നികുതിയിനത്തിൽ പണം ലാഭിക്കാൻ സ്ത്രീകൾക്ക് അവസരം നൽകുന്ന നിക്ഷേപ പദ്ധതികൾ

നികുതി ആസൂത്രണം എന്നത് പുരുഷന്മാർക്ക് മാത്രമല്ല, ജോലി ചെയ്യുന്ന സ്ത്രീകൾക്കും അത് പോലെ തന്നെ നിർണായകമാണ്. മുമ്പ് സ്ത്രീകൾക്ക് കുറഞ്ഞ നികുതിയാണ് ലഭിച്ചിരുന്നതെങ്കിൽ, ഇപ്പോൾ നികുതി സ്ലാബുകൾ ലിംഗ വ്യത്യാസമില്ല. അതേസമയം പബ്ലിക് പ്രൊവിഡന്റ് ഫണ്ട് (പിപിഎഫ്), നാഷണൽ പെൻഷൻ സിസ്റ്റം (എൻപിഎസ്), ഇക്വിറ്റി-ലിങ്ക്ഡ് സേവിംഗ്സ് സ്കീമുകൾ (ഇഎൽഎസ്എസ്), ഫിക്സഡ് ഡിപ്പോസിറ്റുകൾ (എഫ്ഡി), ലൈഫ് ഇൻഷുറൻസ്, ആരോഗ്യ ഇൻഷുറൻസ്, തുടങ്ങി ചില സ്ത്രീ സൗഹൃദ നിക്ഷേപ രീതികളിൽ നിക്ഷേപം നടത്തുന്നതുവഴി സ്ത്രീകൾക്ക് നികുതി പുറത്തേക്ക് ഒഴുകുന്നത് ലാഭിക്കാം. അത്തരത്തിൽ ഉപകാരപ്പെടുന്ന ചില പദ്ധതികളെക്കുറിച്ച് വിശദമായി പരിചയപ്പെടാം.

1)സുകന്യ സമൃദ്ധി യോജന

പെൺകുട്ടികളുടെ വിദ്യാഭ്യാസം പ്രോത്സാഹിപ്പിക്കുകയെന്ന ലക്ഷ്യത്തോടെയുള്ള "ബേട്ടി ബച്ചാവോ ബേഠി പഠാവോ" പദ്ധതിക്ക് കീഴിലുള്ള സർക്കാർ പിന്തുണയുള്ള ഒന്നാണ് സുകന്യ സമൃദ്ധി പദ്ധതി. പെൺകുഞ്ഞുങ്ങളുള്ള ആർക്കും ഈ സൗകര്യം തിരഞ്ഞെടുക്കാവുന്നതാണ്. ഈ അക്കൗണ്ട് തുറക്കാൻ നിങ്ങൾക്ക് ലിസ്റ്റുചെയ്ത ഏതെങ്കിലും ബാങ്കുകളുടെയും പോസ്റ്റ് ഓഫീസുകളുടെയും സൗകര്യം പ്രയോജനപ്പെടുത്താം.SSY EEE നികുതി വിഭാഗത്തിന് കീഴിലാണ്. നിക്ഷേപങ്ങൾക്കോ ​​വരുമാനത്തിനോ പിൻവലിക്കലുകൾക്കോ ​ നികുതി നൽകേണ്ടതില്ല.

സുകന്യ സമൃദ്ധി യോജനയിലേക്കുള്ള സംഭാവനകൾക്ക് ആദായ നികുതി നിയമം 1961-ലെ സെക്ഷൻ 80സി പ്രകാരം നികുതി കിഴിവുകൾക്ക് അർഹതയുണ്ട്. അത് കൊണ്ട് സ്‌കീമിൽ നിക്ഷേപിച്ചിട്ടുള്ള 1.5 ലക്ഷം രൂപ വരെ നികുതിയിളവുകൾ നിങ്ങൾക്ക് ക്ലെയിം ചെയ്യാം. നിങ്ങൾ കുറഞ്ഞത് ₹250 രൂപ എങ്കിലും നിക്ഷേപിക്കണം. ഉയർന്ന പരിധി 1.5 ലക്ഷം വരെ ആകാം.

