Just In
-
-
-
-
Don't Miss
-
കൈ ശോഷിച്ചു വന്നു, അവന് ജീവിതം അവസാനിപ്പിക്കാന് തോന്നി; അര്ജുന്റെ അസുഖത്തെക്കുറിച്ച് അമ്മ -
തിരുവനന്തപുരത്ത് വോട്ടിംഗ് മെഷീനുകളിൽ തകരാർ എന്ന് വ്യാജവാർത്ത: ജില്ലാ കളക്ടർക്ക് പരാതി -
ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ -
സ്നേഹം ഒരാള്ക്ക് മാത്രം: നമ്മളെ സ്നേഹിക്കാത്തവരെ മനസ്സില് നിന്നും മായ്ക്കാന് ചില മാര്ഗ്ഗങ്ങള് -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
നിക്ഷേപവും ചെലവുകളും കഴിഞ്ഞാൽ മികച്ചം വരുന്ന തുക മുന്നോട്ടുള്ള ചെലവുകളെ നേരിടാൻ വേണ്ടി മാറ്റി വെയ്ക്കാവുന്നതാണ്. കയ്യിലുള്ള ഈ അധിക പണം സൂക്ഷിക്കുന്നതിന് എല്ലാവരും പൊതുവെ സ്വീകരിക്കുന്നത് സേവിംഗ്സ് ബാങ്ക് അക്കൗണ്ടുകളെയാണ്. എളുപ്പത്തിൽ എടുത്തു ഉപയോഗിക്കാൻ സാധിക്കുമെന്നതാണ് സേവിംഗ്സ് ബാങ്ക് അക്കൗണ്ടിലെ പണത്തിനുള്ള ഗുണം. പൊതുവെ കുറഞ്ഞ പലിശ നിരക്കാണ് സേവിംഗ്സ് ബാങ്ക് അക്കൗണ്ടിലെ പണത്തിന് ബാങ്ക് നൽകുന്നത്. സേവിംഗ്സ് അക്കൗണ്ടുകളിൽ അക്കൗണ്ടിലുള്ള പണത്തിന് അനുസരിച്ചാണ് പലിശ കണക്കാക്കുന്നത്.
ചില സ്വകാര്യ ബാങ്കുകൾ മികച്ച പലിശ സേവിംഗ്സ് അക്കൗണ്ടിന് വാഗ്ദാനം ചെയ്യുന്നുണ്ടെങ്കിലും കോടിക്കണക്കിന് രൂപ അക്കൗണ്ടിലുള്ളവർക്ക് മാത്രമാണ് ഇതിന്റെ പ്രയോജന ലഭിക്കുക. ഇതിനാൽ സേവിംഗ്സ് അക്കൗണ്ടിന് ബദൽ തേടാൻ നിക്ഷേപകർ നിർബന്ധിതമാകും. ഹ്രസ്വകാലത്തേക്ക് 1 വർഷം കഴിഞ്ഞ് ആവശ്യം വരുന്ന തുക സേവിംഗ്സ് അക്കൗണ്ടിൽ സൂക്ഷിക്കുന്നതിന് പകരം ഉയർന്ന പലിശ ലഭിക്കുന്നിടത്തേക്ക് മാറ്റാം. ഹ്രസ്വകാലത്തേക്ക് നിക്ഷേപിക്കുമ്പോള്‍ ഫണ്ടിന്റെ ലിക്വിഡിറ്റി നിലനിര്‍ത്തി കൊണ്ട് തന്നെ ഉയര്‍ന്ന ആദായം നേടാന്‍ സാധിക്കുന്ന നിക്ഷേപങ്ങളുണ്ട്. ഇവ ഏതൊക്കെയാണെന്ന് ചുവടെ വിശദീകരിക്കുന്നത്.
ഡെബ്റ്റ് ഫണ്ട്
16 തരം ഡെബ്റ്റ് ഫണ്ടുകളില്‍ ഹ്രസ്വകാലത്തേക്ക് നിക്ഷേപം നടത്താന്‍ പറ്റിയ 5 തരം ഫണ്ടുകളാണുള്ളത്. ആഴ്ചകള്‍ മുതല്‍ 1 വര്‍ഷം വരെയുള്ള കാലയളവിലേക്ക് ഇവ തിരഞ്ഞെടുക്കാം. ഒരാഴ്ച വരെയുള്ള നിക്ഷേപങ്ങള്‍ക്ക് ഓവര്‍നൈറ്റ് ഫണ്ട് ഉപകരിക്കും. 1 ആഴ്ച മുതല്‍ 1 മാസം വരെ പണം ല്വിക്വിഡ് ഫണ്ടിലേക്ക് മാറ്റാം.
