സ്ഥിര നിക്ഷേപത്തിലൂടെ നികുതി ലാഭിക്കാം; പലിശ 8% വരെ; ടാക്സ് സേവിം​ഗ് സ്ഥിര നിക്ഷേപങ്ങളിതാ

റിപ്പോ നിരക്കുകൾ മാറ്റമില്ലാതെ തുടരുന്ന സമയത്ത് സ്ഥിര നിക്ഷേപങ്ങളുടെ പലിശ നിരക്കുകൾ കുറയാൻ സാധ്യതയുണ്ട്. ഈ സമയത്ത് നിക്ഷേപങ്ങൾ ആരംഭിക്കുന്നത് മികച്ച പലിശയിൽ സ്വന്തമാക്കാൻ സാധിക്കും. സ്ഥിര നിക്ഷേപങ്ങളിൽ നികുതി ഇളവും മികച്ച പലിശയും ലഭിക്കാനുള്ള മികച്ച മാർ​ഗമാണ് ടാക്‌സ് സേവിംഗ്‌ സ്ഥിര നിക്ഷേപം.

എസ്ബിഐ 5 വര്‍ഷത്തെ ടാക്‌സ് സേവിംഗ്‌സ് സ്ഥിര നിക്ഷേപത്തിന് 6.50 ശതമാനം പലിശയാണ് നല്‍കുന്നത്. 7 ശതമാനം പലിശ മുതിര്‍ന്നപൗരന്മാര്‍ക്കും ലഭിക്കും. ആക്‌സിസ് ബാങ്ക്, ആര്‍ബിഎല്‍ ബാങ്ക്, കാനറ ബാങ്ക്, എച്ച്ഡിഎഫിസി, ബാങ്ക്, ഇന്‍ഡസ്ഇന്‍ഡ് ബാങ്ക് എന്നിവ ഇതിനേക്കാള്‍ മികച്ച പലിശ നല്‍കുന്നു. പലിശ നിരക്കുകൾ വിശദമായി നോക്കാം.

ടാക്‌സ് സേവിംഗ്‌ സ്ഥിര നിക്ഷേപം

ടാക്‌സ് സേവിംഗ്‌ സ്ഥിര നിക്ഷേപത്തിലേക്ക് മാറ്റുന്ന 1.50 ലക്ഷം രൂപയ്ക്ക് ആദായ നികുതിയില്‍ നിന്ന് ഇളവ് ലഭിക്കും. ടാക്‌സ് സേവിംഗ്‌ സ്ഥിര നിക്ഷേപത്തിന്റെ കാലാവധി 5 വര്‍ഷമാണ്. ലോക്ഇന്‍ പിരിയഡുള്ളതിനാല്‍ കാലാവധിക്ക് മുന്‍പുള്ള പിന്‍വലിക്കല്‍ അനുവദിക്കുന്നതല്ല. കാലാവധിയില്‍ പിന്‍വലിക്കുമ്പോള്‍ ലഭിക്കുന്ന പലിശ വരുമാനം നികുതി ബാധകമാണ്. ടാക്‌സ് സ്ലാബ് അനുവസരിച്ച് നികുതി നല്‍കേണ്ടതായി വരും.

സ്വകാര്യ ബാങ്ക്

ഇൻഡസ്ഇൻഡ് ബാങ്കിന്റെ ടാക്സ് സേവർ സ്കീമിൽ റെ​ഗുലർ നിക്ഷേപകർക്ക് 7.25 ശതമാനം പലിശ ലഭിക്കും. മുതിർന്ന പൗരന്മാർക്ക് 8 ശതമാനം പലിശയും സ്വന്തമാക്കാം. ആർബിഎൽ ബാങ്കിന്റെ ആർബിഎൽ ബാങ്ക് ടാക്സ് സേവിംഗ് സ്ഥിര നിക്ഷേപത്തിന് റെ​ഗുലർ നിക്ഷേപകർക്ക് 7.1 ശതമാനം പലിശയും മുതിർന്ന പൗരന്മാർക്ക് 7.6 ശതമാനം പലിശയും ലഭിക്കും.

