നിങ്ങൾക്ക് വായ്പയുണ്ടോ? ദീപാവലിക്ക് വമ്പൻ ഓഫറുകളാണ് ഈ 8 ബാങ്കുകൾ വാ​ഗ്ദാനം ചെയ്യുന്നത്

ദീപാവലി ആഘോഷങ്ങൾക്ക് ഇനി 2 ദിവസം മാത്രമേയുള്ളൂ... ഓൺലൈനിലും ഓഫ് ലൈനായും നിരവധി ഓഫറുകളാണ് കാണുന്നത്. ഓരോ ബാങ്കും ഓരോ ഓഫറുകളാണ് വാ​ഗ്ദാനം ചെയ്യുന്നത്. പ്രധാനമായും ഭവനവായ്പ, കാർ ലോണുകൾ, പേഴ്സണൽ ലോണുകൾ, എഫ്.ഡി എന്നീ വായ്പകളെ പ്രോത്സാഹിപ്പിക്കുന്നതിനും ബിസിനസ് വളർത്താനുമായി നിരവധി ബാങ്കുകൾ വിവിധ ഓഫറുകൾ വാ​ഗ്ദാനം ചെയ്യുന്നു. ഈ ഉത്സവ കാലത്ത് സുരക്ഷിതമായ നിക്ഷേപങ്ങൾ നടത്താൻ ആ​ഗ്രഹിക്കുന്നവർക്ക് ഈ ഓഫറുകൾ ഏറെ ഉപകാരപ്രദമാണ്.

യൂണിയൻ ബാങ്ക് ഓഫ് ഇന്ത്യ, ബാങ്ക് ഓഫ് ബറോഡ, പഞ്ചാബ് & സിന്ധ് ബാങ്ക് തുടങ്ങിയ ബാങ്കുകൾ അവരുടെ ലോൺ, ഡെപ്പോസിറ്റ് സ്കീമുകൾ എന്നിവയെ കുറിച്ച് കൃത്യമായി പ്രമോട്ട് ചെയ്യുന്നുണ്ട്. ഈ ഓരോ ബാങ്കും ഭവനവായ്പ, കാർ ലോണുകൾ, പേഴ്സണൽ ലോണുകൾ, എഫ്.ഡി എന്നിവയ്ക്ക് എത്രത്തോളം ഓഫർ നൽകുന്നുവെന്ന് പരിശോധിക്കാം.

1. ബാങ്ക് ഓഫ് ബറോഡ

ഭവന വായ്പ: പ്രോസസ്സിംഗ് ഫീസും ദൈർഘ്യമേറിയ തിരിച്ചടവ് കാലാവധിയും ഇല്ല. പ്രധാനമായും 8.40 ശതമാനത്തിൽ പലിശ ആരംഭിക്കുന്നു.

കാർ ലോൺ: പലിശ നിരക്ക് 8.95 ശതമാനം മുതൽ തുടങ്ങുന്നു. മാത്രമല്ല പ്രോസസ്സിംഗ് ചാർജുകൾക്ക് ഇളവുണ്ട്. ഓൺ-റോഡ് വാഹന വിലയുടെ 90 ശതമാനം വരെ ധനസഹായം നേടാം, ഒപ്പം ഇലക്ട്രിക് വാഹനങ്ങൾക്ക് പ്രത്യേക നിരക്കും ഉറപ്പാക്കാം.

പേഴ്സണൽ ലോൺ: പലിശ നിരക്ക് 10.80 ശതമാനം മുതൽ ആരംഭിക്കുന്നു. സ്ത്രീകൾക്ക് 10.55 ശതമാനം പലിശക്ക് വായ്പ ലഭിക്കും. പ്രോസസ്സിംഗ് ഫീസും തിരിച്ചടവ് ഓപ്ഷനുകളും 84 മാസം വരെ നീട്ടുന്നില്ല.

എഫ്.ഡി: 'ബോബ് ഉത്സവ് ഡെപ്പോസിറ്റ് സ്കീം' 400 ദിവസത്തെ നിക്ഷേപത്തിന് പൊതുജനങ്ങൾക്ക് 7.30 ശതമാനവും മുതിർന്ന പൗരന്മാർക്ക് 7.80 ശതമാനവും സൂപ്പർ സീനിയർ സിറ്റിസൺസിന് 7.90 ശതമാനവും പലിശ വാഗ്ദാനം ചെയ്യുന്നു.

