ഉയർന്ന പലിശ, ഉറപ്പായ റിട്ടേൺസ്, വലിയ സമ്പാദ്യം... മികച്ച 10 പോസ്റ്റ് ഓഫീസ് സ്കീമുകൾ

സ്ഥിരമായ വരുമാനം നൽകുന്ന സ്ഥിരതയുള്ളതും കുറഞ്ഞ അപകടസാധ്യതയുള്ളതുമായ നിക്ഷേപ ഓപ്ഷനുകൾ തിരഞ്ഞെടുക്കാനാണ് എല്ലാവരും ഇഷ്ടപ്പെടുന്നത്. ഇതിനായി സ്ഥിര നിക്ഷേപങ്ങൾക്ക് പകരം ചെറുകിട സമ്പാദ്യ പദ്ധതികളെ കൂടുതൽ പേരും ആശ്രയിക്കുന്നു. സാധാരണയായി ഇന്ത്യൻ പോസ്റ്റ് ഓഫീസ് നിരവധി ചെറുകിട സ്കീമുകൾ വാഗ്‌ദാനം ചെയ്യുന്നു. പോസ്റ്റ് ഓഫീസിന്റെ മികച്ച 10 സ്കീമുകളെ പരിചയപ്പെടാം.

ആദായ നികുതി തടസ്സങ്ങൾ ഒഴിവാക്കാൻ ഈ രേഖകൾ സമർപ്പിക്കൂ.... എങ്ങനെ സമർപ്പിക്കാം?

1. പോസ്റ്റ് ഓഫീസ് സേവിംഗ്സ് അക്കൗണ്ട്

പോസ്റ്റ് ഓഫീസ് സേവിംഗ്സ് അക്കൗണ്ട് 4 ശതമാനം പലിശ നിരക്ക് വാഗ്‌ദാനം ചെയ്യുന്നുണ്ട്. ഒരു അക്കൗണ്ട് തുറക്കുന്നതിനുള്ള ഏറ്റവും കുറഞ്ഞ തുക 500 രൂപയാണ്.

2. നാഷണൽ സേവിംഗ്സ് ടൈം ഡെപ്പോസിറ്റ്

നാഷണൽ സേവിംഗ്സ് ടൈം ഡെപ്പോസിറ്റ് സ്കീമിൽ പരമാവധി നിക്ഷേപത്തിന് പരിധിയില്ല. 100 രൂപയുടെയോ 1000 രൂപയുടെയോ ഗുണിതങ്ങളായി പണം നിക്ഷേപിക്കാം. ഒരു വർഷത്തെ നിക്ഷേപത്തിന് 6.9 ശതമാനവും രണ്ട് വർഷത്തേക്ക് 7 ശതമാനവും മൂന്ന് വർഷത്തെ നിക്ഷേപത്തിന് 7.1 ശതമാനവും അഞ്ച് വർഷത്തേക്ക് 7.5 ശതമാനവും പലിശ വാഗ്‌ദാനം ചെയ്യുന്നു.

3. നാഷണൽ സേവിംഗ്സ് ടൈം ഡെപ്പോസിറ്റ് (ടിഡി) അക്കൗണ്ട്

ഒന്ന്, രണ്ട്, മൂന്ന്, അഞ്ച് വർഷങ്ങളിൽ സ്കീം ലഭ്യമാണ്. ദീർഘകാല നിക്ഷേപം ആഗ്രഹിക്കുന്ന നിക്ഷേപകർക്ക് ടൈം ഡെപ്പോസിറ്റ് അക്കൗണ്ടുകൾ അനുയോജ്യമാണ്. കുറഞ്ഞത് 1,000 രൂപ ഉപയോഗിച്ച് അക്കൗണ്ടുകൾ തുറക്കാം.

4. നാഷണൽ സേവിംഗ്സ് മംത്‌ലി ഇൻകം അക്കൗണ്ട്

ഇതിലും പ്രതിവർഷം 7.4 ശതമാനം പലിശ ലഭിക്കുന്ന 1000 രൂപയുടെ ഗുണിതങ്ങളായി അക്കൗണ്ടിൽ പണം നിക്ഷേപിക്കാം. ഒരു അക്കൗണ്ടിലെ പരമാവധി നിക്ഷേപ തുക 9 ലക്ഷം ആണ്, അതേസമയം ജോയിന്റ് അക്കൗണ്ടിലെ പരമാവധി നിക്ഷേപ പരിധി 15 ലക്ഷം രൂപയാണ്.