2) നാഷ്ണൽ സേവിംഗ്സ് സർട്ടിഫിക്കറ്റ്

പോസ്റ്റ് ഓഫീസുകളിൽ ലഭ്യമായ സ്ഥിര വരുമാന നിക്ഷേപ പദ്ധതിയാണിത്. ഇന്ത്യയിലെ സർക്കാർ പിന്തുണയുള്ള ഒരു സേവിംഗ്സ് ബോണ്ടാണ്. അഞ്ച് വർഷത്തെ മെച്യൂരിറ്റി കാലയളവും ഗ്യാരണ്ടീഡ് റിട്ടേണും ഉള്ള ഒരു സ്ഥിരവരുമാന നിക്ഷേപമാണിത്. ദീർഘകാലത്തേക്ക് നിക്ഷേപം bhadrമാക്കാനും, ആദായനികുതി ലാഭിക്കാനും ആഗ്രഹിക്കുന്ന നിക്ഷേപകർക്ക് അപകടസാധ്യതയില്ലാത്ത NSC ഒരു നല്ല ഓപ്ഷനാണ്.

ഈ പദ്ധതി നിക്ഷേപിച്ച തുകയ്ക്ക് നികുതി കിഴിവുകൾ വാഗ്ദാനം ചെയ്യുകയും ആദായനികുതി നിയമത്തിലെ സെക്ഷൻ 80 സി പ്രകാരം 1.50 ലക്ഷം രൂപ വരെ നികുതി ഒഴിവാക്കാൻ സഹായിക്കുകയും ചെയ്യും. നിങ്ങൾക്ക് ഏറ്റവും കുറഞ്ഞ നിക്ഷേപമായ ₹1000 മുതൽ ആരംഭിക്കാം, നിലവിൽ, സ്കീം 7.7% ഗ്യാരണ്ടീഡ് റിട്ടേൺ വാഗ്ദാനം ചെയ്യുന്നു.

3) പബ്ലിക് പ്രൊവിഡന്റ് ഫണ്ട്

1968-ൽ ധനമന്ത്രാലയത്തിൻ്റെ നാഷണൽ സേവിംഗ്സ് ഇൻസ്റ്റിറ്റ്യൂട്ടാണ് പിപിഎഫ് ആദ്യമായി പൊതുജനങ്ങൾക്ക് വാഗ്ദാനം ചെയ്തത്. പ്രധാനമായും അതിൻ്റെ സുരക്ഷ, വരുമാനം, നികുതി ലാഭിക്കൽ എന്നിവയുടെ സംയോജനം കാരണം പബ്ലിക് പ്രൊവിഡൻ്റ് ഫണ്ട് സ്കീം ഏറ്റവും ജനപ്രിയമായ ദീർഘകാല സേവിംഗ്-കം-ഇൻവെസ്റ്റ്മെന്റ് ഉൽപ്പന്നങ്ങളിൽ ഒന്നാണ്. ഏറ്റവും കുറഞ്ഞത് ₹500 നിക്ഷേപിച്ച് നിങ്ങൾക്ക് ഒരു PPF അക്കൗണ്ട് തുറക്കാം, പരമാവധി വാർഷിക സംഭാവന ₹1.5 ലക്ഷം ആണ്. ആകർഷകമായ പലിശ നിരക്കുകളും നികുതി ആനുകൂല്യങ്ങളും ഉപയോഗിച്ച് കാലക്രമേണ ഗണ്യമായ കോർപ്പസ് നിർമ്മിക്കുന്നതിനുള്ള ഒരു സുരക്ഷിത മാർഗം PPF വാഗ്ദാനം ചെയ്യുന്നു.ദീർഘകാല സാമ്പത്തിക സുരക്ഷ ഉറപ്പാക്കാൻ നിസംശയം പി പി എഫിൽ നിക്ഷേപിക്കാം.