2. ബാങ്ക് ഓഫ് മഹാരാഷ്ട്ര

ഭവന വായ്പ: പലിശ നിരക്ക് 8.35 ശതമാനം മുതൽ തുടങ്ങുന്നു. പ്രോസസ്സിംഗ് ഫീസും വേണ്ട, ദീർഘനാളത്തെ കാലാവധിയുമില്ല.

കാർ ലോൺ: 8.70 ശതമാനം പലിശ മുതൽ ആരംഭിക്കുന്നു. ഇതിന് പ്രോസസ്സിംഗ് ഫീസില്ല.

(എൽഐസി ഹൗസിംഗ് ഫിനാൻസ്) ഭവന വായ്പ: പ്രോസസ്സിംഗ് ഫീസിൽ 50 ശതമാനം ഇളവുണ്ട്.

3. സ്റ്റേറ്റ് ബാങ്ക് ഓഫ് ഇന്ത്യ (എസ്.ബി.ഐ)

ഭവന വായ്പ: പ്രോസസ്സിംഗ് ഫീസ് ഇല്ല.

പേഴ്സണൽ ലോൺ: പ്രോസസ്സിംഗ് ഫീസ് നൽകേണ്ട

കാർ ലോൺ: പ്രോസസ്സിംഗ് ഫീസ് ഒഴിവാക്കിയിട്ടുണ്ട്.

4. എച്ച്.ഡി.എഫ്.സി ബാങ്ക്

കാർ ലോൺ: ജപ്തി ചാർജുകളില്ലാതെ 9.25 ശതമാനം പലിശ നിരക്കുകളാണ് ലഭിക്കുന്നത്.

എഫ്.ഡി: 2 വർഷവും 11 മാസവുമുള്ള കാലാവധിയുള്ള എഫ്.ഡിയ്ക്ക് 7.35 ശതമാനം പലിശ നിരക്ക് ലഭിക്കുന്നു. 4 വർഷം 7 മാസം കാലാവധിക്ക് 7.40 ശതമാനം പലിശയും ഉറപ്പ് നൽകുന്നു. ഇതേ കാലാവധി മുതിർന്ന പൗരന്മാർക്ക് 0.50 ശതമാനം അധിക പലിശ ലഭിക്കും.

5. ഇന്ത്യൻ ബാങ്ക്

എഫ്.ഡി: 300 ദിവസത്തെ എഫ്.ഡിയ്ക്ക് 7.05 ശതമാനവും 400 ദിവസത്തെ എഫ്.ഡിയ്ക്ക് 7.30 ശതമാനവും പലിശ നൽകുന്നു. ഇതേ കാലയളവിൽ മുതിർന്ന പൗരന്മാർക്ക് 0.50 അധിക ശതമാനവും സൂപ്പർ സീനിയർ പൗരന്മാർക്ക് 0.75 അധിക ശതമാനവും പലിശ നൽകും.

6. പഞ്ചാബ് & സിന്ദ് ബാങ്ക്

ഭവന വായ്പ: പ്രതിവർഷം 8.45 ശതമാനം മുതൽ പലിശ ഈടാക്കുന്നു. പ്രോസസ്സിംഗ് ചാർജുകൾ ഇളവു ചെയ്യുന്നു.

വാഹന വായ്പ: പ്രതിവർഷം 8.64 ശതമാനം മുതൽ പലിശ ഈടാക്കുന്നു. പ്രോസസ്സിംഗ് ചാർജ് ഇളവുകൾ ഉറപ്പ് നൽകുന്നു.

7. ആർ.ബി.എൽ ബാങ്ക്

ഭവന വായ്പ: 30 വർഷം വരെ നീണ്ടുനിൽക്കുന്ന തിരിച്ചടവ് കാലാവധിയുള്ള മികച്ച പലിശ നിരക്കുകൾ ഓഫർ ചെയ്യുന്നു.

എഫ്.ഡി: 500 ദിവസത്തേക്ക് 8.10 ശതമാനം പലിശ വാഗ്ദാനം ചെയ്യുന്നു. മുതിർന്ന പൗരന്മാർക്ക് 0.50 ശതമാനം അധികമായി പലിശ നൽകുന്നു.

8. യൂണിയൻ ബാങ്ക്

ഭവന വായ്പ: 8.35 ശതമാനം മുതൽ പലിശ നിരക്ക് തുടങ്ങും. മാത്രമല്ല പ്രോസസ്സിംഗ് ഫീസ് ഈടാക്കില്ല.