ദിവസവും 45 രൂപ മാറ്റിവെച്ചാൽ 25 ലക്ഷം രൂപ സമ്പാദിക്കാനാകും; എൽ.ഐ.സിയുടെ ആ സ്പെഷ്യൽ പദ്ധതി ഏതാണെന്നറിയേണ്ടേ?

ഇപ്പോൾ നിരവധി നിക്ഷേപ പദ്ധതികൾ ലഭ്യമാണെങ്കിലും, ആളുകൾ വളരെക്കാലമായി വിശ്വസിക്കുന്ന ചില പദ്ധതികളുണ്ട്. അങ്ങനെ ജനങ്ങൾക്ക് വിശ്വാസമുള്ള ഒരു പദ്ധതിയാണ് എൽ.ഐ.സി. ഇന്നും എൽ.ഐ.സി പദ്ധതികളിൽ നിക്ഷേപിക്കാൻ പലരും ഇഷ്ടപ്പെടുന്നു. അത്തരത്തിലുള്ള ഒരു എൽ.ഐ.സി പദ്ധതിയാണ് ജീവൻ ആനന്ദ് പോളിസി. ഇതൊരു ടേം പോളിസിയാണ്. ബോണസ്, മരണ ആനുകൂല്യങ്ങൾ, മറ്റ് ആനുകൂല്യങ്ങൾ എന്നിവയും ഈ പദ്ധതിയിൽ ഉൾപ്പെടുത്തിയിട്ടുണ്ട്.

18നും 50നും ഇടയിൽ പ്രായമുള്ള ആർക്കും ജീവൻ ആനന്ദ് പോളിസി എടുക്കാൻ സാധിക്കും. പരമാവധി മെച്യൂരിറ്റി പ്രായം ഏകദേശം 75 വയസാണ്. പോളിസിയിലെ ഏറ്റവും കുറഞ്ഞ കാലാവധി 15 വർഷവും കൂടിയ കാലാവധി 35 വർഷവുമാണ്. പോളിസിയിലെ വരിസംഖ്യ പ്രതിമാസമായോ ത്രൈമാസമായോ അർദ്ധവാർഷികമായോ വാർഷികമായോ അടയ്ക്കാനുള്ള സൗകര്യം നൽകിയിട്ടുണ്ട്. പോളിസിയിൽ ലോൺ സൗകര്യവും ലഭ്യമാണ്.

ദിവസവും 45 രൂപ മാറ്റി വയ്ക്കുന്നതിലൂടെ, എൽ.ഐ.സിയുടെ ജീവൻ ആനന്ദ് പോളിസി വഴി 25 ലക്ഷം രൂപ സമ്പാദിക്കാൻ സാധിക്കും. അതെങ്ങനെയാണെന്ന് നോക്കാം.

5 ലക്ഷം അഷ്വേർഡ് തുകയിൽ പോളിസി എടുക്കുകയാണെങ്കിൽ, നിങ്ങൾ പ്രതിമാസം അടയ്‌ക്കേണ്ട തുക 1358 രൂപയാണ്. ഇങ്ങനെ ഒരു വർഷത്തിലെ നിങ്ങളുടെ നിക്ഷേപ തുക 16,300 രൂപയും 35 വർഷത്തിലെ നിങ്ങളുടെ ആകെ നിക്ഷേപം 5,70,500 രൂപയുമായിരിക്കും. 35 വർഷത്തിന് ശേഷം സം അഷ്വേർഡ് തുകയായി 5 ലക്ഷം രൂപയും ബോണസായി 8.50 ലക്ഷം രൂപയും അവസാനം അധിക ബോണസായി ഏകദേശം 11.50 ലക്ഷം രൂപയും ലഭിക്കും. അങ്ങനെ കാലാവധി പൂർത്തിയാക്കുമ്പോൾ നിങ്ങൾക്ക് ആകെ 25 ലക്ഷം രൂപ ലഭിക്കും.

വില 230 രൂപ മുതൽ, ഇപ്പോൾ വാങ്ങാൻ ബയോകോൺ ഉൾപ്പെടെ 3 ഓഹരികൾ, കുതിപ്പിനുള്ള കാരണം ഇതാണ്

ജീവൻ ആനന്ദ് പോളിസിയിൽ കുറഞ്ഞ സം അഷ്വേർഡ് തുക ഒരു ലക്ഷം രൂപയാണെങ്കിലും പരമാവധി പരിധിയില്ല. ഈ പോളിസിയിൽ നാല് തരം റൈഡറുകൾ ലഭ്യമാണ്. ആക്സിഡന്റൽ ഡെത്ത് ആൻഡ് ഡിസബിലിറ്റി റൈഡർ, ആക്സിഡന്റ് ബെനിഫിറ്റ് റൈഡർ, ന്യൂ ടേം ഇൻഷുറൻസ് റൈഡർ, ന്യൂ ക്രിട്ടിക്കൽ ബെനിഫിറ്റ് റൈഡർ എന്നിവ ഇതിൽ ഉൾപ്പെടുന്നു. ഇൻഷ്വർ ചെയ്ത വ്യക്തി ഏതെങ്കിലും കാരണത്താൽ മരിക്കുകയാണെങ്കിൽ, അയാളുടെ നോമിനിക്ക് 125 ശതമാനം മരണ ആനുകൂല്യം ലഭിക്കും. എങ്കിലും, ഈ പോളിസിയിൽ നികുതി ആനുകൂല്യമില്ല.