മാറ്റമില്ലാതെ സ്വർണവില, ഒരു പവൻ വാങ്ങാൻ 60,000 രൂപ നൽകണം, വില വരും ദിവസങ്ങളിൽ കുറയുമോ..?

സംസ്ഥാനത്തെ സ്വർണവില മാറ്റമില്ലാതെ തുടരുകയാണ്. റെക്കോർഡ് വിലയിൽ നിന്നും താഴോട്ടിറങ്ങിയ സ്വർണവില ഇന്നും കുറയുമെന്നായിരുന്നു പ്രതീക്ഷ. എന്നാൽ അതുണ്ടായില്ല എന്നത് ആഭരണപ്രേമികളെ സംബന്ധിച്ച് അൽപ്പം നിരാശയുണ്ടാക്കുന്ന കാര്യമാണ്.

ഇന്നത്തെ സ്വർണവില

ഇന്ന് ഒരു പവൻ സ്വർണ്ണത്തിന് 54,640 രൂപയും, ഗ്രാമിന് 6,830 രൂപയുമാണ് വില. ഇക്കഴിഞ്ഞ തിങ്കളാഴ്ച്ചയാണ് സ്വർണ്ണവില സംസ്ഥാനത്തിന്‍റെ ചരിത്രത്തിലെ സർവ്വകാല ഉയരത്തിലെത്തിയത്. ഒരു പവൻ സ്വർണ്ണത്തിന് 55,120 രൂപയും ഗ്രാമിന് 6,890 രൂപയുമായിരുന്നു അന്നത്തെ വില. ഈ മാസം ഒന്നാം തിയ്യതിയാണ് മെയിലെ താഴ്ന്ന വില രേഖപ്പെടുത്തിയത്. ഒരു പവൻ സ്വർണ്ണത്തിന് 52,440 രൂപയും, ഗ്രാമിന് 6,555 രൂപയുമായിരുന്നു നിരക്കുകൾ.

ആഭരണം വാങ്ങാൻ 60,000 നൽകണം

സ്വർണാഭരണം വാങ്ങുമ്പോൾ പവന്‍റെ വിലയോടൊപ്പം പണിക്കൂലി, നികുതി, ഹാള്‍മാര്‍ക്കിങ് നിരക്കുകള്‍എന്നിവയെല്ലാം ചേര്‍ത്ത് വലിയൊരു തുക നൽകേണ്ടി വരും. ശരാശരി 5 ശതമാനമാണ് പണിക്കൂലി. 3 ശതമാനം ജിഎസ്ടിയും. അങ്ങനെ കണക്ക് കൂട്ടിയാൽ 1 പവൻ സ്വർണാഭരണം വാങ്ങുമ്പോൾ ഏകദേശം 60,000 രൂപ നൽകേണ്ടി വരും.

ആഗോള സ്വർണവില

അന്താരാഷ്ട്ര തലത്തിൽ സ്വർണ്ണവ്യാപാരം, മികച്ച നേട്ടത്തിലാണ് വ്യാപാരം നടത്തുന്നത്. ട്രോയ് ഔൺസിന് 7.14 ഡോളർ (0.29%) താഴ്ന്ന് 2414.50 ഡോളർ എന്നതാണ് നിലവാരം.

അഡ്വാൻസ് ബുക്കിം​ഗ്

സ്വർണം വാങ്ങുന്നവർ അഡ്വാൻസ് ബുക്കിം​ഗ് ഉപയോ​ഗപ്പെടുത്തുന്നത് നല്ലതാണ്. ഇന്നത്തെ കുറഞ്ഞ വിലയിൽ സ്വർണം ബുക്ക് ചെയ്യാനും ആവശ്യ വില ഉയർന്നാൽ കുറഞ്ഞ വിലയിൽ വാങ്ങാനും അഡ്വാൻസ് ബുക്കിം​ഗ് ഉപകരിക്കും.