5. സീനിയർ സിറ്റിസൺ സേവിംഗ്സ് സ്കീം അക്കൗണ്ട്

മുതിർന്ന പൗരന്മാർക്കു വേണ്ടിയുള്ള സ്കീം ആണിത്. 60 വയസും അതിൽ കൂടുതൽ പ്രായമുള്ളവർക്കും ഈ സ്കീമിൽ നിക്ഷേപിക്കാം. 1,000 രൂപ മുതൽ നിക്ഷേപം നടത്താം. പരമാവധി നിക്ഷേപം 30 ലക്ഷം രൂപയാണ്. ഈ സ്കീം സേവിംഗ്സ് സെഗ്മെന്റിലെ ഏറ്റവും ഉയർന്ന പലിശ നിരക്കുകളിലൊന്ന് വാഗ്‌ദാനം ചെയ്യുന്നു. പതിവ് ചെലവുകൾക്കായി നിക്ഷേപ വരുമാനത്തെ ആശ്രയിക്കുന്ന മുതിർന്ന പൗരന്മാർക്ക് അനുയോജ്യമാണ്.

6. പബ്ലിക് പ്രൊവിഡന്റ് ഫണ്ട് (പിപിഎഫ്) അക്കൗണ്ട്

സുരക്ഷിതത്വം സ്ഥിരമായ വരുമാനവും ലക്ഷ്യമിടുന്നവർക്കായി സർക്കാർ പിന്തുണയുള്ള ഒരു സേവിംഗ്സ് സ്കീമാണ് പിപിഎഫ്. 15 വർഷത്തെ ലോക്ക്-ഇൻ കാലയളവ് ഉണ്ട്. വിരമിക്കൽ അല്ലെങ്കിൽ കുട്ടിയുടെ വിദ്യാഭ്യാസം പോലുള്ള ദീർഘകാല ലക്ഷ്യങ്ങൾക്ക് ഈ സ്കീം അനുയോജ്യമാണ്. പലിശ നിരക്ക് സേവിംഗ്സ് അക്കൗണ്ടുകളേക്കാൾ കൂടുതലാണ്. 500 മുതൽ 1.5 ലക്ഷം വരെയുള്ള നിക്ഷേപിക്കാം.

7. സുകന്യ സമൃദ്ധി അക്കൗണ്ട്

പെൺകുട്ടികളുടെ വിദ്യാഭ്യാസവും ഭാവിയും സുരക്ഷിതമാക്കുന്നതിനായി രൂപകൽപ്പന ചെയ്ത പദ്ധതിയാണ്. ചെറുകിട സമ്പാദ്യ പദ്ധതികളിൽ ഏറ്റവും ഉയർന്ന പലിശ നിരക്കായ 8.2% നൽകുന്നു. ഈ സ്കീമിന് കീഴിൽ, 250 രൂപ മുതൽ നിക്ഷേപിക്കാൻ കഴിയും. ഒരു വർഷം പരമാവധി ഒന്നര ലക്ഷം രൂപ വരെ നിക്ഷേപിക്കാം.

8. നാഷണൽ സേവിംഗ്സ് സർട്ടിഫിക്കറ്റ്

നാഷണൽ സേവിംഗ്സ് സർട്ടിഫിക്കറ്റ് പ്രതിവർഷം 7.7 ശതമാനം പലിശ നൽകുന്നു. നിക്ഷേപിക്കുന്നതിനുള്ള ഏറ്റവും കുറഞ്ഞ പരിധി 1000 രൂപയാണ്, അതേസമയം പരമാവധി പരിധി നിശ്ചയിച്ചിട്ടില്ല.

9. കിസാൻ വികാസ് പത്ര (കെവിപി)

ഈ സ്കീമിന് കീഴിൽ, നിക്ഷേപത്തിന് ഉയർന്ന പരിധി ഇല്ലെങ്കിലും 1000 രൂപ ഉപയോഗിച്ച് ഒരു അക്കൗണ്ട് തുറക്കാം. പ്രതിവർഷം 7.5 ശതമാനം പലിശ നൽകുന്നു.

10. മഹിളാ സമ്മാൻ സേവിംഗ്സ് സർട്ടിഫിക്കറ്റ് (എംഎസ്എസ്എസ്‌സി)

സ്ത്രീകൾക്കും പെൺകുട്ടികൾക്കുമായുള്ള സർക്കാരിന്റെ പ്രത്യേക പദ്ധതിയാണ് മഹിളാ സമ്മാൻ സേവിംഗ് സർട്ടിഫിക്കറ്റ് (എംഎസ്എസ്‌സി). സ്ത്രീകളെ സംരക്ഷിക്കാനും അവർക്ക് സാമ്പത്തിക സുരക്ഷ നൽകാനും പ്രോത്സാഹിപ്പിക്കുക എന്നതാണ് ഈ പദ്ധതിയുടെ ലക്ഷ്യം. ഭാര്യയുടെയോ മകളുടെയോ പേരിൽ ഈ പദ്ധതിയിൽ നിക്ഷേപിക്കാം. പ്രതിവർഷം 7.5% പലിശ ലഭിക്കുന്നു.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.