റിസ്കില്ലാത്ത നിക്ഷേപം; പണം നേരിട്ട ആർബിഐയിൽ; അറിയാം ട്രഷറി ബില്ലുകളെ

1 വർഷത്തിനപ്പുറം ആവശ്യമുള്ള പണം കയ്യിൽ വെയ്ക്കുന്നത് എന്തായാലും ബുദ്ധിയല്ല. ബാങ്കിലേക്ക് പോയാൽ സേവിംഗ്‌സ് അക്കൗണ്ടുകളിലും എഫ്ഡിയിലും കിട്ടുന്നത് തുച്ഛമായ പലിശ. 1 വർഷത്തേക്ക് റിട്ടേൺ മികച്ചതാകണമെങ്കിൽ നിക്ഷേപം ട്രഷറി ബില്ലുകളവണം. നിക്ഷേപകർക്കിടയിൽ ട്രെൻഡല്ല ട്രഷറി ബിൽ അഥവാ ടി-ബിൽ. ആർബിഐ കേന്ദ്ര സർക്കാറിന് വേണ്ടി ഇറക്കുന്ന ഡെറ്റ് നിക്ഷേപമാണ് ട്രഷറി ബിൽ. 91 ദിവസം, 182 ദിവസം 364 ദിവസം എന്നിങ്ങനെ കാലാവധിയിൽ ട്രഷറി ബില്ലുകൾ ലഭിക്കും.

ട്രഷറി ബില്ലിൽ നിക്ഷേപിക്കാൻ പലിശ എത്രയെന്ന് ചോദിക്കുമ്പോൾ പലിശയില്ലെന്നാണ് ഉത്തരം. മികച്ച റിട്ടേണെന്ന് പറഞ്ഞിട്ട് പലിശയില്ലെന്നോ? കാര്യം വിശദമാക്കിയാൽ, നിശ്ചിത പലിശയില്ലാതെ ഫോസ് വാല്യുവിൽ ഇളവോടെയാൻ് ട്രഷറി ബിൽ ഇഷ്യൂ ചെയ്യുക. വിൽക്കുമ്പോൾ ഫേസ് വാല്യവിന് തിരിച്ചെടക്കും. അതാണ് നിക്ഷേപകന്റെ ലാഭം.

ട്രഷറി ബില്ലിന്റെ മുഖവില 100 രൂപയാണ്. ഒരു ഉദാഹരണത്തിന് 91 ദിവസത്തെ ട്രഷറി ബിൽ 98 രൂപയിൽ വാങ്ങിയൊരാൾ റെഡീം ചെയ്യുമ്പോൾ 2 രൂപ ലാഭം ലഭിക്കും. ഇതാണ് നിക്ഷേപത്തിലെ ലാഭം. 2 രൂപ എന്നത് നിസാര ലാഭമായി കാണേണ്ട. 100 രൂപയ്ക്ക് 8.18 ശതമാനമാണ് യീൽഡ്. കുറഞ്ഞത് 10,000 രൂപ മുതൽ വാങ്ങാം. ട്രഷരി ബില്ലുകൾ വിപണിയിൽ ലിസ്റ്റ് ചെയ്തവയാണ്. ഇതോടൊപ്പം ആർബിഐ റീട്ടെയിൽ ഡയറക്ട് വഴിയും നിക്ഷേപിക്കാം. ട്രഷറി ബിൽ ലേലത്തിലൂടെയാണ് ഇഷ്യു ചെയ്യുന്നത്. ആഴ്ചയിലൊരിക്കലോ രണ്ടാഴ്ചയിലൊരിക്കലോ ഇഷ്യു നടക്കും.

14, 91, 182, 364 ദിവസങ്ങൾ എന്നിങ്ങനെ കാലാവധി അനുസരിച്ചാണ് ട്രഷറി ബില്ലുകൾ വ്യത്യസ്തമാകുന്നത്. ലിക്വിഡിറ്റിയും ഡിമാൻഡും ആർ‌ബി‌ഐയുടെ പണനയവും അടിസ്ഥാനമാക്കി ഇഷ്യു വില വ്യത്യാസപ്പെടാറുണ്ട്. നിലവിൽ ലഭ്യമായ ട്രഷറി ബില്ലുകളെ പറ്റി അറിയാൻ ആർ‌ബി‌ഐയുടെ ഔദ്യോഗിക വെബ്‌സൈറ്റ് സന്ദർശിച്ചാൽ മതിയാകും.

ട്രഷറി ബില്ലിൽ നിക്ഷേപിക്കാവുന്ന ഏറ്റവും കുറഞ്ഞ തുക 10,000 രൂപയാണ്. 10,000 രൂപയുടെ ഗുണിതങ്ങളായി നിക്ഷേപം ഉയർത്താം. ഇവിടെ യീൽഡ് അല്ലെങ്കിൽ റിട്ടേൺ എന്നത് വാങ്ങൽ വിലയും മുഖവിലയും തമ്മിലുള്ള വ്യത്യാസമാണ്. ഉദാഹരണത്തിന് 10,000 രൂപ മുഖവിലയുള്ള 182 ദിവസത്തെ ട്രഷറി ബില്ലിൽ നിക്ഷേപിക്കുമ്പോൾ 9520 രൂപയ്ക്കാണ് ലഭിച്ചതെന്ന് കരുതാം. കാലാവധി പൂർത്തിയാകുമ്പോൾ നിക്ഷേപകന് 10,000 രൂപ തിരികെ ലഭിക്കും. ഇത് 10.1% വാർഷിക വരുമാനത്തിന് തുല്യമാണ്. ട്രഷറി ബില്ലുകളിൽ നിന്നുള്ള ലാഭം ഹ്രസ്വകാല മൂലധന നേട്ടമായി കണക്കാക്കും. നിക്ഷേപകന്റെ ആദായ നികുതി സ്ലാബ് അനുസരിച്ച് നികുതി നൽകണം. നിക്ഷേപം പിൻവലിക്കുമ്പോൾ ടി‌ഡി‌എസ് കുറയ്ക്കില്ല.