുടെ കരുത്താണ്.

എന്നാൽ എസ്ബിഐയിൽ നിന്നും വായ്പ എടുത്തവർക്ക് അധിക സാമ്പത്തിക വായ്പയുണ്ടാക്കുന്ന വാർത്തയാണ് ഇപ്പോൾ പുറത്ത് വരുന്നത്. വേറെ ഒന്നുമല്ല, എസ്ബിഐ വായ്പാ പലിശ ഉയര്‍ത്തി. മാര്‍ജിനല്‍ കോസ്റ്റ് അടിസ്ഥാനമാക്കിയുള്ള നിരക്കില്‍ 10 ബേസിസ് പോയന്‍റിന്‍റെ വര്‍ധനവാണ് വരുത്തിയത്. ഇതോടെ ഇതോടെ വാഹന, ഭവന വായ്പ ഉള്‍പ്പടെയുള്ളവയുടെ പലിശ കൂടും.

വർധനവ്

1 വർഷത്തെ കാലാവധിയുള്ള വായ്പകൾക്ക് എംസിഎൽആർ 10 ബേസിസ് പോയിൻറ് ഉയർത്തി. അതായത് നേരത്തെ എംസിഎല്‍ആര്‍ അടിസ്ഥാന നിരക്ക് 8.75 ആയിരുന്നത് ഇന്ന് മുതൽ 8.85 ശതമാനമാണ്. 3 മാസം, 6 മാസം, 2 വർഷത്തെ ലോൺ കാലാവധിക്കുള്ള എംസിഎൽആർ 10 ബേസിസ് പോയിൻ്റുകൾ വീതം വർധിപ്പിച്ചു. പുതിയ നിരക്കുകൾ യഥാക്രമം 8.4%, 8.75%, 8.95% എന്നിങ്ങനെയാണ്.

ഓവർനൈറ്റ് ലോണുകൾ: എംസിഎൽആർ 10 ബിപിഎസിൽ നിന്ന് 8.10 ശതമാനമായി ഉയർത്തി

ഒരു മാസത്തെ ലോണുകൾ: എംസിഎൽആർ 10 ബിപിഎസിൽ നിന്ന് 8.35 ശതമാനമായി ഉയർത്തി

മൂന്ന് മാസത്തെ ലോണുകൾ: എംസിഎൽആർ 10 ബിപിഎസ് വർദ്ധിപ്പിച്ച് 8.40%

ആറ് മാസ ലോണുകൾ: എംസിഎൽആർ 8.10 ശതമാനം വരെ ഉയർന്നു.

ഒരു വർഷത്തെ ലോണുകൾ: എംസിഎൽആർ 10 ബിപിഎസ് വർധിപ്പിച്ച് 8.85 ശതമാനമാക്കി

രണ്ട് വർഷത്തെ ലോണുകൾ: എംസിഎൽആർ 10 ബിപിഎസിൽ നിന്ന് 8.95 ശതമാനമാക്കി.

ഇഎംഐ ഉയരും

ഭവനവായ്പ, വാഹനവായ്പ, വ്യക്തിഗത വായ്പകൾ എന്നിവയുൾപ്പെടെ വിവിധ വായ്പകളുടെ പലിശനിരക്കിനെ നേരിട്ട് സ്വാധീനിക്കുന്നതിനാൽ എംസിഎൽആറിലെ വർദ്ധനവ് വളരെ പ്രധാനമാണ്. ഈ വർധനവോടെ കടം വാങ്ങുന്നവരുടെ ഇഎംഐകളും ആനുപാതികമായി ഉയരും. ഉദാഹരണത്തിന്, 1 വർഷത്തെ എംസിഎൽആറുമായി ബന്ധിപ്പിച്ചിട്ടുള്ള ഭവനവായ്പയുള്ള ഒരു കടം വാങ്ങുന്നയാൾക്ക് അവരുടെ പലിശ നിരക്ക് 8.75% ൽ നിന്ന് 8.85% ആയി മാറും. അതുവഴി അവരുടെ പ്രതിമാസ തിരിച്ചടവ് വർദ്ധിക്കും.

രണ്ടാം തവണ

രണ്ട് മാസത്തിനിടെ ഇത് രണ്ടാം തവണയാണ് എസ്ബിഐ എംസിഎൽആർ വർദ്ധിപ്പിക്കുന്നത്. ജൂൺ പകുതിയോടെ, ബാങ്ക് എംസിഎൽആറും 10 ബേസിസ് പോയിൻ്റുകൾ ഉയർത്തിയാണ് 1 വർഷത്തെ ലോണുകളുടെ ബെഞ്ച്മാർക്ക് നിരക്ക് 8.75% ആക്കിയത്.

എന്താണ് എംസിഎൽആർ..?

ബാങ്കിന് വായ്പാ നല്‍കുന്നതിന് അനുവദിച്ചിട്ടുള്ള ഏറ്റവും കുറഞ്ഞ നിരക്കാണ് എംസിഎല്‍ആര്‍ നിരക്ക്. ഫണ്ടുകളുടെ ചെലവ്, പ്രവർത്തനച്ചെലവ്, ബാങ്കിൻ്റെ ലാഭവിഹിതം എന്നിവയുൾപ്പെടെ വിവിധ ഘടകങ്ങളാൽ ഇത് സ്വാധീനിക്കപ്പെടുന്നു. എസ്ബിഐയുടെ നിലവിലെ ഭവന വായ്പാ നിരക്കുകള്‍ 8.50 ശതമാനം മുതല്‍ 9.65 ശതമാനംവരെയാണ്. സിബില്‍ സ്‌കോര്‍ അനുസരിച്ചായിരിക്കും വ്യത്യസ്ത നിരക്ക് ഈടാക്കുക. എസ്ബിഐക്ക് പിന്നാലെ മറ്റ് ബാങ്കുകളും വായ്പാ പലിശയില്‍ വര്‍ധനവരുത്തിയേക്കും.

റിസർവ് ബാങ്ക് ഓഫ് ഇന്ത്യ അതിൻ്റെ സമീപകാല യോഗത്തിൽ റിപ്പോ നിരക്ക് മാറ്റമില്ലാതെ നിലനിർത്താൻ തീരുമാനിച്ചതിനാൽ, ഉയർന്ന പലിശനിരക്കിൽ എന്തെങ്കിലും കുറവുണ്ടാകാൻ വായ്പയെടുക്കുന്നവർ കൂടുതൽ കാത്തിരിക്കേണ്ടിവരും. പണപ്പെരുപ്പം ഉയരുന്ന സാഹചര്യത്തില്‍ നിലവിലെ നിരക്ക് നിലനിര്‍ത്താനാകും അടുത്ത യോഗത്തിലും ആര്‍ബിഐ ശ്രമിക്കുക. അതുകൊണ്ടുതന്നെ സമീപ കാലയളവില്‍ പലിശ നിരക്കുകള്‍ കുറയാനുള്ള സാധ്യത ഇല്ലാതായി.