എച്ച്ഡിഎഫ്സി ബാങ്ക് ടാക്സ് സേവിംഗ് സ്ഥിര നിക്ഷേപത്തിൽ റെ​ഗുലർ നിക്ഷേപകർക്ക് 7 ശതമാനം പലിശയും മുതിർന്ന പൗരന്മാർക്ക് 7.75 ശതമാനം പലിശയും ലഭിക്കും. ആക്സിസ് ബാങ്ക് ടാക്സ് സേവിംഗ് സ്ഥിര നിക്ഷേപം റെ​ഗുലർ നിക്ഷേപകർക്ക് 7 ശതമാനം പലിശ ലഭിക്കും. മുതിർന്ന പൗരന്മാർക്ക് 7.75 ശതമാനം പലിശയാണ് ആക്സിസ് ബാങ്ക് നൽകുന്നത്.

ഐഡിഎഫ്സി ഫസ്റ്റ് ബാങ്ക് ടാക്സ് സേവിംഗ് സ്ഥിര നിക്ഷേം റെ​ഗുലർ നിക്ഷേപകർക്ക് 7 ശതമാനം പലിശയും മുതിർന്ന പൗരന്മാർക്ക് 7.5 ശതമാനം പലിശയും നൽകും. ഐസിഐസിഐ ബാങ്ക് ടാക്സ് സേവർ സ്ഥിര നിക്ഷേപം 7 ശതമാനം പലിശ റെ​ഗുലർ നിക്ഷേപകർക്കും 7.50 ശതമാനം പലിശയും നൽകുന്നുണ്ട്. ഐഡിബിഐ ബാങ്കിൽ റെ​ഗുലർ നിക്ഷേപകർക്ക് 6.50 ശതമാനവും മുതിർന്ന പൗരന്മാർക്ക് 7 ശതമാനവും പലിശ നേടാം.

പൊതുമേഖലാ ബാങ്ക്

കാനറ ബാങ്ക് ടാക്സ് സേവിംഗ് സ്ഥിര നിക്ഷേപം റെ​ഗുലർ നിക്ഷേപകർക്ക് 6.70 ശതമാനം പലിശയും മുതിർന്ന പൗരന്മാർക്ക് 7.20 ശതമാനം പലിശയും ലഭിക്കും. യൂണിയൻ ബാങ്ക് ഓഫ് ഇന്ത്യയുടെ ടാക്സ് സേവിംഗ് സ്ഥിര നിക്ഷേപത്തിൽ നിന്ന് റെ​ഗുലർ നിക്ഷേപകർക്ക് 6.70 ശതമാനവും മുതിർന്ന പൗരന്മാർക്ക് 7.20 ശതമാനം പലിശയും ലഭിക്കും.

പഞ്ചാബ് നാഷണൽ ബാങ്കിലെ ടാക്സ് സേവിംഗ് സ്ഥിര നിക്ഷേപം റെ​ഗുലർ നിക്ഷേപകർക്ക് 6.50 ശതമാനവും മുതിർന്ന പൗരന്മാർക്ക് 7.30 ശതമാനവും പലിശ നൽകും. ബാങ്ക് ഓഫ് ബറോഡയുടെ ടാക്സ് സേവിംഗ് സ്ഥിര നിക്ഷേപത്തിൽ റെ​ഗുലർ നിക്ഷേപകർക്ക് 6.50 ശതമാനവും മുതിർന്ന പൗരന്മാർക്ക് 7.15 ശതമാനവും പലിശ ലഭിക്കും.

പഞ്ചാബ് ആൻഡ് സിൻഡ് ബാങ്കിലെ ടാക്സ് സേവിംഗ് എഫ്ഡിയിൽ 6.25 ശതമാനം റെ​ഗുലർ നിക്ഷേപകർക്കും 6.75 ശതമാനം മുതിർന്ന പൗരന്മാർക്കും ലഭിക്കും.