വില കുറയുമോ...?

ഭൗമരാഷ്ട്രീയ സംഭവവികാസങ്ങളോടും യുഎസ് ധനനയത്തോടും വിപണി പ്രതികരിക്കുന്നതിനാൽ വരും മാസങ്ങളിൽ സ്വർണ വിലയിൽ ചാഞ്ചാട്ടം നിലനിൽക്കുമെന്നു തന്നെയാണ് വിദഗ്ധരുടെ വിലയിരുത്തൽ. ലോക വ്യാപകമായ സാമ്പത്തിക അനിശ്ചിതത്വം നാണയപ്പെരുപ്പം പ്രതിരോധിക്കാന്‍ശേഷിയുള്ള ആസ്തി എന്ന നിലയില്‍സ്വര്‍ണ്ണത്തിന്‍റെ ഡിമാന്‍റ് വര്‍ധിപ്പിക്കുന്നുണ്ട്.

വില തീരുമാനിക്കുന്നത് അസോസിയേഷൻ

കേരളത്തിലെ സ്വർണ്ണവില തീരുമാനിക്കുന്നത് ഓൾ കേരള ഗോൾഡ് ആൻഡ് സിൽവർ മർച്ചൻസ് അസോസിയേഷൻ ആണ്. ഓരോ ദിവസത്തെയും രൂപയുടെ വിനിമയ നിരക്ക്,അന്താരാഷ്ട്ര വിപണിയുമായി ബന്ധപ്പെട്ട ഇന്ത്യയുടെ 24 കാരറ്റ് സ്വർണ്ണത്തിന്റെ ബാങ്ക് നിരക്ക്, ഇതനുസരിച്ച് മുംബൈയിൽ ലഭ്യമാകുന്ന നിരക്കുകൾ ഡോളർ വില, ഈ ഘടകങ്ങളെല്ലാം അസോസിയേഷനുകൾ സ്വർണ്ണവില നിശ്ചയിക്കുന്നതിൽ കണക്കിലെടുക്കുന്നുണ്ട്.

20 വർഷം കൂടിയത് അരലക്ഷം രൂപ

ഈ വർഷം ജനുവരി 1ആം തിയ്യതി ഒരു പവൻ സ്വർണ്ണത്തിന് പവന് 46840 രൂപയും, ഗ്രാമിന് 5855 രൂപയുമായിരുന്നു. വില സർവ്വകാല ഉയരത്തിലെത്തിയ ഇക്കഴിഞ്ഞ തിങ്കളാഴ്ച്ച വരെ പവന് 8280 രൂപയും, ഗ്രാമിന് 1035 രൂപയുമാണ് വില ഉയർന്നിരിക്കുന്നത്.

കഴിഞ്ഞ 2 പതിറ്റാണ്ടിനിടെ 50,000 രൂപയുടെ വർധനവാണ് സ്വർണ വിലയിലുണ്ടായത്. 2005 ഓക്ടോബർ മാസത്തെ പവന്‍റെ വില 5,040 രൂപയായിരുന്നു. മൂന്ന് വർഷങ്ങൾക്ക് ശേഷം 2008 ഒക്ടോബർ മാസം സ്വർണ വില 10,000 കടന്നു. 2010-ൽ വില 15,000 രൂപയും 2011 ഓഗസ്റ്റ് മാസത്തിൽ വില 20,000 രൂപയും കടന്നു.

പവന്‍റെ വില 25,000 കടക്കുന്നത് 2019 ലാണ്. 2020 ൽ വില 30,000 രൂപയ്ക്ക് മുകളിലെത്തി. രണ്ട് വർഷത്തിന് ശേഷം പവന്‍റെ വില 40,000 രൂപ കടന്നു. 2023-ൽ 45,000 രൂപയും 2024 മാർച്ച് 29-ന് പവന്‍റെ വില അരലക്ഷം രൂപയും കടന്നു.