Just In
-
-
-
-
Don't Miss
-
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
ലോക്സഭ തിരഞ്ഞെടുപ്പ് 2024 രണ്ടാം ഘട്ടം Live: കേരളം അടക്കം 13 സംസ്ഥാനങ്ങള് ബൂത്തിലേക്ക് -
IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കെഎസ്എഫ്ഇ ചിട്ടികളെ കാലാവധി അനുസരിച്ച് ഹ്രസ്വകാല ചിട്ടികളെന്നും ദീര്‍ഘകാല ചിട്ടികളെന്നും തരം തിരിച്ചിട്ടുണ്ട്. 60 മാസത്തില്‍ താഴെയുള്ളവയാണ് ഹ്രസ്വകാല ചിട്ടികള്‍. പൊതുവെ പെട്ടന്നുള്ള പണ സമാഹരണത്തിന് ഉപയോഗിക്കുന്നവയാണ് ഇവ. എന്നാല്‍ നിക്ഷേപമായും ഉപയോഗിക്കാന്‍ സാധിക്കുന്നവയാണ് 60 മാസം മുതല്‍ 120 മാസം വരെ കാലാവധിയുള്ള ദീര്‍ഘകാല ചിട്ടികള്‍.
കൂടുതല്‍ പേര്‍ വിളിച്ചെടുക്കാനുള്ളതിനാല്‍ ഉയര്‍ന്ന ലാഭ വിഹിതം ലഭിക്കുന്ന ഈ ചിട്ടികളില്‍ ചെറിയ തുക മാസ അടവില്‍ വലിയ ആദായം നേടിയെടുക്കാം. ഇത്തരത്തില്‍ 100 മാസ ചിട്ടിയില്‍ ചേരുന്നൊരാള്‍ക്ക് എങ്ങനെ ചിട്ടി ലാഭകരമായി വിളിച്ചെടുത്ത് സ്ഥിര നിക്ഷേപമിടാമെന്നാണ് ഈ ലേഖനത്തിലൂടെ പരിശോധിക്കുന്നത്.
100 മാസ ചിട്ടികള്‍
100 മാസ കാലാവധിയുള്ള റെഗുലര്‍ ചിട്ടികളില്‍ നൂറു പേരാണ് ഉണ്ടാവുക. ഓരോരുത്തര്‍ക്കും ഒരു മാസത്തില്‍ ചിട്ടി തുക ലഭിക്കുന്ന തരത്തിലാണ് റെഗുലര്‍ ചിട്ടി പ്രവര്‍ത്തിക്കുന്നത്. 100 മാസം പൂര്‍ത്തിയാകുന്നതോടെ എല്ലാവര്‍ക്കും ചിട്ടി ലഭിക്കും. 100 മാസ മള്‍ട്ടി ഡിവിഷന്‍ ചിട്ടിയാണെങ്കില്‍ 4 ഡിവിഷനുകൡലായി 400 പേരുണ്ടാകും. മാസത്തില്‍ 4 പേര്‍ക്ക് വീതം 100 മാസം കൊണ്ട് മുഴുവന്‍ പേര്‍ക്കും ചിട്ടി ലഭിക്കും.
ചിട്ടി വിളിക്കുന്നവര്‍
100 മാസത്തെ ദീര്‍ഘകാല ചിട്ടിയില്‍ ചേര്‍ന്നവരില്‍ ചിട്ടി വിളിക്കുന്നവരുടെ സ്വഭാവത്തെ നാലായി തിരിക്കാം. പണത്തിനുള്ള അത്യാവശ്യം കൊണ്ട് പരമാവധി ലേല കിഴിവായ 30 ശതമാനത്തില്‍ വിളിച്ചെടുക്കുന്നവരുണ്ട്. ഇതോടൊപ്പം ചിട്ടി സ്ഥിര നിക്ഷേപമിടാന്‍ പരവമാധി ലേല കിഴിവില്‍ ചിട്ടി വിളിച്ചെടുക്കാം.