2 മാസം മുതല്‍ 4 മാസം വരെയാണ് അള്‍ട്ര ഷോര്‍ട്ട് ഡ്യൂറേഷന്‍ ഫണ്ടില്‍ പണം സൂക്ഷിക്കാവുന്നതാണ്. ലോ ഡ്യൂറേഷന്‍ ഫണ്ടില്‍ 3-6 മാസം വരെയും മണി മാര്‍ക്കറ്റ് ഫണ്ടുകളില്‍ 6-12 മാസം വരെയും പണം നിക്ഷേപിക്കാം. എല്ലാ ഫണ്ടുകളും സേവിംഗ്സ് അക്കൗണ്ടിനെക്കാള്‍ മികച്ച ആദായം നല്‍കുന്നവയാണ്.
ബാങ്ക് സ്ഥിര നിക്ഷേപം
ബാങ്ക് സ്ഥിര നിക്ഷേപങ്ങള്‍ ദീര്‍ഘകാലത്തേക്ക് മാത്രമുള്ളതല്ല. 7 ദിവസം മുതല്‍ 1 വര്‍ഷത്തേക്കുള്ള സ്ഥിര നിക്ഷേപങ്ങള്‍ ബാങ്കുകള്‍ നല്‍കുന്നുണ്ട്. ഭേദപ്പെട്ട പലിശ ഹ്രസ്വകാലത്തേക്ക് ബാങ്കുകള്‍ നല്‍കുന്നു. 2.50 ശതമാനം മുതൽ 5.20 ശതമാനം വരെ പലിശ ഹ്രസ്വ കാലത്തേക്ക് ബാങ്കുകൾ നൽകുന്നുണ്ട്. ആവശ്യമെങ്കിൽ നിക്ഷേപം പുതുക്കാനും അവസരമുണ്ട്. 5 ലക്ഷം രൂപ വരെയുള്ള നിക്ഷേപങ്ങള്‍ക്ക് ഡെപ്പോസിറ്റ് ഇന്‍ഷൂറന്‍സ് ആന്‍ഡ് ക്രെഡിറ്റ് ഗ്യാരണ്ടി കോര്‍പ്പറേഷന്റെ ഇന്‍ഷൂറന്‍സ് പരിരക്ഷയുണ്ട്.
കമ്പനി നിക്ഷേപം
കമ്പനി നിക്ഷേപം കോർപ്പറേറ്റ് സ്ഥിര നിക്ഷേപം എന്നും അറിയപ്പെടും. ഹ്രസ്വകാലത്തേക്ക് കോര്‍പ്പറേറ്റ് എഫ്ഡികള്‍ തിരഞ്ഞെടുക്കന്നവര്‍ക്ക് ആറ് മാസം മുതല്‍ 1 വര്‍ഷം വരെ കാലയളവില്‍ നിക്ഷേപിക്കാം. ബാങ്ക് സ്ഥിര നിക്ഷേപങ്ങളേക്കാൾ പലിശ കോർപ്പറേറ്റ് എഫ്ഡികളിൽ ലഭിക്കും. നിക്ഷേപിക്കുന്നതിന് മുന്‍പ് ക്രെഡിറ്റ് റേറ്റിംഗ് ഏജന്‍സികള്‍ നിക്ഷേപത്തിന് നല്‍കിയ റേറ്റിംഗ് പരിശോധിക്കണം. നിക്ഷേപത്തിനും പലിശയ്ക്കും സുരക്ഷ ഉറപ്പാക്കുന്ന AAA റേറ്റിംഗ് ഉള്ള സ്ഥാപനങ്ങള്‍ നോക്കി നിക്ഷേപിക്കണം.
പോസ്റ്റ് ഓഫീസ് നിക്ഷേപം
ഹ്രസ്വകാലത്തേക്കുള്ള ആവശ്യത്തിന് നിക്ഷേപിക്കാവുന്ന പോസ്റ്റ് ഓഫീസ് പദ്ധതിയാണ് പോസ്റ്റ് ഓഫീസ് ടേം ഡെപ്പോസിറ്റ്. ഇതിൽ 1 വര്‍ഷ കാലാവധിയുള്ള പോസ്റ്റ് ഓഫീസ് ടേം ഡെപ്പോസിറ്റിൽ നിക്ഷേപിക്കാം. 1,000 രൂപയിൽ തുടങ്ങി 100 ന്റെ ഗുണിതങ്ങളായി എത്ര രൂപ വേണമെങ്കിലും നിക്ഷേപിക്കാം. നിക്ഷേപിക്കാവുന്ന തുകയ്ക്ക് പരിധിയില്ല. വര്‍ഷത്തിലാണ് പലിശ കണക്കാക്കുന്നത്. 5.5 ശതമാനം പലിശ 1 വർഷത്തേക്ക് നൽകും.
