ഈ പൊതുമേഖലാ ബാങ്കിൽ സ്ഥിര നിക്ഷേപ പലിശ 8%ത്തിൽ; ഇപ്പോൾ എഫ്ഡിയിടുന്നത് ലാഭം; നോക്കുന്നോ

റിപ്പോ നിരക്ക് ഉയർന്ന് നിൽക്കുന്നതും ബാങ്കുകളുടെ ലിക്വിഡിറ്റി പ്രശ്നവും കാരണം സ്ഥിര നിക്ഷേപ പലിശ നിരക്ക് ഉയർന്ന് നിൽക്കുകയാണ്. ചാഞ്ചാട്ടങ്ങളില്ലാതെ ഉയർന്ന റിട്ടേൺ ആവശ്യമുള്ളവർ സ്വാഭാവികമായും സ്ഥിര നി്ഷേപങ്ങളിലേക്ക് ചേക്കേറും.

ഉയർന്ന പലിശ പരിശോധിക്കുമ്പോൾ പൊതുമേഖലാ ബാങ്കുകൾ 8 ശതമാനം നിരക്കിലേക്ക് എത്തിയിട്ടുണ്ട്. ജനുവരി 20 തിന് പലിശ നിരക്കുയർത്തിയ പൊതുമേഖലാ ബാങ്കായ യൂണിയൻ ബാങ്ക് ഓഫ് ഇന്ത്യ 8 ശതമാനം വരെ പലിശ നൽകുന്നു. ഇതേ ദിവസം കർണാടക ബാങ്കും സ്ഥിര നിക്ഷേപ പലിശ നിരക്ക് പുതുക്കി. ഇവയുടെ വിശദാംശങ്ങളറിയാം.

യൂണിയൻ ബാങ്ക് ഓഫ് ഇന്ത്യ

7 ദിവസത്തിനും 45 ദിവസത്തിനും ഇടയിൽ കാലാവധിയുള്ള സ്ഥിര നിക്ഷേപങ്ങൾക്ക് യൂണിയൻ ബാങ്ക് ഓഫ് ഇന്ത്യ നൽകുന്ന പലിശ നിരക്ക് 3.5 ശതമാനമാണ്. 46 ദിവസത്തിനും 90 ദിവസത്തിനും ഇടയിൽ 4.5 ശതമാനമായി പലിശ ലഭിക്കും നിരക്കുയരും. 91 ദിവസത്തിനും 120 ദിവസത്തിനും ഇടയിൽ കാലാവധിയുള്ള സ്ഥിര നിക്ഷേപങ്ങൾക്ക് പലിശ നിരക്ക് 4.8 ശതമാനമാണ്.

121 ദിവസത്തിനും 180 ദിവസത്തിനും ഇടയിൽ കാലാവധിയുള്ള സ്ഥിര നിക്ഷേപകൾക്ക് 4.9 ശതമാനം പലിശ ലഭിക്കും. 181 ദിവസം മുതൽ ഒരു വർഷത്തിൽ താഴെ വരെ 5.75%, ഒരു വർഷത്തേക്ക് 6.75%, ഒരു വർഷം മുതൽ 398 ദിവസം വരെ 6.75 ശതമാനം എന്നിങ്ങനെ പലിശ ലഭിക്കും.

399 ദിവസത്തിൽ കാലാവധി പൂർത്തിയാകുന്നവയ്ക്ക് 7.25 പലിശ പലിശ ലഭിക്കും. 400 ദിവസം മുതൽ 10 വർഷത്തേക്ക് 6.50 ശതമാനമാണ് പലിശ നിരക്ക്.

8 ശതമാനം പലിശ നിരക്ക്

യൂണിയൻ ബാങ്ക് ഓഫ് ഇന്ത്യ മുതിർന്ന പൗരന്മാരുടെ സ്ഥിര നിക്ഷേപത്തിന് 0.5 ശതമാനം അധിക പലിശ നൽകുന്നുണ്ട്. മുതിർന്ന പൗരന്മാർക്ക് നൽകുന്ന ഏറ്റവും ഉയർന്ന പലിശ നിരക്ക് 399 ദിവസ കാലാവധിയിലാണ്. 7.75 ശതമാനം പലിശ ലഭിക്കും. 80 വയസിന് മുകളിൽ പ്രായമുള്ള സൂപ്പർ സീനിയർ സിറ്റിസൺസിന് 0.75 അധിക നിരക്ക് ലഭിക്കും. ഇതുപ്രകാരം 399 ദിവസത്തിനുള്ളിൽ കാലാവധി പൂർത്തിയാകുന്ന നിക്ഷേപങ്ങൾക്ക് 8 ശതമാനം പലിശ ലഭിക്കും.

കർണാടക ബാങ്ക്

സ്വകാര്യ ബാങ്കായ കർണാടക ബാങ്ക് 7 ദിവസത്തിനും 45 ദിവസത്തിനും ഇടയിൽ കാലാവധിയുള്ള സ്ഥിര നിക്ഷേപങ്ങൾക്ക് 3.5 ശതമാനം പലിശ നൽകും. 45 ദിവസം മുതൽ 90 ദിവസം വരെ കാലാവധിയുള്ള നിക്ഷേപങ്ങൾക്കും ബാങ്ക് 3.5 ശതമാനം പലിശ ലഭിക്കും. 91 ദിവസത്തിനും 179 ദിവസത്തിനും ഇടയിൽ കാലാവധിയുള്ള നിക്ഷേപങ്ങൾക്ക് 5.25 ശതമാനമാണ് പലിശ.

180 ദിവസം മുതൽ 269 ദിവസത്തേക്ക് 6 ശതമാനം പലിശ ലഭിക്കും. 270 ദിവസത്തിനും 1 വർഷത്തിൽ താഴെയുള്ള നിക്ഷേപങ്ങൾക്ക് 6.5 ശതമാനം പലിശ ലഭിക്കും. 1 വർഷത്തിനും 2 വർഷത്തിനും ഇടയിൽ 6.95 ശതമാനം പലിശ ലഭിക്കും.

375 ദിവസ കാലാവധി പൂർത്തിയാകുമ്പോൾ 7.1 ശതമാനം പലിശ ലഭിക്കും. 444 ദിവസത്തേക്ക് 7.25 ശതമാനം പലിശ ലഭിക്കും. രണ്ട് വർഷത്തിനും 5 വർഷത്തിനും ഇടയിൽ കാലാവധിയുള്ള സ്ഥിര നിക്ഷേപങ്ങൾക്ക് 6.5 ശതമാനം പലിശ ലഭിക്കും.

മുതിർന്ന പൗരന്മാർക്ക് 0.40 ശതമാനം പലിശ ലഭിക്കും. 444 ദിവസ കാലാവധിയിലുള്ള മുതിർന്ന പൗരന്മാരുടെ സ്ഥിര നിക്ഷേപത്തിന് 7.25 ശതമാനം പലിശ ലഭിക്കും. ഇതാണ് ബാങ്കിലെ ഉയർന്ന നിരക്ക്.