Just In
Don't Miss
-
ഐപിഎല് ശമ്പളം 16 കോടി, ബിസിസിഐ നല്‍കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില് -
'സുധാകരന് എന്തോ തകരാറുണ്ട്, മരുന്ന് കഴിച്ചിട്ടില്ലെന്ന് തോന്നുന്നു'; മറുപടിയുമായി ഇപി ജയരാജൻ -
വിട്ടുമാറാതെ രോഗം അലട്ടുന്നോ, കുടുംബത്തില് വാസ്തുദോഷമുണ്ടാവാം -
'നിർഭാഗ്യം കൊണ്ട് ഇതെല്ലാം സംഭവിച്ചു... എനിക്ക് പ്രധാനം നിന്റെ ആരോഗ്യമാണ്, നീ ഇതിനോടകം വിജയിയായി കഴിഞ്ഞു' -
T20 World Cup 2024: ഹാര്ദിക് വേണ്ട! പകരം ദുബെ, സഞ്ജു ടീമില്; ഇതാ ഭാജിയുടെ 15 അംഗ സ്ക്വാഡ് -
മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കയ്യിലെ പണം അലമാരയിൽ സൂക്ഷിച്ചാൽ സുരക്ഷിതത്വം മാത്രമാണ് ഫലം. പണം വളരാനുള്ള പണി അത് നിക്ഷേപിക്കുക എന്നതാണ്. സുരക്ഷിതത്വം മുറുകെ പിടിക്കുന്നൊരാൾക്ക് തിരഞ്ഞെടുക്കാവുന്ന നിക്ഷേപമാണ് ബാങ്ക് സ്ഥിര നിക്ഷേപങ്ങൾ. നിക്ഷേപിച്ച തുകയും പലിശയും ചേർത്ത് കാലാവധിയിൽ തിരികെ ലഭിക്കുമെന്ന ഉറപ്പ് തന്നെയാണ് സ്ഥിര നിക്ഷേപങ്ങളുടെ ഗുണം. ഇതോടൊപ്പം 5 ലക്ഷം രൂപ വരെയുള്ള ബാങ്ക് നിക്ഷേപങ്ങൾക്ക് ഇൻഷൂറൻസ് പരിരക്ഷയും ലഭിക്കും.
ഇന്ന് പലിശ നിരക്ക് ഉയരാൻ തുടങ്ങിയതോടെ സ്ഥിര നിക്ഷേപങ്ങൾ ആകർഷകമായി. പണപ്പെരുപ്പ നിരക്കിനേക്കാളും ഉയർന്ന പലിശ ബാങ്കുകൾ നൽകുന്നുണ്ട്. സ്വകാര്യ ബാങ്കുകളാണ് പലിശ നിരക്കിൽ മുന്നിൽ. ഇതിൽ തന്നെ സ്മോൾ ഫിനാൻസ് ബാങ്കുകൾ 8.50 ശതമാനം വരെ പലിശ നൽകുന്നു. ഇത്തരത്തിലുള്ള 3 ബാങ്കുകൾ നോക്കാം.
സൂര്യോദയ് സ്മോൾ ഫിനാൻസ് ബാങ്ക്
സൂര്യോദയ് സമോള്‍ ഫിനാന്‍സ് ബാങ്ക് നവംബര്‍ രണ്ടിന് നിക്ഷേപ പലിശ പുതുക്കിയിട്ടുണ്ട്. 999 ദിവസത്തേക്കുള്ള നിക്ഷേപത്തിന് പൊതുവിഭാഗത്തിന് 8.01 ശതമാനവും മുതിര്‍ന്ന പൗരന്മാര്‍ക്ക് 8.26 ശതമാനം പലിശയും ലഭിക്കും. 1 വര്‍ഷം മുതല്‍ ഒന്നര വര്‍ഷത്തേക്കുള്ള സ്ഥിര നിക്ഷേപത്തിന് 7 ശതമാനം പലിശ ലഭിക്കും.
ഒന്നര വര്‍ഷം മുതല്‍ 998 ദിവസത്തേക്കുള്ള സ്ഥിര നിക്ഷേപത്തിന് 7.51 ശതമാനം പലിശയും നല്‍കും. 3 വര്‍ഷം മുതല്‍ 5 വര്‍ഷത്തേക്കുള്ള സ്ഥിര നിക്ഷേപത്തിന് 6.75 ശതമാനവും 5-10 വര്‍ഷത്തേക്കുള്ള നിക്ഷേപത്തിന് 6 ശതമാനവും ബാങ്ക് നല്‍കുന്നു.