ഈ റെയിൽവേ ഓഹരി കയ്യിലുണ്ടോ, ലാഭം ബുക്ക് ചെയ്യുന്നതാണ് നല്ലത്, വിദഗ്ധരുടെ വിലയിരുത്തൽ അറിയാം

പിപിഎഫ് എക്‌സെംപ്റ്റ്-എക്‌സെംപ്റ്റ് എക്‌സെംപ്റ്റ് (ഇഇഇ) വിഭാഗത്തിൽ പെടുന്നു. അതായത്, പ്രധാന തുകയും സമ്പാദിച്ച പലിശയും, മെച്യൂരിറ്റി തുകയും പൂർണ്ണമായും നികുതി രഹിതമാണ്

4)ഇൻഷുറൻസ്

ലൈഫ് ഇൻഷുറൻസ് പ്ലാനിൽ നിക്ഷേപിക്കുന്നതിലൂടെ, ആദായനികുതി നിയമം, 1961-ലെ വ്യവസ്ഥകൾ അനുസരിച്ച് നിങ്ങളുടെ നികുതി വിധേയമായ വരുമാനത്തിൽ നിന്ന് കിഴിവുകൾ ക്ലെയിം ചെയ്യാം.

സ്ത്രീകൾക്ക് സ്വന്തമായോ ​​അവരുടെ പങ്കാളിക്കോ അതുമല്ലെങ്കിൽ അവരുടെ കുട്ടികൾക്കോ വേണ്ടി എടുത്ത ലൈഫ് ഇൻഷുറൻസ് പോളിസികൾക്കും നികുതി ആനുകൂല്യങ്ങൾ ലഭിക്കും. എന്നിരുന്നാലും, കിഴിവുകൾ ഒരു സാധാരണ വ്യക്തിക്ക് ഇൻഷ്വർ ചെയ്ത തുകയുടെ 10% കവിയാൻ പാടില്ല. ആദായനികുതി നിയമത്തിലെ സെക്ഷൻ 80U പ്രകാരം വൈകല്യങ്ങൾ ഉള്ള ഒരു വ്യക്തിക്ക് 15%. ഇൻഷുറൻസ് ഒരു സംരക്ഷണ നടപടി മാത്രമല്ല, ഒരു മികച്ച നികുതി ലാഭിക്കൽ ഉപകരണവുമാകുന്നു.

ബാധകമായ നികുതി സ്ലാബുകൾ സ്ത്രീകൾക്കും പുരുഷന്മാർക്കും ഒന്നു തന്നെയെന്നിരിക്കെ, ഇതിനെ പറ്റി ബോധവാന്മാരാകുക എന്നത് തങ്ങളുടെ സമ്പാദ്യം മികച്ച രീതിയിൽ ആസൂത്രണം ചെയ്യുന്നതിനും, പരമാവധി വർദ്ധിപ്പിക്കുന്നതിനും സഹായിക്കും. സെക്ഷൻ 87എ പ്രകാരം ഒരു വർഷത്തിൽ മൊത്തം വരുമാനം 5,00,000 രൂപയിൽ കൂടുതലല്ലെങ്കിൽ, ആദായനികുതിയുടെ 100% അല്ലെങ്കിൽ ₹ 12,500 രൂപ ഇതിൽ ഏതാണോ കുറവ് അത് ക്ലെയിം ചെയ്യാം. പുതിയ നികുതി വ്യവസ്ഥയ്ക്ക് കീഴിൽ, നികുതിദായകർക്ക് സെക്ഷൻ 87 എ പ്രകാരം ഒരു വർഷത്തിൽ മൊത്തം വരുമാനം 7,00,000 രൂപയിൽ കൂടുതലല്ലെങ്കിൽ, ആദായനികുതിയുടെ 100% അല്ലെങ്കിൽ ₹ 25,000 രൂപ, ഇതിൽ ഏതാണോ കുറവ് എന്നനുസരിച്ചു ക്ലെയിം ചെയ്യാം. ലളിതവും എന്നാൽ ശ്രദ്ധയോടും കൂടിയുള്ള ഒരു സമീപനം സാമ്പത്തിക ചക്രം നന്നായി ക്രമീകരിച്ചിട്ടുണ്ടെന്നും ദീർഘകാലാടിസ്ഥാനത്തിൽ പ്രയോജനകരമാണെന്നും ഉറപ്പാക്കുന്നു.