ലേലം ആരംഭിച്ച ശേഷം ചിട്ടി ചെറിയ ലേല കിഴിവിലേക്ക് കടക്കുന്ന ഘട്ടത്തില്‍ ചിട്ടി വിളിക്കാന്‍ തയ്യാറെടുക്കുന്നവരും കാലാവധി വരെ കാത്തിരിക്കുന്നവരും ചിട്ടിയിലുണ്ടാകാം. അത്യാവശ്യക്കാരൊഴിച്ച് ബാക്കിയുള്ളവര്‍ എങ്ങനെ ചിട്ടി വിളിക്കണമെന്ന് നോക്കാം.
ചിട്ടി വിളിച്ച് സ്ഥിര നിക്ഷേപമിടുന്നത്
ചിട്ടി പരമാവധി ലേല കിഴിവായ 30 ശതമാനത്തില്‍ വിളിച്ചെടുത്താല്‍ ലാഭകരമാണോയെന്ന് നോക്കാം. 5,000 രൂപ മാസ അടവുള്ള 100 മാസ കാലാവധിയുള്ള ചിട്ടി ഉദാഹരണമായെടുക്കാം. 30 ശതമാനം കിഴിവില്‍ വിളിച്ചെടുത്താല്‍ 1.5 ലക്ഷം രൂപ ലേല കിഴിവിന് ശേഷം 3.50 ലക്ഷം രൂപ ലഭിക്കും. ഇതില്‍ നിന്ന് ജിഎസ്ടി, ഡോക്യുമെന്റേഷന്‍ ചാര്‍ജ് എന്നിവ കുറച്ച് 3.46.776 രൂപ സ്ഥിര നിക്ഷേപമിടാന്‍ ലഭിക്കും.
ഇപ്പോള്‍ ലഭിക്കുന്ന 7 ശതമനം പലിശ നിരക്ക് പ്രകാരം വര്‍ഷത്തില്‍ 24.274 രൂപ പലിശ ലഭിക്കും. മാസത്തില്‍ 2022 രൂപയും പലിശയായി ലഭിക്കും. ഇത് 98 മാസത്തേക്ക് കണക്കാക്കിയാല്‍ 1,98,240 രൂപ ലഭിക്കും. കാലാവധിയില്‍ ചിട്ടി വിളിച്ച തുകയും പലിശയും ചേര്‍ത്ത് 5.45 ലക്ഷം രൂപ ലഭിക്കും. കാലാവധിയോളം കാത്തിരുന്നാല്‍ ലഭിക്കുന്ന 4.75 ലക്ഷം രൂപയേക്കാള്‍ 70,016 രൂപ ലാഭം നേടാനാകും.
കാലാവധി കുറഞ്ഞ ചിട്ടികള്‍ 30 ശതമാനം കിഴിവില്‍ വിളിച്ച് സ്ഥിര നിക്ഷേപമിടുന്നത് ലാഭകരമാകില്ല. എന്നാല്‍ ദീര്‍ഘകാല ചിട്ടിയില്‍ ഓരോ മാസവും ചിട്ടി 30 ശതമാനത്തില്‍ വിളിക്കാം. 5 മാസത്തിന് ശേഷം ചിട്ടി ലഭിച്ച് സ്ഥിര നിക്ഷേപമിട്ടാല്‍ 58,357 രൂപ ലാഭം നേടാം. 10-ാം മാസത്തില്‍ സ്ഥിര നിക്ഷേപമിട്ടാല്‍ 48,204 രൂപ ലഭിക്കും.
19-ാം മാസത്തില്‍ 30,649 രൂപയും ലാഭം നേടാം. ഓരോ മാസം കൂടുന്നതിന് അനുസരിച്ച് ലേല കിഴിവ് കുറയ്ക്കണം. 50-ാം മാസം ചിട്ടി വിളിക്കുന്നൊരാള്‍ 20 ശതമാനം കിഴിവില്‍ വിളിച്ചാല്‍ മാത്രമാണ് കാലാവധിയില്‍ 5 ലക്ഷത്തില്‍ കൂടുതല്‍ തുക നേടാനാവുക.