ഇസാഫ് സ്മോൾ ഫിനാൻസ് ബാങ്ക്
തൃശൂര്‍ മണ്ണൂത്തി ആസ്ഥാനമായി പ്രവര്‍ത്തിക്കുന്ന സമോള്‍ ഫിനാന്‍സ് ബാങ്കാണ് ഇസാഫ്. മൈക്രോഫിനാന്‍സ് കമ്പനിയായി പ്രവർത്തിച്ച ഇസാഫ് 2017ലാണ് സ്‌മോള്‍ ഫിനാന്‍സ് ബാങ്കായി മാറുന്നത്. 21 സംസ്ഥാനങ്ങളിലും 2 കേന്ദ്ര ഭരണ പ്രദേശങ്ങളിലുമായി 575 ശാഖകള്‍ ബാങ്കിനുണ്ട്. സ്വാതന്ത്രത്തിന് ശേഷം കേരളം ആസഥാനമായി രൂപം കൊണ്ട ഷെഡ്യൂള്‍ഡ് ബാങ്ക് കൂടിയാണിത്.
ഇസാഫ് സ്‌മോള്‍ ഫിനാന്‍സ് ബാങ്ക് അവതരിപ്പിച്ച പുതിയ 999 ദിവസം കാലാവധിയുള്ള സ്ഥിര നിക്ഷേപ പദ്ധതിക്കാണ് ബാങ്ക് ഏറ്റവും ഉയര്‍ന്ന പലിശ നല്‍കുന്നത്. പൊതുവിഭാഗത്തിന് 8 ശതമാനം പലിശയും മുതിര്‍ന്ന പൗരന്മാര്‍ക്ക് 8.50 ശതമാനം പലിശയും 999 ദിവസത്തേക്ക് ലഭിക്കും. നവംബര്‍ 30ന് മുന്‍പായി നിക്ഷേപം നടത്തുന്നവര്‍ക്കാണ് ഈ നേട്ടം ലഭിക്കുന്നത്.
2 കോടിക്ക് താഴെയുള്ള സ്ഥിര നിക്ഷേപങ്ങളുടെ പലിശ നിരക്കും ബാങ്ക് ഉയര്‍ത്തിയിട്ടുണ്ട്. 7 ദിവസം മുതല്‍ 10 വര്‍ഷത്തേക്ക് 4 ശതമാനം മുതല്‍ 5.25 ശതമാനം പലിശയാണ് നല്‍കുന്നത്. മുതിര്‍ന്ന പൗരന്മാര്‍ക്ക് 0.50 ശതമാനം അധിക നിരക്ക് ലഭിക്കും. 2 വര്‍ഷം മുതല്‍ 998 ദിവസത്തേക്കുള്ള നിക്ഷേപത്തിന് 7.25 ശതമാനം പലിശ നല്‍കുന്നുണ്ട്.
1000 ദിവസം മുതല്‍ 3 വര്‍ഷത്തില്‍ താഴെ കാലാവധിയുള്ള നിക്ഷേപത്തിനും ഇതേ നിരക്ക് ലഭിക്കും. മുതിര്‍ന്ന പൗരന്മാര്‍ക്ക് ഈ കാലാവധിയില്‍ 7.75 ശതമാനം പലിശ ലഭിക്കും. 3 വര്‍ഷം മുതല്‍ 5 വര്‍ഷം വരെ കാലാവധിയുള്ള നിക്ഷേപങ്ങള്‍ക്ക് 5.75 ശതമാനവും 5 വര്‍ഷം മുതല്‍ 10 വര്‍ഷത്തേക്ക് 5.25 ശതമാനവും പലിശ നല്‍കും.
യൂണിറ്റി സമോൾ ഫിനാൻസ് ബാങ്ക്
യൂണിറ്റി ബാങ്ക് പുറത്തിറക്കിയ ഏറ്റവും പുതിയ സ്ഥിര നിക്ഷേപ പദ്ധതിയാണ് ഷഗുണ്‍ 366. 1 വര്‍ഷം 1 ദിവസം കാലാവധിയുള്ള നിക്ഷേപത്തിന് പൊതു വിഭാഗത്തിന് 7.80 ശതമാനം പലിശയും മുതിര്‍ന്ന പൗരന്മാര്‍ക്ക് 8.30 ശതമാനം പലിശയും ലഭിക്കും. 366 ദിവസ കാലാവധിയുള്ള ഈ നിക്ഷേപത്തിൽ നവംബര്‍ 30നുള്ളില്‍ ചേരുന്നവർക്കാണ് യൂണിറ്റി ബാങ്ക് ഉയർന്ന പലിശ നല്‍കുന്നത്.
